ନୂଆଦିଲ୍ଲୀ: AIMIM ମୁଖ୍ୟ ଅସଦୁଦ୍ଦୀନ ଓୱେସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବୟାନ ଉପରେ ପ୍ରଶ୍ନ ଉଠାଇ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିଛନ୍ତି। ଓୱେସି କହିଛନ୍ତି, 'ପ୍ରଧାନମନ୍ତ୍ରୀ ମୋଦୀ ନିଜେ କହିଥିଲେ ଯେ ରକ୍ତ ଏବଂ ପାଣି ଏକାଠି ପ୍ରବାହିତ ହୋଇପାରିବ ନାହିଁ, ଆତଙ୍କବାଦ ଏବଂ ଆଲୋଚନା ଏକାଠି ହୋଇପାରିବ ନାହିଁ। ତେବେ ବୈସରଣ ଘାଟିରେ ହତ୍ୟା ହୋଇଥିବା ଲୋକଙ୍କ ପରେ ସରକାରଙ୍କ ବିବେକ କିପରି କ୍ରିକେଟ ମ୍ୟାଚ୍ ପାଇଁ ଅନୁମତି ଦେଇପାରିବ?'

ପାକିସ୍ତାନ ସହିତ ଚାଲିଥିବା ବାଣିଜ୍ୟ ନିଷେଧକୁ ଉଲ୍ଲେଖ କରି ଓୱେସି କହିଛନ୍ତି, 'ଯଦି ସେମାନଙ୍କର ଡଙ୍ଗା ଆମ ଜଳସୀମାରେ ଆସିପାରିବ ନାହିଁ, ତେବେ ଆପଣ କିପରି କ୍ରିକେଟ ମ୍ୟାଚ୍ ଖେଳିବେ?' ସେ ସରକାରଙ୍କୁ ପ୍ରଶ୍ନ କରିଥିଲେ ଯେ ଯେତେବେଳେ ଆପଣ ରକ୍ତ ଏବଂ ପାଣି ନୀତିରେ ଅଟଳ, ତେବେ ପାକିସ୍ତାନ ସହିତ କ୍ରିକେଟ୍ ଖେଳିବାର ନୀତି କିପରି ଯଥାର୍ଥ ହୋଇପାରିବ।

ଓୱେସି ଏହା ମଧ୍ୟ କହିଛନ୍ତି, 'ବୈସାରଣ ଘାଟିରେ ପ୍ରାଣ ହରାଇଥିବା ଲୋକଙ୍କ ପାଇଁ ସରକାରଙ୍କ ବିବେକ ଜାଗି ନଥିଲା କି? ଆପଣ ବାଣିଜ୍ୟ ବନ୍ଦ କରିଦେଲେ, ସେମାନଙ୍କ ଡଙ୍ଗା ଆମ ଜଳସୀମାରେ ଆସିପାରିବ ନାହିଁ, ତେବେ ଆପଣ କେଉଁ ମୁହଁରେ କ୍ରିକେଟ୍ ଖେଳିବେ? ମୋ ବିବେକ ମୋତେ ସେହି ମ୍ୟାଚ୍ ଦେଖିବାକୁ ଅନୁମତି ଦେଉନାହିଁ।'

ସେ ସରକାରଙ୍କୁ ପ୍ରଶ୍ନ କରିଛନ୍ତି ଯେ ଆମ ସୀମାରେ ପ୍ରବେଶ କରି ସାଧାରଣ ନାଗରିକଙ୍କୁ ହତ୍ୟା କରିଥିବା ଚାରି ଜଣଙ୍କ ପାଇଁ କିଏ ଦାୟୀ ରହିବ? କେନ୍ଦ୍ର ଏବଂ ରାଜ୍ୟ ସରକାରଙ୍କ ମଧ୍ୟରେ ସମନ୍ୱୟର ଘୋର ଅଭାବ ରହିଛି। ପ୍ରଥମେ କୁହାଗଲା ଯେ ବୈସରଣ ଉପତ୍ୟକା ବନ୍ଦ ଅଛି, ତା’ପରେ ଜଣାଗଲା ଯେ ଏହା ବର୍ଷସାରା ଖୋଲା ରହିଥାଏ (ବର୍ଷା ସମୟରେ ବ୍ୟତୀତ)। ଏହା ସରକାରୀ ନୀତିର ଏକ ବିରୋଧାଭାସ।

ଓୱେସି  କହିଛନ୍ତି, ପାକିସ୍ତାନ ଏବଂ ଇସ୍ରାଏଲ ଉଭୟ ବିଫଳ ଦେଶ, ଏବଂ ପାକିସ୍ତାନର ସେନାମୁଖ୍ୟ ସେହି ଦେଶର ରାଷ୍ଟ୍ରପତିଙ୍କ ସହିତ ଭୋଜନ କରୁଛନ୍ତି ଯାହାଙ୍କ ଭାଷଣ ପରେ ଆମ ଲୋକଙ୍କୁ ହତ୍ୟା କରିଥିଲେ ଆତଙ୍କବାଦୀ। ସେ ବ୍ୟଙ୍ଗାତ୍ମକ ଭାବରେ କହିଥିଲେ, 'ଯଦି ଏହା ଆମର ବୈଦେଶିକ ନୀତିର ସଫଳତା, ତେବେ ଏହା ଲଜ୍ଜାର ବିଷୟ।'

ହ୍ୱାଇଟ୍ ହାଉସରେ ବସିଥିବା ଜଣେ ଗୋରା ବ୍ୟକ୍ତି (ବିଦେଶୀ) ଅସ୍ତ୍ରବିରତି ଘୋଷଣା କରିବେ ଏବଂ ଆମେ ଏହାକୁ ଗ୍ରହଣ କରିବୁ ? ଏହା କ’ଣ ଆମର ଜାତୀୟ ଗର୍ବ?  ଏହା ଆମ ସେନା ଏବଂ ପାଇଲଟମାନଙ୍କ ଉପରେ କୌଣସି ପ୍ରଭାବ ପକାଇବ ନାହିଁ କି? ଓୱେସୀ ଏହା ବି କହିଛନ୍ତି ଯେ ଆମେ ଆମେରିକାକୁ ବନ୍ଧୁ ବୋଲି ମାନିଥାଉ, ତେବେ ଏହା କି ପ୍ରକାରର ବନ୍ଧୁତା ଯେ ଆମେ ସେମାନଙ୍କୁ କିଛି କହିପାରୁନାହୁଁ?