ଗତ ୧୦୦ ବର୍ଷ ମଧ୍ୟରେ କରୋନା ହେଉଛି ସବୁଠାରୁ ବଡ଼ ଆର୍ଥିକ ଓ ସ୍ଵାସ୍ଥ୍ୟ ସମସ୍ୟା : ଶକ୍ତିକାନ୍ତ ଦାସ
Khabar Odisha:Corona-is-a-big-economic-and-health-problem-in-last-100-years
ନୂଆଦିଲ୍ଲୀ, ଜୁଲାଇ 11 (ଖବର ଓଡ଼ିଶା):

 ସାରା ବିଶ୍ବକୁ କବଳିତ କରିଛି ମହାମାରୀ କରୋନା ଭାଇରସ ।  ଭାରତରେ ମଧ୍ୟ କରୋନା ସ୍ଥିତି ଜଟିଳ ହେଉଛି । ତେବେ ଗତ ଶହେ ବର୍ଷରେ କୋଭିଡ୍-୧୯ ସବୁଠାରୁ ବଡ଼ ଆର୍ଥିକ ଓ ସ୍ୱାସ୍ଥ୍ୟ ସମସ୍ୟା ବୋଲି କହିଛନ୍ତି ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ। 

ବିଶ୍ଵର ୨୧୩ ଦେଶରେ ବ୍ୟାପୁଥିବା ମହାମାରୀ କରୋନା ଭୂତାଣୁ ପ୍ରଭାବ ଭୟଙ୍କର ହେଉଛି । କରୋନା ଯୋଗୁଁ ବିଶ୍ୱବ୍ୟାପୀ ଶିଳ୍ପ, ବାଣିଜ୍ୟ ଓ ସାମାଜିକ କ୍ଷେତ୍ର ପ୍ରଭାବିତ ହୋଇଛି । ଦେଶର ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି କରୋନା ।  କରୋନା ଭାରତୀୟ ଅର୍ଥନୀତି ପାଇଁ ସବୁଠୁ ବଡ଼ ଅସୁବିଧା ସୃଷ୍ଠି କରୁଛି ।ତେବେ ଅର୍ଥନୈତିକ ଅଭିବୃଦ୍ଧି ସହ ଆର୍ଥିକ ସ୍ଥାୟୀତ୍ୱ ବଜାୟ ରଖିବା ଲାଗି ରିଜର୍ଭବ୍ୟାଙ୍କ ଅନେକଗୁଡ଼ିଏ ଐତିହାସିକ ପଦକ୍ଷେପ ଗ୍ରହଣ କରିଥିବା ରିଜର୍ଭବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି।

କରୋନା ପରିସ୍ଥିତିର ମୁକାବିଲା ଓ ଅର୍ଥନୈତିକ ସମସ୍ୟାରୁ ମୁକୁଳିବା ପାଇଁ ବ୍ୟାଙ୍କ ଓ ଅନ୍ୟ ଆର୍ଥିକ ସଂସ୍ଥାମାନେ ମଧ୍ୟ ଅନେକ ଉଦ୍ୟମ ଜାରି ରଖିଛନ୍ତି। ଦେଶର ବିକାଶ ଧାରାକୁ ବଜାୟ ରଖିବା ରିଜର୍ଭ ବ୍ୟାଙ୍କର ପ୍ରାଥମିକତା ।

  • Tags:

Subscribe

National International State Sports Entertainment