ପିଲାଙ୍କ ପାଇଁ କରୋନା ଟିକା ‘କୋଭୋଭାସ୍କ’ର ଫେଜ ୨ ଓ ୩ର ହେବ ପରୀକ୍ଷା!
Khabar Odisha:Nation-Government-committee-recommends-approval-for-phase-2-and-3-trials-of-Kovovax

ନୂଆଦିଲ୍ଲୀ, ଜୁଲାଇ ୨୮ (ଖବର ଓଡ଼ିଶା): କରୋନା ମୁକାବିଲା ପାଇଁ ଶିଶୁମାନଙ୍କୁ ଟିକା ଦିଆଯିବା ନେଇ  ପଦକ୍ଷେପ ନିଆଯାଉଛି । କେନ୍ଦ୍ରୀୟ ଔଷଧୀ ପ୍ରାଧିକରଣର ଏକ ବିଶେଷଜ୍ଞ କମିଟି ଏନେଇ ସେରମ ପ୍ରତିଷ୍ଠାନ (ଏସଆଇଆଇ)କୁ ୨ରୁ ୧୭ ବର୍ଷର ପିଲାମାନଙ୍କୁ ‘କୋଭୋଭାସ୍କ’ ଟିକାର ୨ୟ ଓ ୩ୟ ପର୍ଯ୍ୟାୟ ପରୀକ୍ଷା କିଛି ସର୍ତ୍ତର ସହିତ ଅନୁମତି ଦେବାକୁ ମଙ୍ଗଳବାର ପରାମର୍ଶ ଦେଇଛି । ଜାତୀୟ ଗଣମାଧ୍ୟମକୁ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ଏହି ପରୀକ୍ଷା ୧୦ଟି ସ୍ଥାନରେ ହେବ । ଏଥିରେ ୯୨୦ ଜଣ ଶିଶୁଙ୍କୁ ସାମିଲ କରାଯିବ । ଏହି ପରୀକ୍ଷାରେ ୧୨ରୁ ୧୭ ଏବଂ ୨-୧୧ ବର୍ଷର ପ୍ରତ୍ୟେକ ବର୍ଗରେ ୪୬୦ ପିଲା ସାମିଲ ହେବେ । 

ସୂତ୍ର ଅନୁସାରେ କେନ୍ଦ୍ରୀୟ ଔଷଧୀ ମାନକ ନିୟନ୍ତ୍ରଣ ସଂଗଠନ (ସିଡିଏସସିଓ)ର କୋଭିଡ-୧୯ ଉପରେ ବିଷୟ ବିଶେଷଜ୍ଞ କମିଟି (ଏସଇସି) ମଙ୍ଗଳବାର ଏସଆଇଆଇ ଦ୍ୱାରା ଦିଆଯାଇଥିବା ସଂଶୋଧିତ ଅଧ୍ୟୟନ ପ୍ରୋଟୋକଲ ଆବେଦନ ଉପରେ ବିଚାର କରିଛି ଏବଂ ୨ରୁ ୧୭ ବର୍ଷ ବୟସର ପିଲାଙ୍କ ଉପରେ କୋଭୋଭାସ୍କର ୨ୟ ଏବଂ ୩ୟ ପର୍ଯ୍ୟୟ ପରୀକ୍ଷା ଲାଗି ଅନୁମତି ଦେବାକୁ ପରାମର୍ଶ ଦେଇଛି । 

 

  • Tags:

Subscribe

National International State Sports Entertainment