ନୂଆଦିଲ୍ଲୀ: ଯେକୌଣସି ମୁହୂର୍ତ୍ତରେ ଆଜି ଆୟକର ଫେରସ୍ତ ପୂରଣ କରନ୍ତୁ। ଆୟକର ବିଭାଗ ଆୟକର ରିଟର୍ଣ୍ଣ  ଦାଖଲ କରିବାର ଶେଷ ତାରିଖକୁ ଆଉ ଗୋଟିଏ ଦିନ ବୃଦ୍ଧି କରିଛି। ତେଣୁ  ଆୟକର ଦାଖଲ କରିବାର ଶେଷ ତାରିଖ ଏବେ ୨୦୨୫ ସେପ୍ଟେମ୍ବର ୧୬। ପୂର୍ବରୁ ଏହି ତାରିଖ ସେପ୍ଟେମ୍ବର ୧୫ ଧାର୍ଯ୍ୟ କରାଯାଇଥିଲା। ତଥାପି ଆଇଟିଆର ଦାଖଲ କରିବାର ସର୍ବପ୍ରଥମ ଶେଷ ତାରିଖ ୨୦୨୫ ଜୁଲାଇ ୩୧ ଥିଲା। ସରକାର ଏହାକୁ ପୂର୍ବରୁ ବୃଦ୍ଧି କରିଥିଲେ। 

ଆୟକର ବିଭାଗ ଦ୍ୱାରା ଜାରି ଏକ ପ୍ରେସ୍ ବିଜ୍ଞପ୍ତିରେ କୁହାଯାଇଛି ଯେ ଆୟକର ରିଟର୍ଣ୍ଣ ଦାଖଲ କରିବାର ଶେଷ ତାରିଖ ଏବେ ଗୋଟିଏ ଦିନ ବୃଦ୍ଧି କରି ସେପ୍ଟେମ୍ବର ୧୬ କରାଯାଇଛି। ଆୟକର ଇ-ଫାଇଲିଂ ପୋର୍ଟାଲରେ ଯାନ୍ତ୍ରିକ ସମସ୍ୟା ଯୋଗୁଁ ରିଟର୍ଣ୍ଣ ଦାଖଲ କରିବାରେ ସମସ୍ୟାର ସମ୍ମୁଖୀନ ହେଉଥିବା କରଦାତାଙ୍କ ସୁବିଧା ପାଇଁ ଏହି ପଦକ୍ଷେପ ନିଆଯାଇଛି।

ଆୟକର ବିଭାଗ ଏହା ମଧ୍ୟ ସୂଚନା ଦେଇଛି ଯେ ଇ-ଫାଇଲିଂ ପୋର୍ଟାଲରେ ଆବଶ୍ୟକୀୟ ଅପଡେଟ୍ ଏବଂ ପରିବର୍ତ୍ତନ କରିବା ପାଇଁ ସେପ୍ଟେମ୍ବର ୧୬ ଦିନ ୧୨:00 ରୁ ରାତି ୨ଟା ୩୦ ପର୍ଯ୍ୟନ୍ତ ରକ୍ଷଣାବେକ୍ଷଣ କରାଯିବ।

ଆଇଟିଆର୍ ଦାଖଲର ତାରିଖ ଗୋଟିଏ ଦିନ ବୃଦ୍ଧି କରାଯିବା ଯୋଗୁଁ କରଦାତାଙ୍କୁ କିଛିଟା ଆଶ୍ୱସ୍ତି ମିଳିଛି। କିନ୍ତୁ ବିଭାଗ ସମସ୍ତଙ୍କୁ ସମୟ ମଧ୍ୟରେ ଆୟକର ରିଟର୍ଣ୍ଣ ଦାଖଲ କରିବାକୁ ଅପିଲ୍ କରିଛି, ଯାହା ଦ୍ଵାରା ଶେଷ ମୁହୂର୍ତ୍ତରେ ଯାନ୍ତ୍ରିକ ସମସ୍ୟା କିମ୍ବା ଜରିମାନା ଏଡାଯାଇପାରିବ।

ଅଧିକ ପଢ଼ନ୍ତୁ: ପୁରୀ ସ୍ଵର୍ଗଦ୍ଵାରରୁ ଆସିଲା ଆଶ୍ଚର୍ଯ୍ୟଜନକ ଦୃଶ୍ୟ