ବ୍ରାଜିଲ ରାଷ୍ଟ୍ରପତି ଜାୟର ବୋଲସନାରୋ କରୋନାରେ ସଂକ୍ରମିତ
Khabar Odisha:Coronavirus--Brazils-President-Bolsonaro-tests-positive
ବ୍ରାଜିଲିଆ, ଜୁଲାଇ ୮ (ଖବର ଓଡ଼ିଶା)

ସାରା ବିଶ୍ୱରେ ଦିନକୁ ଦିନ ବ୍ୟାପୁଥିବା ମହାମାରୀ କରୋନାରେ ବ୍ରାଜିଲ ବିଶ୍ୱର ଅନ୍ୟତମ ପ୍ରଭାବିତ ରାଷ୍ଟ୍ର । ତେବେ ବର୍ତ୍ତମାନର ସବୁଠାରୁ ବଡ ଖବର ଅନୁସାରେ ବ୍ରାଜିଲର ରାଷ୍ଟ୍ରପତି ଜାୟର ବୋଲସନାରୋ ମଧ୍ୟ ବିଶ୍ୱବ୍ୟାପୀ କରୋନା ଜୀବାଣୁ ମହାମାରୀର ଶିକାର ହୋଇଛନ୍ତି । ନିକଟରେ ତାଙ୍କୁ କରୋନା ଟେଷ୍ଟ ପଜିଟିଭ୍ ଘୋଷଣା କରାଯାଇଛି । ଶ୍ୱାସକ୍ରିୟା ଏବଂ ଫୁସଫୁସ ଜନିତ ସମସ୍ୟା ହେତୁ କରୋନା ଜୀବାଣୁ ପରୀକ୍ଷା କରିବାକୁ ଡାକ୍ତରମାନେ ବୋଲସନାରୋଙ୍କୁ ପରାମର୍ଶ ଦେଇଥିଲେ, ଯାହାପରେ ତାଙ୍କ କରୋନା ନମୂନା ପରୀକ୍ଷଣ କରାଯାଇଥିଲା ଯାହା ରିପୋର୍ଟ ପଜେଟିଭ ଆସିଥିବା ଜଣାପଡିଛି । ସୋମବାର ସେ ଏକ ସାମ୍ବାଦିକ ସମ୍ମିଳନୀରେ ତାଙ୍କର ସଂକ୍ରମଣ ବିଷୟରେ ସୂଚନା ଦେଇଥିବାବେଳେ ଫୁସଫୁସ ସ୍କାନ ପାଇଁ ଡାକ୍ତରଖାନା ମଧ୍ୟ ଯାଇଥିବା ଜଣାପଡିଛି ।

ରାଷ୍ଟ୍ରପତି ବୋଲସନାରୋ ସାମ୍ବାଦିକ ସମ୍ମିଳନୀରେ ଶାରୀରିକ ଦୂରତା ନିୟମକୁ ଅନୁସରଣ କରିନାହାଁନ୍ତି, ଯାହା ଫଳରେ ତାଙ୍କୁ କରୋନା ସଂକ୍ରମଣ ହୋଇଥିବା ନେଇ ବ୍ରାଜିଲ ସୋସିଆଲ ମିଡିଆରେ କ୍ରମାଗତ ଭାବରେ ଲୋକମାନେ ବିଭିନ୍ନ ମନ୍ତବ୍ୟ ଦେଉଛନ୍ତି । ବାସ୍ତବରେ, ବ୍ରାଜିଲରେ ବର୍ତ୍ତମାନ କରୋନା ସ୍ଥିତି ସଙ୍ଗୀନ ରହିଛି, ଲୋକମାନେ ଏଠାରେ କରୋନା ଦ୍ୱାରା ଅଧିକ ସଂକ୍ରମିତ ହେଉଛନ୍ତି | ଏହା ସତ୍ତ୍ୱେ ବୋଲସନାରୋ ବିଭିନ୍ନ ଜନଗହଳି ସମାଗମରେ ଯୋଗଦେବା ସହ ଶାରୀରିକ ଦୂରତା ନିୟମ ମଧ୍ୟ ପାଳନ କରିନାହାଁନ୍ତି।

ବୋଲସନାରୋଙ୍କୁ ନେଇ ସିଏନ୍ଏନ୍ ବ୍ରାଜିଲ୍ ତାର ରିପୋର୍ଟରେ ଦର୍ଶାଇଛି ଯେ ସେ ଜ୍ୱର ଭଳି ଲକ୍ଷଣ ଅନୁଭବ କରୁଥିଲେ, ଯାହା କରୋନା ଜୀବାଣୁ ବୋଲି ସନ୍ଦେହ କରାଯାଉଥିଲା। ଏହି କାରଣରୁ ସେ ଚିକିତ୍ସା ପାଇଁ ସୋମବାର ଡାକ୍ତରଖାନାରେ ପହଞ୍ଚିଥିଲେ। ରାଷ୍ଟ୍ରପତି ବୋଲସନାରୋ ମଙ୍ଗଳବାର କହିଛନ୍ତି ଯେ ତାଙ୍କର ଚତୁର୍ଥ କରୋନା ପରୀକ୍ଷା ସକରାତ୍ମକ ହୋଇଛି । ସେ କହିଛନ୍ତି ମୁଁ ଭଲ ଅଛି, ମୁଁ ସ୍ୱାଭାବିକ ଭାବେ ସୁସ୍ଥ ଅଛି ବୋଲି ସେ ସୂଚନା ଦେଇଛନ୍ତି ।

  • Tags:

Subscribe

National International State Sports Entertainment