ଉତ୍ତରପ୍ରଦେଶ: ଅଗଷ୍ଟ ୧୫ ତାରିଖ ଆସିଲେ ଭାରତ ତାର ସ୍ୱାଧୀନତା ଦିବସକୁ ଉତ୍ସାହର ସହିତ ପାଳନ କରିଥାଏ । ଏହି ଦିନ ଆମେ ଆମ ବୀର ସହିଦଙ୍କୁ ମନେ ପକାଇ ଭିନ୍ନ ଭିନ୍ନ ଢଙ୍ଗରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଥାଉ । ଠିକ୍ ଏହିପରି ଉତ୍ତର ପ୍ରଦେଶର ହାପୁର ଅଞ୍ଚଳର ଜଣେ ବ୍ୟକ୍ତି ନିଜ ଦେହରେ ୬୩୧ଟି ବୀର ସହିଦଙ୍କ ନାମ ନିଜ ଦେହରେ ଟାଟୁ କରାଇଛନ୍ତି । ଏହି ଅସାଧାରଣ କାର୍ଯ୍ୟ ପାଇଁ ଅଭିଷେକ ଗୌତମଙ୍କୁ ଇଣ୍ଡିଆ ବୁକ୍ ଅଫ୍ ରେକର୍ଡସରେ ସ୍ଥାନ ମିଳିଛି ଏବଂ ତାଙ୍କୁ "ଲିଭିଂ ୱାଲ୍ ମେମୋରିଆଲ୍" ମଧ୍ୟ ଦିଆଯାଇଛି। ଏହି ୩୧ ବର୍ଷୀୟ ଯୁବକଙ୍କ ଯାତ୍ରା ଲେହ-ଲଦାଖ ଗସ୍ତ ସହିତ ଆରମ୍ଭ ହୋଇଥିଲା, ଯେଉଁଠାରେ କାରଗିଲରେ ସର୍ବୋଚ୍ଚ ବଳିଦାନ ଦେଇଥିବା ସୈନିକଙ୍କ ବୀରତ୍ୱପୂର୍ଣ୍ଣ କାହାଣୀ ତାଙ୍କୁ ପ୍ରେରଣା ଦେଇଥିଲା।

ଭାରତୀୟ ପ୍ରତିରକ୍ଷା ଗବେଷଣା ଶାଖା ଅନୁଯାୟୀ, ଶ୍ରୀ ଗୌତମ କହିଛନ୍ତି, "ଭାରତୀୟ ସେନା ଦିନେ ମୋର ଜଣେ ବନ୍ଧୁଙ୍କୁ ଉଦ୍ଧାର କରିଥିଲା ଏବଂ ଆମର ସମଗ୍ର ଯାତ୍ରା ସମୟରେ, ସୈନିକମାନେ ସର୍ବଦା ସେଠାରେ ଥିବାରୁ ଆମେ ସୁରକ୍ଷିତ ଅନୁଭବ କରୁଥିଲୁ।" ସେ କହିଛନ୍ତି, "ସେବେଠାରୁ ମୁଁ ସେମାନଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ଏକ ଉପଯୁକ୍ତ ଉପାୟ ବିଷୟରେ ଭାବୁଥିଲି। ସେତେବେଳେ ମୋ ମନରେ ଟାଟୁ କରିବାର ଧାରଣା ଆସିଥିଲା।"

ଶ୍ରୀ ଗୌତମ କହିଥିଲେ ଯେ ସେ କାର୍ଗିଲ୍ ସୈନିକଙ୍କ ନାମ ଗବେଷଣା କରିବା ଏବଂ ସେମାନଙ୍କ ପରିବାରକୁ ଭେଟିବା ପାଇଁ ତାଙ୍କୁ ସମ୍ପୂର୍ଣ୍ଣ ବର୍ଷେ ବିତାଇବାକୁ ପଡିଥିଲା। ତା'ପରେ ସେ ଦିଲ୍ଲୀରେ ଟାଟୁ ଡିଜାଇନ୍ ଏବଂ ତିଆରି କରିବା ପାଇଁ ଜଣେ ଟାଟୁ କଳାକାରଙ୍କୁ ଭେଟିଥିଲେ ଆଉ ନିଜ ଦେହରେ ଟାଟୁ କରିଥିଲେ। ସେ ତାଙ୍କ ଶରୀରରେ କାରଗିଲରେ ସହିଦ ହୋଇଥିବା ୬୩୧ ସୈନିକଙ୍କ ନାମ ଏବଂ ସହିଦ ସ୍ତମ୍ଭ ଆଦି ନିଜ ଶରୀରରେ ଟାଟୁ କରାଇଥିଲେ।

ଅଭିଷେକ ଗୌତମ ଆହୁରୀ କହିଛନ୍ତି, ଯେ ଯବାନଙ୍କ ପରିବାର ଲୋକଙ୍କୁ ନିଜର ଲୋକ ବୋଲି ଅନୁଭବ କରାଇବା ପାଇଁ ସେ ପ୍ରଥମେ ସହିଦଙ୍କ ନାମକୁ ନିଜ ଶରୀରରେ ଟାଟୁ କରାନ୍ତି ଏବଂ ତା’ପରେ ସେମାନଙ୍କୁ ଭେଟନ୍ତି। ଏହି କାରଣରୁ ତାଙ୍କ ଶରୀରରେ ସହିଦ ଯବାନଙ୍କ ନାମ ଲେଖା ହୋଇଛି । ଆଉ ଏହି ମହାନ ଚିନ୍ତାଧାରା ଯୋଗୁ ଇଣ୍ଡିଆ ବୁକ୍ ଅଫ୍ ରେକର୍ଡସ ମଧ୍ୟ ତାଙ୍କୁ ସମ୍ମାନିତ କରିଛି । ଏଥିସହିତ ସମାଜ ଆଗରେ ‘ଲିଭିଙ୍ଗ ୱାଲ ମେମୋରିଆଲ’ ନାମରେ ସେ ଖୁବ୍ ଜଣାଶୁଣା ହୋଇପାରିଛିନ୍ତି ।