କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ କରୋନା, ଟ୍ୱିଟ କରି ଦେଲେ ସୂଚନା
Khabar Odisha:amit-shah-tests-covid-positive-sent-to-medanta-hospital
ନୂଆଦିଲ୍ଲୀ, ଅଗଷ୍ଟ ୦୨ (ଖବର ଓଡ଼ିଶା):

ଗୃହମନ୍ତ୍ରୀ ଅମିତ ଶାହାଙ୍କୁ କରୋନା । କରୋନା ପଜେଟିଭ ଚିହ୍ନଟ ହେବା ପରେ ଡାକ୍ତରଙ୍କ ପରାମର୍ଶରେ ତାଙ୍କୁ ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ଗୃହମନ୍ତ୍ରୀ ଅମିତ ଶାହା ନିଜ ଟ୍ୱିଟରେ ଟ୍ୱିଟ କରି ଏ ସମ୍ପର୍କରେ ନିଶ୍ଚିତ କରିଛନ୍ତି । ସେ କହିଛନ୍ତି ଯେ ପ୍ରାରମ୍ଭିକ ଲକ୍ଷଣ ଦେଖାଇବା ପରେ ସେ କରୋନା ପରୀକ୍ଷା କରିଥିଲେ । ଯାହାର ରିପୋର୍ଟ ପଜେଟିଭ ଆସିଛି ।

ଗୃହମନ୍ତ୍ରୀ ଅମିତ ଶାହା ଟ୍ୱିଟ ଯୋଗେ କହିଛନ୍ତି ଯେ ତାଙ୍କ ସ୍ୱାସ୍ଥ୍ୟ ଅବସ୍ଥା ବର୍ତ୍ତମାନ ଭଲ ଅଛି କିନ୍ତୁ ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସେ ଅନୁରୋଧ କରିଛନ୍ତି ଯେ ଯେଉଁମାନେ ନିକଟ ଅତୀତରେ ତାଙ୍କ ସହ ଯୋଗାଯୋଗ କରିଛନ୍ତି, ଦୟାକରି ନିଜକୁ ଆଇସୋଲେସନ କରନ୍ତୁ ଏବଂ ନିଜର କରୋନା ପରୀକ୍ଷଣ କରାନ୍ତୁ ।

କରୋନା ପଜିଟିଭ୍ ମିଳିବା ପରେ ଅମିତ ଶାହାଙ୍କୁ ଅପରାହ୍ନ 4.24 ରେ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କୁ ମେଦାନ୍ତ ହସ୍ପିଟାଲର 14 ତମ ମହଲାରେ 4710 ରୁମରେ ରଖାଯାଇଛି | ତାଙ୍କର ଚିକିତ୍ସା ଡାକ୍ତର ସୁଶୀଲା କାଟାରିଆଙ୍କ ତତ୍ତ୍ୱାବଧାନରେ କରାଯିବ ବୋଲି ଜଣାପଡିଛି ।

ଗୃହମନ୍ତ୍ରୀ ଅମିତ ଶାହା କରୋନା ପଜେଟିଭ ଚିହ୍ନଟ ହେବା ପରେ ଅନେକ ନେତା ଓ ମନ୍ତ୍ରୀ ଟ୍ୱିଟ ଯୋଗେ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ।

  • Tags:

Subscribe

National International State Sports Entertainment