ହରିୟାଣାରେ ଘଟିଛି ଏକ ଦୁଃଖଦ ଘଟଣା । କ୍ଷେତରେ ନିଆଁ ଲିଭାଇବାକୁ ଯାଇଥିବାବେଳେ ନିଆଁରେ ଜଳିଗଲେ ଚାଷୀ । ସୂଚନା ଅନୁସାରେ, ହରିୟାଣାର ଏକ ଗ୍ରାମରେ ଜଣେ ଚାଷୀଙ୍କ କ୍ଷେତରେ ନିଆଁ ଲାଗିଥିଲା । ଚାଷୀ ଜଣଙ୍କ ନିଆଁ ଲାଗିବାର ଖବର ପାଇ ନିଆଁ ଲିଭାଇବା ପାଇଁ କ୍ଷେତକୁ ଆସିଥିଲେ । କିନ୍ତୁ ଦୁର୍ଭାଗ୍ୟବଶତଃ ସେହି ନିଆଁ ଚାଷୀ ଜଣକ ଜିଅନ୍ତା ଜଳିଯାଇଥିଲେ । ଅନ୍ୟପଟେ ସେହି ନିଆଁର ପ୍ରକୋପ ଏତେ ଥିଲା ଯେ, ପ୍ରାୟ ୫ ଏକର କ୍ଷେତର ଫସଲ ଜଳି ପୋଡି ନଷ୍ଟ ହୋଇଯାଇଥିଲା । ନିଆଁ ଅଣାୟତ୍ତ ପରିସ୍ଥିତି ସୃଷ୍ଟି କରିଥିବାରୁ ସ୍ଥାନୀୟ ଲୋକ, ଅଗ୍ନିଶମ ବାହିନୀକୁ ଖବର ଦେଇଥିଲେ ।

ଖବର ପାଇ, ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ । ବହୁ ଚେଷ୍ଟା ପରେ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲା । ନିଆଁ ଲିଭିଲା ପରେ ଅଗ୍ନିଶମ ବାହିନୀ କ୍ଷେତରୁ ମୃତଦେହକୁ ଉଦ୍ଧାର କରିଥିଲେ ।  ଉଦ୍ଧାର ପରେ ମୃତଦେହକୁ ଶବ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଥିଲା । ଏହି ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି ।