ସିନେପ୍ରେମୀଙ୍କ ପାଇଁ ଆସିଛି ବଡ ଖୁସିଖବର । ପିଭିଆର ମଲ୍ଟିପ୍ଲେକ୍ସ ଆପଣଙ୍କ ପାଇଁ ଆଣିଛି ଏକ ବଡ ଖୁସି ଖବର । ସିନେପ୍ରେମୀ ମାତ୍ର 99 ଟଙ୍କାରେ ଦେଖିପାରିବେ ଅନେକ ବ୍ଲକବାଷ୍ଟର ଚଳଚ୍ଚିତ୍ର । ମେ’ ୩୧ ଅର୍ଥାତ୍ ସିନେପ୍ରେମୀ ଦିବସରେ ମାତ୍ର ୯୯ ଟଙ୍କାରେ ଦର୍ଶକ ଦେଖିପାରିବେ ରିଲଜ୍ ହୋଇଥିବା ସବୁ ଚଳଚ୍ଚିତ୍ର ।ଏଥିପାଇଁ ପିଭିଆର ସାଇଟ୍‌କୁ ଯାଇ ବୁକ୍‌ କରିପାରିବେ ଟିକେଟ୍‌। ସେହିଦିନ ହେଉଛି ସିନେମା ଲଭର୍ସ ଡେ’, ଯେଉଁଦିନ ଚଳଚ୍ଚିତ୍ର ନିର୍ମାତା ଓ ଚଳଚ୍ଚିତ୍ର ପ୍ରଦର୍ଶନ କରାଉଥିବା ବ୍ୟକ୍ତିମାନେ ଦର୍ଶକମାନଙ୍କୁ ଧନ୍ୟବାଦ ଜଣାଇଥା’ନ୍ତି।

ଚଳିତ ଥର ସିନେପ୍ରେମୀ ଦିବସରେ ରାଜକୁମାର ରାଓ-ଜାହ୍ନବୀ କପୁରଙ୍କ ଫିଲ୍ମ ‘ମିଷ୍ଟର ଆଣ୍ଡ୍‌ ମିଷ୍ଟ୍ରେସ୍‌ ମାହି’, ‘ହାଇକ୍ୟୁ ଦି ଡମ୍ପଷ୍ଟର ବ୍ୟାଟେଲ୍‌’, ‘ଇଫ୍‌’, ‘ଛୋଟା ଭୀମ୍‌ ଆଣ୍ଡ୍‌ ଦି କର୍ସ ଅଫ୍‌ ଦମୟାନ’, ରାଜକୁମାର ରାଓଙ୍କ ‘ଶ୍ରୀକାନ୍ତ’, ମନୋଜ ବାଜପେୟୀଙ୍କ ‘ଭୈୟା ଜୀ’, ‘କିଙ୍ଗ୍‌ଡମ୍‌ ଅଫ୍‌ ଦି ପ୍ଲାନେଟ୍‌ ଅଫ୍‌ ଦି ଏପ୍ସ’ ଆଦି ଅନେକ ନୂଆ ଚଳଚ୍ଚିତ୍ର ଦେଖିପାରିବେ ଦର୍ଶକ। ଏକ୍ସ ଜରିଆରେ ଏନେଇ ସୂଚନା ଦେଇଛି ପିଭିଆର। ଏଥିସହ ଟିକେଟ୍‌ ବୁକିଂ ସମ୍ବନ୍ଧୀୟ ସୂଚନା ମଧ୍ୟ ଦିଆଯାଇଛି।

ନିଜ ପୋଷ୍ଟରେ ପିଭିଆର ଲେଖିଛି, ‘‘ସିନେପ୍ରେମୀମାନଙ୍କ ପାଇଁ ଏଠାରେ ମାତ୍ର ୯୯ ଟଙ୍କାର ଅବିଶ୍ୱସନୀୟ ମୂଲ୍ୟରେ ନୂଆ ନୂଆ ବ୍ଲକବଷ୍ଟର ଚଳଚ୍ଚିତ୍ର ଦେଖିବାର ସୁଯୋଗ ରହିଛି। ଏଥର ମେ’ ୩୧ ତାରିଖ ସିନେମା ଲଭର୍ସ ଡେ’କୁ ବ୍ଲକବଷ୍ଟର ମନୋରଞ୍ଜନ ଓ ଅତିରିକ୍ତ ସଞ୍ଚୟ ସହ ପାଳନ କରନ୍ତୁ। ଏବେ ହିଁ ବୁକ୍ କରନ୍ତୁ ନିଜ ଟିକେଟ୍‌।’’

ଅଧିକା ପଢନ୍ତୁ:ମେଘାଳୟରେ ଭୂକମ୍ପ ଝଟକା : ଭୂକମ୍ପର ତୀବ୍ରତା ୪