କୋଲକାତା: ପଶ୍ଚିମବଙ୍ଗର ହାଇପ୍ରୋଫାଇଲ୍ ଆସନ ଭବାନୀପୁରରେ ଏବେ ସାରା ଦେଶର ନଜର। ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ଚାଲିଥିବା ଏହି ମହାଲଢ଼େଇରେ ବର୍ତ୍ତମାନ ସୁଦ୍ଧା ମମତା ବାନାର୍ଜୀ ନିଜର ସ୍ଥିତିକୁ ମଜଭୁତ କରିଛନ୍ତି।

ଭବାନୀପୁର ଗଣତି ଅପଡେଟ୍ (୮ମ ରାଉଣ୍ଡ ସୁଦ୍ଧା)

ମମତା ବାନାର୍ଜୀ (TMC): ୧୫,୪୯୪ ଭୋଟରେ ଆଗୁଆ ଅଛନ୍ତି।

ଶୁଭେନ୍ଦୁ ଅଧିକାରୀ (BJP): ପ୍ରତିଦ୍ୱନ୍ଦ୍ୱିତାରେ ପଛୁଆ ରହିଛନ୍ତି।

ନନ୍ଦୀଗ୍ରାମର ପ୍ରତିଶୋଧ?

ଏହା ହେଉଛି ଦ୍ୱିତୀୟ ଥର ପାଇଁ ଯେତେବେଳେ ମମତା ଓ ଶୁଭେନ୍ଦୁ ମୁହାଁମୁହିଁ ହୋଇଛନ୍ତି। ୨୦୨୧ ନିର୍ବାଚନରେ ନନ୍ଦୀଗ୍ରାମ ଆସନରୁ ଶୁଭେନ୍ଦୁ ଅଧିକାରୀ ମମତାଙ୍କୁ ୧୯୫୬ ଭୋଟରେ ପରାଜିତ କରିଥିଲେ। ତେଣୁ ଭବାନୀପୁର ଫଳାଫଳ ମମତାଙ୍କ ପାଇଁ ଏକ ବଡ଼ ସମ୍ମାନର ବିଷୟ ପାଲଟିଛି।

ଭୋଟର ତାଲିକାରୁ ୫୧,୦୦୦ ନାମ କଟାଯିବା ନେଇ ବିବାଦ

ଏହି ନିର୍ବାଚନ ମଣ୍ଡଳୀରେ SIR ପରେ ଭୋଟର ସଂଖ୍ୟାରେ ପ୍ରାୟ ୨୫% ହ୍ରାସ ଘଟିଛି, ଯାହାକୁ ନେଇ ଅନେକ ଚର୍ଚ୍ଚା ଚାଲିଛି। କଟାଯାଇଥିବା ମୋଟ ନାମ: ୫୧,୦୦୪। 

ଏଥିମଧ୍ୟରୁ ୨୩.୩% ମୁସଲିମ୍ ଏବଂ ୭୬.୭% ଅଣ-ମୁସଲିମ୍ ଭୋଟର ଅଛନ୍ତି।ଅନୁପସ୍ଥିତ, ସ୍ଥାନାନ୍ତରିତ , ମୃତ  ଏବଂ ନକଲି ଭୋଟର ବର୍ଗରେ ଏହି ନାମଗୁଡ଼ିକୁ ହଟାଯାଇଛି। ପୂର୍ବରୁ ଏଠାରେ ୨,୦୬,୨୯୫ ଭୋଟର ଥିଲେ।

ଦକ୍ଷିଣ କଲିକତା ଲୋକସଭା ଅଧୀନରେ ଆସୁଥିବା ଭବାନୀପୁର ଆସନ ପାଇଁ ଗତ ୨୯ ଏପ୍ରିଲରେ ମତଦାନ ହୋଇଥିଲା। ଯଦିଓ ରାଜ୍ୟର ଅନ୍ୟାନ୍ୟ ସ୍ଥାନରେ ବିଜେପି ଭଲ ପ୍ରଦର୍ଶନ କରୁଛି, କିନ୍ତୁ ଭବାନୀପୁରରେ ମମତାଙ୍କ ଲିଡ୍ ଟିଏମସି କର୍ମକର୍ତ୍ତାଙ୍କ ମଧ୍ୟରେ କିଛିଟା ଆଶା ସଞ୍ଚାର କରିଛି।