ଫୋନ୍‌ ଯୋଗେ ମୋଦୀଙ୍କୁ ଶୁଭେଚ୍ଛା ଜଣାଇଲେ ଆମେରିକା ରାଷ୍ଟ୍ରପତି ଟ୍ରମ୍ପ୍‌, ଆସନ୍ତା ଜୁନ୍‌ରେ ସାକ୍ଷାତ
Khabar Odisha:president-of-america-donald-trump-wishes-to-pm-narendra-modi
ନୂଆଦିଲ୍ଲୀ, ମେ ୨୫ (ଖବର ଓଡ଼ିଶା):

ଲୋକସଭା ନିର୍ବାଚନରେ ବିପୁଳ ସଫଳତା ପରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବିଭିନ୍ନ ଦେଶର ନେତୃବୃନ୍ଦଙ୍କ ତରଫରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଫୋନ ଜରିଆରେ ମୋଦୀଙ୍କୁ ଶୁଭେଚ୍ଛା ଜଣାଇଛନ୍ତି । ଭାରତର ଆର୍ଥିକ ଓ ସାମରିକ ବ୍ୟବସ୍ଥାକୁ ଏକ ଉଚ୍ଚ ସ୍ତରକୁ ନେବାକୁ ଟ୍ରମ୍ପ ଆଶା ରଖିଛନ୍ତି । 

ଦୁଇ ମହାନ ନେତାଙ୍କ ମଧ୍ୟରେ ଆସନ୍ତା ଜୁନରେ ହେବାକୁ ଥିବା ଜି-୨୦ ସମ୍ମିଳନୀରେ ସାକ୍ଷାତକାର ହେବ । ଆସନ୍ତା ଜୁନ୍‌ ୨୮ ଓ ୨୯ରେ ଜାପାନର ଔସାକାରେ ଜି-୨୦ ସମ୍ମିଳନୀ ଅନୁଷ୍ଠିତ ହେବ । ଭାରତ ଓ ଆମେରିକା ମଧ୍ୟରେ ଥିବା ସମ୍ପର୍କକୁ ଲଗାତରଭାବରେ ମୁଜବୁତ କରିବାକୁ ମିଳିମିଶି କାମ କରିବେ ବୋଲି ଦୁଇ ଜଣ ସହମତି ପ୍ରକାଶ କରିଛନ୍ତି । ହ୍ୱାଇଓ୍‌ ହାଉସ୍‌ର ସୂଚନା ଅନୁସାରେ ଗତ ଦୁଇ ବର୍ଷ ମଧ୍ୟରେ ଦୁଇ ଦେଶ ମଧ୍ୟରେ ଯେଉଁ ଉପଲବ୍ଧି ପ୍ରାପ୍ତ ହୋଇଛି ତାହାରି ଆଧାରରେ ରଣନୀତି ମଜବୁତ କରିବାକୁ ଉଭୟଙ୍କ ମଧ୍ୟରେ ଆଲୋଚନା ହୋଇଛି ।

  • Tags:

Subscribe

National International State Sports Entertainment