ନୂଆଦିଲ୍ଲୀ: ନିଟ୍ ପେପର୍ ଲିକକୁ ପ୍ରସଙ୍ଗ କରି ନୂଆଦିଲ୍ଲୀ ଜନ୍ତରମନ୍ତରରେ ହୋଇଥିବା ଛାତ୍ର ଆନ୍ଦୋଳନକାରୀଙ୍କ ବିରୋଧରେ ସମସ୍ତ ପଞ୍ଜିକୃତ ମାମଲାକୁ ମାନ୍ୟବର ସର୍ବୋଚ୍ଚ ଅଦାଲତ  ରଦ୍ଦ କରିଛନ୍ତି । ଏହା ସହିତ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ଛାତ୍ରମାନଙ୍କ ବିରୋଧରେ ଦାୟର ସମସ୍ତ ମାମଲାକୁ ରଦ୍ଦ ବୋଲି ମାନିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ ଗୁରୁତର ଅପରାଧିକ ପୃଷ୍ଠଭୂମି ଥିବା ଅଭିଯୁକ୍ତଙ୍କ ମାନଙ୍କ ପାଇଁ ଏହି ନିର୍ଦ୍ଦେଶ ଲାଗୁ ହେବ ନାହିଁ । ଏହା ବ୍ୟତୀତ, ଏହି ପ୍ରତିବାଦ ସହିତ ଭବିଷ୍ୟତରେ କୌଣସି ନୂତନ ମାମଲା ଦାୟର କରାଯିବ ନାହିଁ । ବିକ୍ଷୋଭରେ ଅଂଶଗ୍ରହଣ କରିଥିବା ୨,୮୭୩ ଜଣଙ୍କ ମଧ୍ୟରୁ କିଛି ବ୍ୟକ୍ତିଙ୍କ ବିରୁଦ୍ଧରେ ଏତଲା ରୁଜୁ କରିବାକୁ କୋର୍ଟ ଦିଲ୍ଲୀ ପୋଲିସକୁ ଅନୁମତି ଦେଇଛନ୍ତି। ଯେଉଁମାନଙ୍କ ବିରୁଦ୍ଧରେ ଏଫଆଇଆର ରୁଜୁ ହେଉଛି ସେମାନଙ୍କର ଗମ୍ଭୀର ଅପରାଧିକ ରେକର୍ଡ ରହିଛି ।

ସଲିସିଟର ଜେନେରାଲ ତୁଷାର ମେହେଟା ମୁଖ୍ୟ ବିଚାରପତି ସୂର୍ଯ୍ୟକାନ୍ତଙ୍କ ନେତୃତ୍ୱାଧୀନ ଖଣ୍ଡପୀଠକୁ ସୂଚନା ଦେଇଛନ୍ତି ଯେ ଦିଲ୍ଲୀ ପୋଲିସ, ବିହାର, ଆସାମ, ପଶ୍ଚିମବଙ୍ଗ ଏବଂ ମହାରାଷ୍ଟ୍ର ସରକାରଙ୍କ ସହିତ ମିଶି ଛାତ୍ରମାନଙ୍କ ବିରୁଦ୍ଧରେ ରୁଜୁ ହୋଇଥିବା ଏଫଆଇଆରକୁ ରଦ୍ଦ କରିବା ପାଇଁ ଆବେଦନ ଦାଖଲ କରିଛନ୍ତି । ଶୁଣାଣି ସମୟରେ, କୋର୍ଟ ପାରସ୍ପରିକ ବିଶ୍ୱାସ ଉପରେ ଆଧାରିତ ଦୁଇ ପକ୍ଷ ମଧ୍ୟରେ ହୋଇଥିବା ଆଲୋଚନାକୁ ପ୍ରଶଂସା କରିଛନ୍ତି। ଏହାର ଜବାବରେ ସଲିସିଟର ଜେନେରାଲ କହିଛନ୍ତି ଯେ ଉଭୟ ପକ୍ଷ ଏକ ସକାରାତ୍ମକ ଆଭିମୁଖ୍ୟ ଗ୍ରହଣ କରିଛନ୍ତି ଏବଂ ସେମାନେ ପରସ୍ପର ବିରୋଧୀ ନୁହଁନ୍ତି ।

ସେପଟେ ସେପ୍ଟେମ୍ବର ୫ରେ କକ୍ରୋଚ ଜନତା ପାର୍ଟି ପକ୍ଷରୁ ଦିଲ୍ଲୀରେ ହେବାକୁ ଥିବା ପ୍ରସ୍ତାବିତ ପଦଯାତ୍ରାକୁ ପ୍ରତ୍ୟାହାର କରିନେଇଛି । କୋର୍ଟ ଏବଂ ଉଭୟ ପକ୍ଷର ପ୍ରତିନିଧିତ୍ୱ କରୁଥିବା ଓକିଲଙ୍କ ପ୍ରତି କୃତଜ୍ଞତା ପ୍ରକାଶ କରି ସେ ଆଶା ପ୍ରକାଶ କରିଥିଲେ ଯେ ନିର୍ଦ୍ଦେଶ ସମୟ ମଧ୍ୟରେ ପାଳନ କରାଯିବ।