ରୁଦ୍ରପ୍ରୟାଗ: ଉତ୍ତରାଖଣ୍ଡର ରୁଦ୍ରପ୍ରୟାଗ ଜିଲ୍ଲା କେଦାରଘାଟିରେ ହେଲିକପ୍ଟର ଦୁର୍ଘଟଣା ଥମିବାର ନାଁ ନେଉନାହିଁ। ଚଳିତ ବର୍ଷ ଯାତ୍ରା ଆରମ୍ଭ ହେବା ପରଠାରୁ କେଦାରଘାଟିରେ ଏପର୍ଯ୍ୟନ୍ତ ତିନୋଟି ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇସାରିଛି। ଦୁଇଟି ହେଲିକପ୍ଟରକୁ ଜରୁରୀକାଳୀନ ଅବତରଣ କରିବାକୁ ପଡିଥିଲା। କିନ୍ତୁ କୌଣସି ମୃତାହତ ହୋଇନାହିଁ। କେଦାରନାଥରୁ ଗୁପ୍ତକାଶୀ ଫେରୁଥିବା ବେଳେ ରବିବାର ଏକ ହେଲିକପ୍ଟର ଗୌରୀ ମାଇ ଖାର୍କ ନିକଟରେ ଦୁର୍ଘଟଣାଗ୍ରସ୍ତ ହୋଇ ୭ ଜଣଙ୍କର ମୃତ୍ୟୁ ହୋଇଛି। ବାରମ୍ବାର ହେଲିକପ୍ଟର ଦୁର୍ଘଟଣା ଯୋଗୁଁ ସାଧାରଣ ଯାତ୍ରୀଙ୍କ ମଧ୍ୟରେ ଭୟ ସୃଷ୍ଟି ହେବା ଆରମ୍ଭ ହୋଇଛି।

ଗତ ୧୪ ବର୍ଷ ମଧ୍ୟରେ କେଦାରଘାଟିରେ ୧୩ଟି ହେଲିକପ୍ଟର ଦୁର୍ଘଟଣାଗସ୍ତ ହୋଇଛି। ଏଥିରେ ୪୧ ଜଣଙ୍କର ମୃତ୍ୟୁ ହୋଇଛି। କିଛି ସମୟ ଧରି କେଦାରନାଥରେ ହେଲିକପ୍ଟର ଅବତରଣ ଏବଂ ଉଡ଼ାଣ ସମୟରେ ଦୁର୍ଘଟଣାର ଆଶଙ୍କା ବୃଦ୍ଧି ପାଉଛି। ଏହି ଦୁର୍ଗମ ଏବଂ ଅତ୍ୟନ୍ତ ସମ୍ବେଦନଶୀଳ ପାହାଡ଼ଗୁଡ଼ିକରେ ସିଙ୍ଗଲ ଇଞ୍ଜିନ୍ ହେଲିକପ୍ଟର ଉଡ଼ାଣ ମଧ୍ୟ ପ୍ରଶ୍ନ ଉଠାଇଥାଏ। ଖରାପ ପାଗ ମଧ୍ୟ ଦୁର୍ଘଟଣାରେ ଏକ ବଡ଼ ବାଧା ସୃଷ୍ଟି କରେ।

ଚଳିତ ବର୍ଷ ଚାରିଧାମ ଯାତ୍ରା ଆରମ୍ଭ ହେବା ପରଠାରୁ ୫ଟି ହେଲିକପ୍ଟର ଦୁର୍ଘଟଣା ଘଟିଛି, ଯେଉଁଥିରେ ଗୋଟିଏ ବଦ୍ରିନାଥରେ ଏବଂ ଅନ୍ୟଟି ଗଙ୍ଗୋତ୍ରୀ ଧାମକୁ ଯାଉଥିବା ସମୟରେ ଉତ୍ତରକାଶୀ ନିକଟରେ ଜରୁରୀକାଳୀନ ଅବତରଣ ହୋଇଥିଲା ଏବଂ କେଦାରନାଥ ଧାମରେ ତିନୋଟି ହେଲିକପ୍ଟର ଦୁର୍ଘଟଣା ଘଟିଛି। ଏଥିରେ ମେ ୧୭ ତାରିଖରେ କେଦାରନାଥ ଧାମରେ ହେଲିକପ୍ଟରର ଜରୁରୀକାଳୀନ ଅବତରଣ ଏବଂ ବଡ଼ାସୁ ହେଲିପ୍ୟାଡରୁ ଉଡ଼ାଣ ଭରିବା ସମୟରେ ହେଲିକପ୍ଟର ଦୁର୍ଘଟଣାରେ କୌଣସି ଜୀବନହାନି ହୋଇନାହିଁ। ରବିବାର ଦିନ କେଦାରନାଥରୁ ଯାତ୍ରୀମାନଙ୍କୁ ନେଇ ଯାଉଥିବା ଆର୍ଯ୍ୟାନ କମ୍ପାନୀର ଏକ ହେଲିକପ୍ଟର ଗୌରୀ ମାଇ ଖାର୍କ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା, ଯାହା ଫଳରେ ପାଇଲଟଙ୍କ ସମେତ ୭ ଜଣ ଯାତ୍ରୀଙ୍କ ମୃତ୍ୟୁ ହୋଇଥିଲା।

କେଦାରନାଥ ଧାମରେ ହେଲିକପ୍ଟର ଦୁର୍ଘଟଣା

• ୨୦୦୯ ଜୁନ୍ ୧୨: କେଦାରନାଥ ହେଲିପ୍ୟାଡରେ ହେଲିକପ୍ଟର ଫ୍ୟାନ୍ ଦ୍ୱାରା ଜଣଙ୍କର ମୃତ୍ୟୁ
• ୨୦୧୩ ଜୁନ୍‌ ୨୧, ଜଙ୍ଗଲଚାଟିରେ ହେଲିକପ୍ଟର ଦୁର୍ଘଟଣାଗ୍ରସ୍ତ, ପାଇଲଟ୍ ମୃତ
• ୨୦୧୩ ଜୁନ୍ ୨୫: ଗୌରୀକୁଣ୍ଡ ନିକଟରେ ଏମ୍‌ଇ-୧୭ ହେଲିକପ୍ଟର ଦୁର୍ଘଟଣାଗ୍ରସ୍ତ, ୨୧ ସୈନିକ ମୃତ
• ୨୦୧୩ ଜୁନ୍‌ ୨୮: କେଦାରନାଥଠାରୁ ଦୁଇ କିଲୋମିଟର ଆଗକୁ ଗରୁଡ଼ଚାଟିରେ ହେଲିକପ୍ଟର ଦୁର୍ଘଟଣାଗ୍ରସ୍ତ, ୩ ଜଣଙ୍କର ମୃତ୍ୟୁ
• ୨୦୧୬ ମେ ୨୫: ଗୁପ୍ତକାଶୀରେ ମଝି ଆକାଶରେ ହେଲିକପ୍ଟର କ୍ଷତିଗ୍ରସ୍ତ, ସମସ୍ତ ଯାତ୍ରୀ ସୁରକ୍ଷିତ
• ୨୦୧୮ ଏପ୍ରିଲ ୩: କେଦାରନାଥରେ ଏମ୍‌ଆଇ-୧୭ ହେଲିକପ୍ଟର ଦୁର୍ଘଟଣାଗ୍ରସ୍ତ, କୌଣସି କ୍ଷତି ନାହିଁ
• ୨୦୧୯ ମେ’ ୧୩: ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଯୋଗୁଁ କେଦାରନାଥରେ ଜରୁରୀକାଳୀନ ଅବତରଣ
• ୨୦୨୨ ଅକ୍ଟୋବର ୧୮: କେଦାରନାଥରୁ ଗୁପ୍ତକାଶୀ ଯାଉଥିବା ହେଲିକପ୍ଟର ଗରୁଡ଼ଚାଟି ନିକଟରେ ଏକ ପାହାଡ଼ରେ ଧକ୍କା ଦେବା ପରେ ଦୁର୍ଘଟଣାଗ୍ରସ୍ତ, ୭ ଜଣ ଆହତ ମୃତ୍ୟୁ
• ୨୦୨୪ ଏପ୍ରିଲ୍ ୨୩: କେଦାରନାଥ ହେଲିପ୍ୟାଡରେ ଏକ ହେଲିକପ୍ଟରର ଟେଲ୍ ରୋଟରରେ ଆଘାତ ପାଇବା ପରେ ୟୁସିଏଡିଏର ବରିଷ୍ଠ ଅର୍ଥ ନିୟନ୍ତ୍ରକଙ୍କ ମୃତ୍ୟୁ 
• ୨୦୨୪ ମେ’ ୨୪: ହେଲିପ୍ୟାଡଠାରୁ ୧୦୦ ମିଟର ଆଗକୁ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା, ସମସ୍ତ ଯାତ୍ରୀ ସୁରକ୍ଷିତ ଥିଲେ
• ୨୦୨୫ ମେ’ ୧୭: କେଦାରନାଥ ଧାମରେ ଏକ ହେଲିକପ୍ଟରର ଜରୁରୀକାଳୀନ ଅବତରଣ, କୌଣସି କ୍ଷତି ହୋଇନାହିଁ
• ୨୦୨୫ ଜୁନ୍‌ ୭: ବଡ଼ାସୁ ହେଲିପ୍ୟାଡରୁ ଉଡ଼ାଣ ଭରିବା ସମୟରେ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା, କୌଣସି କ୍ଷତି ହୋଇନାହିଁ
• ୨୦୨୫ ଜୁନ୍‌ ୧୫: କେଦାରନାଥରୁ ଗୁପ୍ତକାଶୀ ଫେରୁଥିବା ଏକ ହେଲିକପ୍ଟର ଗୌରୀ ମାଇ ଖାର୍କ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା, ୭ ଜଣଙ୍କ ମୃତ୍ୟୁ ହୋଇଥିଲା

ଅଧିକ ପଢ଼ନ୍ତୁ: ଦୁବାଇର ୬୭ ମହଲା କୋଠାରେ ଭୟଙ୍କର ଅଗ୍ନିକାଣ୍ଡ