ଇସଲାମାବାଦ: ପାକିସ୍ତାନର ରାଜଧାନୀ ଇସଲାମାବାଦର ଏକ ଡାକ୍ତରଖାନାରୁ ଦୁଃଖଦ ଖବର ଆସିଛି। ସ୍ଥାନୀୟ ପାକିସ୍ତାନ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ (ପିଆଇଏମ୍ଏସ୍)ର ସ୍ତ୍ରୀ ରୋଗ ବିଭାଗରେ ବୁଧବାର ଅଗ୍ନିକାଣ୍ଡ ଘଟିଛି। ଏହି ଭୟଙ୍କର ଅଗ୍ନିକାଣ୍ଡରେ ୧୫ ଜଣ ନବଜାତ ଶିଶୁଙ୍କ ମୃତ୍ୟୁ ଘଟିଛି। ପିଆଇଏମ୍ଏସ୍ ଅଧିକାରୀମାନେ କହିଛନ୍ତି ଯେ ଅଗ୍ନିକାଣ୍ଡ ସମୟରେ ନର୍ସରୀରେ ୧୬ ଜଣ ନବଜାତ ଶିଶୁ ଥିଲେ, ଯେଉଁଥିରୁ କେବଳ ଜଣେ ଶିଶୁକୁ ଉଦ୍ଧାର କରାଯାଇପାରିଥିଲା। ଉଦ୍ଧାରକାରୀ ଅଧିକାରୀମାନେ କହିଛନ୍ତି ଯେ ନର୍ସରୀ ଭିତରେ ଏକ ଏୟାର-କଣ୍ଡିସନର କମ୍ପ୍ରେସର ବିସ୍ଫୋରଣ ଯୋଗୁଁ ଅଗ୍ନିକାଣ୍ଡ ଘଟିଥିଲା।

ହସ୍ପିଟାଲର ସ୍ତ୍ରୀ ରୋଗ ବିଭାଗରେ ସକାଳ ପ୍ରାୟ ୭ଟା ସମୟରେ ନିଆଁ ଲାଗିଥିଲା। ଉଦ୍ଧାରକାରୀ ଦଳଗୁଡ଼ିକୁ ହସ୍ପିଟାଲକୁ ପଠାଯାଇଥିଲା ଏବଂ ନିଆଁ ଲିଭାଇବା ଏବଂ ଭିତରେ ଥିବା ଲୋକଙ୍କୁ ବାହାର କରିବା ପାଇଁ କାର୍ଯ୍ୟ କରାଯାଇଥିଲା ଏବଂ ଘଟଣାସ୍ଥଳରେ କୁଲିଂ ଅପରେସନ ମଧ୍ୟ କରାଯାଇଥିଲା। ଏହି ଘଟଣା ହସ୍ପିଟାଲର ନବଜାତ ଏବଂ ପ୍ରସୂତି ପ୍ରତିଷ୍ଠାନରେ ସୁରକ୍ଷା ବ୍ୟବସ୍ଥା ବିଷୟରେ ଚିନ୍ତା ସୃଷ୍ଟି କରିଛି।

ସୂତ୍ର ଅନୁଯାୟୀ ସକାଳ ୬:୪୫ ରେ ହସ୍ପିଟାଲର ନର୍ସରୀ ଭିତରେ ଏକ ଏୟାର-କଣ୍ଡିସନର କମ୍ପ୍ରେସର ବିସ୍ଫୋରଣ ହେବା ଫଳରେ ନିଆଁ ଲାଗିଥିଲା। ଉଦ୍ଧାରକାରୀ ଅଧିକାରୀମାନେ କହିଛନ୍ତି ଯେ ନିଆଁ ଲିଭାଇ ଦିଆଯାଇଛି ଏବଂ ଦଳଗୁଡ଼ିକ ଘଟଣାସ୍ଥଳରେ କୁଲିଂ ଅପରେସନ୍ କରୁଛନ୍ତି। ଜିଲ୍ଲା ପ୍ରଶାସନ ଅନୁଯାୟୀ ଏମ୍‌ସିଏଚ୍‌ ୱାର୍ଡର ତୃତୀୟ ମହଲାରେ ଅଗ୍ନିକାଣ୍ଡରେ ୧୪ ଜଣ ପିଲା ଗୁରୁତର ଭାବରେ ପୋଡ଼ି ଯାଇଛନ୍ତି।

ଜିଲ୍ଲା ପ୍ରଶାସନ କହିଛି ଯେ ସୂଚନା ପାଇବା ମାତ୍ରେ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ଏବଂ ଉଦ୍ଧାର କାର୍ଯ୍ୟରେ ଛଅଟି ଦମକଳ ଗାଡ଼ି ଏବଂ ଚାରୋଟି ଆମ୍ବୁଲାନ୍ସ ନିୟୋଜିତ ହୋଇଥିଲା। ଘଟଣାର ତଦନ୍ତ ପାଇଁ ଅତିରିକ୍ତ ଡେପୁଟି କମିସନରଙ୍କ ଅଧ୍ୟକ୍ଷତାରେ ଏକ ତଦନ୍ତ କମିଟି ଗଠନ କରାଯାଇଛି।

ଅଧିକ ପଢ଼ନ୍ତୁ: ସାଗରରେ ଆମେରିକା ସେନାର କାର୍ଯ୍ୟାନୁଷ୍ଠାନ