ମହାରାଷ୍ଟ୍ର: ଲଗାତାର ୨ୟ ଦିନରେ ୧୦ ହଜାରରୁ ଉର୍ଦ୍ଧ୍ୱ କରୋନା ଆକ୍ରାନ୍ତ, ଏଯାଏଁ ୨୨ ଲକ୍ଷ ପଜିଟିଭ
Khabar Odisha:Nation-Maharastra-Coronavirus-infection-cases-in-Maharashtra-cross-22-lakhs

ମୁମ୍ବାଇ, ମାର୍ଚ୍ଚ ୦୭ (ଖବର ଓଡ଼ିଶା): ମହାରାଷ୍ଟ୍ରରେ ଶନିବାର ଲଗାତାର ୨ୟ ଦିନରେ କରୋନା ଭାଇରସ ସଂକ୍ରମଣର ୧୦ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥି ସହିତ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୨୨ ଲକ୍ଷ ୮ ହଜାର ୫୮୬କୁ ବୃଦ୍ଧି ପାଇଛି । ସ୍ୱାସ୍ଥ୍ୟ ବିଭାଗ ତରଫରୁ କୁହାଯାଇଛି ଯେ, ବିଦର୍ଭ, ପୁଣେ ଓ ମୁମ୍ବାଇରେ କରୋନା ସଂକ୍ରମଣ ବଢ଼ିବାରେ ଲାଗିଛି । ବିଗତ ୧୩ ଦିନ ମଧ୍ୟରେ ପ୍ରାୟ ୧ ଲକ୍ଷ କରୋନା ପଜିଟିଭ ଚିହ୍ନଟ ହୋଇଛି । ମହାରାଷ୍ଟ୍ରରେ କରୋନା ଭାଇରସ ଯୋଗୁଁ ୫୨ ହଜାର ୪୪୦ ଜଣଙ୍କର ମୃତ୍ୟୁ ହୋଇଛି । 

ମହାରାଷ୍ଟ୍ରରେ ଗତ ୨୧ ତାରିଖରେ ସଂକ୍ରମିତ ଲୋକଙ୍କ ସଂଖ୍ୟା ୨୧ ଲକ୍ଷ ଅତିକ୍ରମ କରିସାରିଥିଲା । ଏହା ପୂର୍ବରୁ ୩୧ ଦିନରେ ୧ ଲକ୍ଷ ଲୋକ କରୋନା ସଂକ୍ରମିତ ହୋଇଥିଲେ । ବିଦର୍ଭ ଅଂଚଳ ଓ ମୁମ୍ବାଇ ସମେତ ପୁନେରେ ସଂକ୍ରମଣ ବଢ଼ିବା ଫଳରେ ମାତ୍ର ୧୩ ଦିନ ମଧ୍ୟରେ ୧ ଲକ୍ଷ ରୋଗୀ କରୋନାରେ ଆକ୍ରାନ୍ତ ହୋଇଛନ୍ତି । ଶନିବାର ଏହି ସଂଖ୍ୟା ୨୨ ଲକ୍ଷ ଅତିକ୍ରମ କରିଛି । 

ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ଯେ, ଶୁକ୍ରବାର ଠାରୁ ଶନିବାର ୨୪ ଘଣ୍ଟା ମଧ୍ୟରେ ୬୦୮୦ ରୋଗୀ ସୁସ୍ଥ ହୋଇଛନ୍ତି । ରାଜ୍ୟରେ ଏପର୍ଯ୍ୟନ୍ତ ୨୦ ଲକ୍ଷ ୬୨ ହଜାର ୩୧ ଜଣ ରୋଗୀ ସୁସ୍ଥ ହୋଇସାରିଛନ୍ତି । ରାଜ୍ୟରେ ସୁସ୍ଥତା ହାର ୯୩.୩୬ ପ୍ରତିଶତ । 

 

  • Tags:

Subscribe

National International State Sports Entertainment