ନୂଆଦିଲ୍ଲୀ/ଭୁବନେଶ୍ବର: ଆଲୋକର ପର୍ବ ‘ଦୀପାବଳି’ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେହିପରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ରାଜ୍ୟବାସୀଙ୍କୁ ଦୀପାବଳି ଅବସରରେ ଅଭିନନ୍ଦନ ଜଣାଇଛନ୍ତି। 

ପ୍ରଧାନମନ୍ତ୍ରୀ ମୋଦୀ ସାମାଜିକ ଗଣମାଧ୍ୟମ ‘ଏକ୍ସ’ରେ ଟୁଇଟ୍‌ କରି କହିଛନ୍ତି, ଦେଶବାସୀଙ୍କୁ ଦୀପାବଳିର ଅନେକ ଶୁଭେଚ୍ଛା। ଆଲୋକର ଏହି ଦିବ୍ୟ ପର୍ବରେ ମୁଁ ସମସ୍ତଙ୍କ ସୁସ୍ଥ, ସୁଖୀ ଏବଂ ଆଶୀର୍ବାଦପୂର୍ଣ୍ଣ ଜୀବନ କାମନା କରୁଛି। ଦେବୀ ଲକ୍ଷ୍ମୀ ଓ ଭଗବାନ ଗଣେଶଙ୍କ କୃପାରୁ ସମସ୍ତେ ଭଲ ଭାବରେ ସେବା କରନ୍ତୁ।

ପ୍ରଧାନମନ୍ତ୍ରୀ କହିଛନ୍ତି, ମର୍ଯ୍ୟାଦା ପୁରୁଷୋତ୍ତମ ଭଗବାନ ଶ୍ରୀରାମ ତାଙ୍କ ଭବ୍ୟ ମନ୍ଦିରରେ ବସିବା ପରେ ଏହା ହେଉଛି ପ୍ରଥମ ଦୀପାବଳି। ଅଯୋଧ୍ୟାରେ ଥିବା ଶ୍ରୀରାମଲଲାଙ୍କ ମନ୍ଦିରର ଏହି ନିଆରା ଛାୟା ସମସ୍ତଙ୍କୁ ଆକର୍ଷିତ କରିବାକୁ ଯାଉଛି। ୫୦୦ ବର୍ଷ ପରେ ରାମ ଭକ୍ତଙ୍କ ଅଗଣିତ ବଳିଦାନ ଓ ନିରନ୍ତର ତ୍ୟାଗ-ତପସ୍ୟା ପରେ ଆସିଛି ଏହି ପବିତ୍ର ମୁହୂର୍ତ୍ତ। ଏହି ଐତିହାସିକ ଘଟଣାର ସାକ୍ଷୀ ହୋଇ ଆମେ ସମସ୍ତେ ଭାଗ୍ୟବାନ। ବିକଶିତ ଭାରତର ସଂକଳ୍ପକୁ ପୂରଣ କରିବାରେ ଭଗବାନ ଶ୍ରୀରାମଙ୍କ ଜୀବନ ଓ ଆଦର୍ଶ ଦେଶବାସୀଙ୍କୁ ପ୍ରେରଣା ଯୋଗାଇବ ବୋଲି ମୋର ବିଶ୍ୱାସ।

ମୁଖ୍ୟମନ୍ତ୍ରୀ ମାଝୀ ସାମାଜିକ ଗଣମାଧ୍ୟମ ‘ଏକ୍ସ’ରେ ଭିଡିଓ ବାର୍ତ୍ତା ଜରିଆରେ କହିଛନ୍ତି, ଆଲୋକ ଓ ଆନନ୍ଦର ପର୍ବ ଦୀପାବଳି ଅବସରରେ ଓଡ଼ିଶାର ଭାଇ-ଭଉଣୀମାନଙ୍କୁ ଅଭିନନ୍ଦନ ଜଣାଉଛି। ସମସ୍ତଙ୍କ ଜୀବନରେ ଅଜ୍ଞାନ ଓ ଦୁଃଖର ଅନ୍ଧକାର ଦୂର ହୋଇ ଜ୍ଞାନ ଓ ସମୃଦ୍ଧିର ଆଲୋକ ଆସୁ।ଆମର ବିକଶିତ ଓଡ଼ିଶା ଗଠନ ପାଇଁ ଆସନ୍ତୁ ସମସ୍ତେ ସଂକଳ୍ପବଦ୍ଧ ହୋଇ କାମ କରିବା ଏବଂ ଓଡ଼ିଶାର ଗୌରବକୁ ନୂତନ ଶିଖରରେ ପହଞ୍ଚାଇବା।

ଅଧିକ ପଢ଼ନ୍ତୁ: ଅଯୋଧ୍ୟା ଧାମର ଦିବ୍ୟ-ଭବ୍ୟ ରୂପ ତ୍ରେତୟା ଯୁଗର ଅନୁଭୂତି ଦେଉଛି