ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଯେଉଁଠି ପିଲାଙ୍କ ଯତ୍ନ ନେବା ସ୍ଥାନରେ ଦିଆଯାଉଛି ନିର୍ଯ୍ୟାତନା । ପ୍ରସିଦ୍ଧ ଆଇଟି କମ୍ପାନୀ କ୍ୟାପଜେମିନିର ହାଲ୍ କ୍ୟାମ୍ପସ ମଧ୍ୟରେ ଥିବା ଏକ ଡେକେୟାର ସେଣ୍ଟରରେ ଛୋଟ ପିଲାଙ୍କ ସହିତ ହୋଇଛି ଅମାନୁଷିକ ବ୍ୟବହାର । ଯତ୍ନ ଆଢ଼ୁଆଳରେ ପିଲାଙ୍କୁ ଦିଆଯାଉଛି  ଶାରୀରିକ ନିର୍ଯାତନା । ପିଲାକୁ କେତେବେଳେ ୱାସିଂ ମେସିନରେ ଭର୍ତ୍ତି କରିଦିଆଯାଉଛି ତ ଆଉ କେଉଁଠି ଆଉ କେଉଁଠି ବାଥରୁମରେ ବନ୍ଦ କରିଦିଆଯାଉଛି । ଯାହାର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓ ଆଧାରରେ, ଯତ୍ନ ନେଉଥିବା ପାଞ୍ଚ ଜଣ ମହିଳାଙ୍କ ବିରୋଧରେ ଏକ ଏଫଆଇଆର ରୁଜୁ କରାଯାଇଛି। 

ଅଭିଯୋଗକାରୀଙ୍କ ଅନୁଯାୟୀ, ଫୁଟେଜରେ ପିଲାମାନେ କାନ୍ଦୁଥିବା ଦେଖାଯାଇଛି ଯେତେବେଳେ ଯତ୍ନ ନେଉଥିବା ବ୍ୟକ୍ତିମାନେ ସେମାନଙ୍କୁ ଶାରୀରିକ ନିର୍ଯ୍ୟାତନା ଏବଂ ଭୟଭୀତ କରୁଛନ୍ତି। ଯତ୍ନ ନେଉଥିବା ମହିଳାମାନେ ପିଲାମାନଙ୍କୁ ଏକ ଫ୍ରଣ୍ଟ-ଲୋଡିଂ ୱାସିଂ ମେସିନ ଭିତରେ ରଖିଥିଲେ, ସେମାନଙ୍କୁ ଶୌଚାଳୟରେ ବସାଇବାକୁ ବାଧ୍ୟ କରିଥିଲେ, ଟଏଲେଟ୍ ଜେଟ୍ ସ୍ପ୍ରେ ବ୍ୟବହାର କରି ସେମାନଙ୍କ ମୁହଁରେ ପାଣି ସିଞ୍ଚିଥିଲେ, ବାଥରୁମରେ ବନ୍ଦ କରି ଦେଇଥିଲେ ଏବଂ ଚୁପ୍ ରହିବାକୁ ଧମକ ଦେଇଥିଲେ। ବେଙ୍ଗାଲୁରୁର ପ୍ରତିଷ୍ଠିତ ଆଇଟି କମ୍ପାନୀର ଡେକେୟାରରେ ଏଭଳି ଘଟଣା ଘଟିଛି । ଯେଉଁଠାରେ କମ୍ପାନୀର ମହିଳା କର୍ମଚାରୀମାନେ ସେମାନଙ୍କ ପିଲାଙ୍କୁ ରଖିବାକୁ ଛାଡ଼ନ୍ତି । 

ନିର୍ଯାତନାର ଭିଡିଓ ହ୍ୱାଟସଆପରେ ଭାଇରାଲ ହେବା ପରେ ଏବଂ ଚାଇଲ୍ଡ ହେଲ୍ପଲାଇନ୍‌କୁ ଜଣାଇବା ପରେ ଘଟଣାଟି ସାମ୍ନାକୁ ଆସିଥିଲା । ଯାହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ପୋଲିସ ପାଞ୍ଚ ଜଣ ମହିଳାଙ୍କ ବିରୁଦ୍ଧରେ ମାମଲା ରୁଜୁ କରିଛି।