ବିଜେପିର ସବୁ ବିଧାୟକ ପହଞ୍ଚିଲେ ଭୋପାଳ
Khabar Odisha:Politics-Shivraj-Singh-Chouhan-said-MP-govt-has-lost-itss-majority-running-away-from-floor-test

ନୂଆଦିଲ୍ଲୀ, ମାର୍ଚ୍ଚ ୧୬ (ଖବର ଓଡ଼ିଶା): ଜ୍ୟୋତିରାଦିତ୍ୟ ସିନ୍ଧିିଆ କଂଗ୍ରେସ ଛାଡ଼ି ବିଜେପିରେ ଯୋଗ ଦେବା ପରେ ମଧ୍ୟପ୍ରଦେଶରେ ରାଜନୈତିକ ସଂକଟ ଦେଖାଯାଇଛି । କମଲନାଥଙ୍କ ସରକାର ରହିବ କି ନାହିଁ, ତାହା ମଧ୍ୟ ସ୍ପଷ୍ଟ ହୋଇପାରୁ ନାହିଁ । ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କମଲନାଥ ସରକାରଙ୍କୁ ଟାର୍ଗେଟ କରି କହିଛନ୍ତି, ରାଜ୍ୟ ସରକାର ନିଜର ବହୁମତ ହରାଇ ସାରିଛନ୍ତି ଏବଂ ଏହି କାରଣରୁ ଶକ୍ତିପରୀକ୍ଷା ଦେବା ପାଇଁ ଆଗକୁ ଆସୁ ନାହାନ୍ତି ।ଶିବରାଜ କହିଛନ୍ତି, ମଧ୍ୟପ୍ରଦେଶ ସରକାର ବହୁମତ ହରାଇ ସାରିଛନ୍ତି । ଆମେ ସୋମବାର ବିଧାନସଭାରେ ସରକାରଙ୍କ ନିକଟରେ ବହୁମତ ପ୍ରମାଣିତ କରିବାକୁ ଦାବି କରିବୁ । ମୁଖ୍ୟମନ୍ତ୍ରୀ କହିସାରିଛନ୍ତି ଯେ, ଶକ୍ତିପରୀକ୍ଷା ଚାହାନ୍ତି, ପୁଣି ସେ କାହିଁକି ପଳାୟନ କରୁଛନ୍ତି । ଆମର ଦାବି କେବଳ ଶକ୍ତିପରୀକ୍ଷା ଉପରେ ନଜର ଅଛି । ଏହାରି ମଧ୍ୟରେ ବିଜେପିର ସବୁ ବିଧାୟକମାନେ ରବିବାର ରାତି ଜୟପୁରରୁ ଭୋପାଳ ପହଞ୍ଚି ସାରିଛନ୍ତି ।

ସୂଚନାଯୋଗ୍ୟ, ମଧ୍ୟ ପ୍ରଦେଶ ବିଧାନସଭାର ବଜେଟ ଅଧିବେଶନ ସୋମବାର ଠାରୁ ଆରମ୍ଭ ହେଉଛି । ଏହି ଅଧିବେଶନରେ ରାଜ୍ୟପାଳ ଲାଲଜୀ ଟଣ୍ଡନ ଅଭିଭାଷଣ ରଖିବେ । କିନ୍ତୁ ଶକ୍ତିପରୀକ୍ଷା ହେବ କି ନାହିଁ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ । 

 

  • Tags:

Subscribe

National International State Sports Entertainment