ୟୁପିରେ ମହିଳାମାନଙ୍କୁ ହଇରାଣ କରୁଥିବା ଅମାନିଆଙ୍କୁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ 'ଯମରାଜ' ଚେତାବନୀ। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟରେ ମହିଳାଙ୍କୁ ହଇରାଣ କରୁଥିବା ଲୋକଙ୍କୁ କଡ଼ା ଚେତାବନୀ ଦେଇ କହିଛନ୍ତି ଯେ 'ମୃତ୍ୟୁ ଦେବତା ଯମରାଜ ସେମାନଙ୍କୁ ଅପେକ୍ଷା କରିଛନ୍ତି '। ‘ମୁଁ ଆଗରୁ ବି କହିଛି ମୋ ରାଜ୍ୟରେ ସବୁବେଳେ ଝିଅ ଓ ମହିଳାଙ୍କୁ ସୁରକ୍ଷା ଦିଆଯିବ । ଯଦି ଶାସନ କାଳରେ କୌଣସି ମହିଳାଙ୍କୁ ହଇରାଣ କରିବାକୁ କେହି ଚେଷ୍ଟା କଲା, ତାହେଲେ ଜାଣିନେବ ଆଗରେ ଯମରାଜ ଜଗିଛନ୍ତିି । ଅଭିଯୁକ୍ତଙ୍କୁ ଯମରାଜଙ୍କ ପାଖକୁ ପଠାଇବାକୁ ମୋତେ କେହି ରୋକିପାରିବେନି’ ଏଭଳି କିଛି କହି ଅମାନିଆଙ୍କୁ ଚେତାବନୀ ଦେଇଛନ୍ତି ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ରାମଲୀଳା ମୈଦାନରେ ଆୟୋଜକ ସ୍ୱତନ୍ତ୍ର କାର୍ଯ୍ୟକ୍ରମରେ ଜନସଭାକୁ ସମ୍ବୋଧନ କରିବା ସମୟରେ ଏଭଳି ଚେତାବନୀ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ । 

  ସୂଚନା ମୁତାବକ,  ମାନସରୋବର ରାମଲୀଲା ମୈଦାନରେ ଆୟୋଜିତ ସମାରୋହରେ ୩୪୩ କୋଟି ଟଙ୍କାର ବିକାଶ ପ୍ରକଳ୍ପର ଶିଳାନ୍ୟାସ କରିବାକୁ ଯାଇଥିଲେ ଯୋଗୀ ଆଦିତ୍ୟନାଥ । ସେଠାରେ ରାମଲୀଳା ମୈଦାନରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ଜନସଭାକୁ ସମ୍ବୋଧନ କରିବା ସମୟରେ ଏଭଳି ଚେତାବନୀ ଦେଇଥିଲେ ମୁଖ୍ୟମନ୍ତ୍ରୀ ଯୋଗୀ । ଏହି କ୍ରମରେ ସେ ଦେଶର ଆଇନ ବ୍ୟବସ୍ଥା ପ୍ରସଙ୍ଗ ଉଠାଇଥିଲେ ଏବଂ ଏହାର ଅପବ୍ୟବହାରକାରୀଙ୍କୁ ଚେତାବନୀ ମଧ୍ୟ ଦେଇଥିଲେ । ନିକଟରେ ଆମ୍ବେଦକରନଗରରେ କିଛି ଯୁବକ ଜଣେ ଯୁବତୀଙ୍କ ଦୁପଟ୍ଟା ଟାଣି ଦେବାରୁ ପଡିଯାଇ ତାଙ୍କ ମୃତ୍ୟୁ ହୋଇଥିଲା । ଏହି ଘଟଣାରେ ସମ୍ପୃକ୍ତ ତିନି ଅଭିଯୁକ୍ତଙ୍କୁ ଗିରଫ କରାଯାଇଥିଲା । ସେଠାରେ ଯୋଗୀ ଉକ୍ତ ଘଟଣା କଥା ଉଠାଇଥିଲେ ଏବଂ କହିଥିଲେ, ‘ମହିଳାଙ୍କ ସୁରକ୍ଷା ପାଇଁ ଆଇନକାନୁନ ରହିଛି । ଯଦି କେହି ଏହାର ଉଲଂଘନ କରିବେ ତେବେ ଜାଣିନେବ ଯେ ଆଗରେ ଯମରାଜ ଅପେକ୍ଷା କରିଛନ୍ତି । ସେମାନଙ୍କୁ ଯବରାଜଙ୍କ ପାଖକୁ ପଠାଇବାକୁ ମତେ କେହି ରୋକିପାରିବେନି’ । 

  ୨୦୧୭ରେ କ୍ଷମତାକୁ ଆସିବା ପରଠାରୁ ୟୁପି ମୁଖ୍ୟମନ୍ତ୍ରୀ ଯୋଗୀ ଅପରାଧ ଉପରେ କଡ଼ାକଡ଼ି ଭାବରେ କଟକଣା ଜାରି ରଖିଛନ୍ତି। ଉତ୍ତରପ୍ରଦେଶରେ ଆଦିତ୍ୟନାଥ ସରକାରଙ୍କ ରାଜ୍ୟରେ ଆଇନ ଶୃଙ୍ଖଳାକୁ ସର୍ବାଗ୍ରେ ରଖାଯାଇଛି । ଯୋଗୀ ଆଇନ ଶୃଙ୍ଖଳା ରକ୍ଷା ପାଇଁ ଏକ ଦୃଢ ଆଇନ ବ୍ୟବସ୍ଥାର ଗୁରୁତ୍ୱ ଉପରେ ଆଲୋକପାତ କରିଛନ୍ତି | ସେ କହିଛନ୍ତି ଯେ ଏହି ବ୍ୟବସ୍ଥାକୁ ଭାଙ୍ଗିବା ପାଇଁ କେହି ବି ଚେଷ୍ଟା କଲେ କାହାରିକୁ ଆଇନ ଛାଡିବ ନାହିଁ। 

ଅଧିକ ପଢ଼ନ୍ତୁ : ବିଷାକ୍ତ ଖାଦ୍ୟ ଖାଇ ଗୋଟିଏ ପରିବାରର ୩ ମୃତ