ନୂଆଦିଲ୍ଲୀ: ପ୍ରତିରକ୍ଷା କ୍ଷେତ୍ରରେ ସାହସିକତା ପୁରସ୍କାର ପ୍ରାପ୍ତ ଯବାନଙ୍କୁ ଏଣିକି ଆଜୀବନ ମାଗଣା ରେଳ ସେବା ମିଳିବ । ସମସ୍ତ ସାହସିକତା ପୁରସ୍କାର ବିଜେତା ଏବଂ ପରିବାର ଜୀବନବ୍ୟାପୀ ମାଗଣାରେ ରେଳ ଯାତ୍ରା କରିପାରିବେ । କେନ୍ଦ୍ର ସରକାର ତାଙ୍କ ପୂର୍ବ ନିଷ୍ପତ୍ତିକୁ ସଂଶୋଧନ କରିଛନ୍ତି । 

ରେଳ ମନ୍ତ୍ରାଳୟର ନିଷ୍ପତ୍ତି ଅନୁଯାୟୀ, ଭାରତୀୟ ସ୍ଥଳ ସେନା, ନୌସେନା ଏବଂ ବାୟୁ ସେନାରେ କାର୍ଯ୍ୟରତ ଯବାନ ଯେଉଁମାନେ ସାହସିକତା ପୁରସ୍କାରରେ ପୁରସ୍କୃତ ହେଉଛନ୍ତି ସେମାନେ ଆଜୀବନ ମାଗଣାରେ ରେଳ ଯାତ୍ରା କରିବାର ସୁଯୋଗ ପାଇ ପାରିବେ । ସାହାସିକତା ପରମବୀର ଚକ୍ର, ମହାବୀର ଚକ୍ର, ବୀର ଚକ୍ର, ଅଶୋକ ଚକ୍ର, କୀର୍ତ୍ତି ଚକ୍ର ଏବଂ ସୂର୍ଯ୍ୟ ଚକ୍ର ବିଜେତାଙ୍କୁ ଏହି ସୁବିଧା ମିଳିବ । ଖାଲି ସେତିକି ସେମାନଙ୍କ ପରିବାର ମଧ୍ୟ ଏହି ସୁବିଧା ପାଇପାରିବେ । ଯଦି ବିଜେତାଙ୍କ ବିବାହିତ ହୋଇଥାଆନ୍ତି ତେବେ ତାଙ୍କ ପତ୍ନୀ ମଧ୍ୟ ମାଗଣାରେ ରେଳ ଯାତ୍ରା କରିପାରିବେ । ଯଦି ବିଜେତାଙ୍କ ମୃତ୍ୟୁ ହୋଇଯାଏ ତାଙ୍କ ବିଧବା ପତ୍ନୀ ଆଜୀବନ କିମ୍ବା ଦ୍ୱିତୀୟ ବିବାହ କରିବା ପର୍ଯ୍ୟନ୍ତ ଏହି ସୁବିଧାର ଲାଭ ଉଠାଇ ପାରିବେ । ସେହିପରି ଯେଉଁମାନେ ଅବିବାହିତ ସେମାନଙ୍କ ମାତା-ପିତା ମଧ୍ୟ ମାଗଣାରେ ଯାତ୍ରା କରିପାରିବେ । 

ରେଳର ସମସ୍ତ ବର୍ଗର ଲାଭ ଉଠାଇ ପାରିବେ । ପ୍ରଥମ ଶ୍ରେଣୀ ଏସି, ଦ୍ୱିତୀୟ ଶ୍ରେଣୀ ଏସି ଏବଂ ଏସି ଚେୟାର କାରରେ ମାଗଣାରେ ଯାତ୍ରା କରିପାରିବେ ବୋଲି ରେଳ ବିଭାଗ ଘୋଷଣା କରିଛି । ଏହି ନିୟମ ଘୋଷଣା ପରଠାରୁ ଲାଗୁ ହେବ ବୋଲି ପ୍ରତିରକ୍ଷା ମନ୍ତ୍ରାଳୟ କହିଛି । 

ଦେଶ ପାଇଁ କର୍ତ୍ତବ୍ୟ ପାଳନ ସମୟରେ ସଶସ୍ତ୍ର ବାହିନୀର ସଦସ୍ୟମାନଙ୍କ ଦ୍ୱାରା ପ୍ରଦର୍ଶିତ ଅସାଧାରଣ ସାହସ, ସାହସ ଏବଂ ବଳିଦାନ ପାଇଁ ଦେଶର ସର୍ବୋଚ୍ଚ ବୀରତ୍ୱ ପୁରସ୍କାର ପ୍ରଦାନ କରାଯାଇଛି ।  ଯୁଦ୍ଧ, ବିଦ୍ରୋହ ବିରୋଧୀ ଅଭିଯାନ ଏବଂ ଅନ୍ୟାନ୍ୟ ଚ୍ୟାଲେଞ୍ଜିଂ ମିଶନ ସମୟରେ ବୀରତ୍ୱର କାର୍ଯ୍ୟକୁ ସମ୍ମାନିତ କରିବା ପାଇଁ ପ୍ରତିଷ୍ଠା କରାଯାଇଥିବା ଏହି ପୁରସ୍କାର ଗୁଡ଼ିକରେ ପରମ ବୀର ଚକ୍ର, ମହା ବୀର ଚକ୍ର, ବୀର ଚକ୍ର, ଅଶୋକ ଚକ୍ର, କୀର୍ତ୍ତି ଚକ୍ର ଏବଂ ଶୌର୍ଯ୍ୟ ଚକ୍ର ଅନ୍ତର୍ଭୁକ୍ତ । ଏହା କେବଳ ଯୁଦ୍ଧକ୍ଷେତ୍ରର ବୀରତ୍ୱକୁ ନୁହେଁ ବରଂ ଆଗଧାଡ଼ିରୁ ପ୍ରଦର୍ଶିତ ଉଲ୍ଲେଖନୀୟ ସାହସ ପାଇଁ ଉଦ୍ଦିଷ୍ଟ ।