ନଭେମ୍ବର ୧୩, ୨୦୨୩ରେ ଗୃହ ନିର୍ମାଣ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ (ଏମଓଏଚ୍‌ୟୁଏ) ପକ୍ଷରୁ ‘ସହରଗୁଡ଼ିକ ପାଇଁ ଆଇନା ଡ୍ୟାସବୋର୍ଡ' ପୋର୍ଟାଲwww.aaina.gov.inକୁ ଲାଇଭ୍‌ ଉନ୍ମୋଚନ କରାଯାଇଛି। ଏଥିରେ ଦେଶର ପୌର ପ୍ରଶାସନ (ୟୁଏଲବି)ଗୁଡ଼ିକଏହି ଅଗ୍ରଣୀ ପ୍ରୟାସରେ ଅଂଶଗ୍ରହଣ କରିବା ସହିତ ଆଇନା ପୋର୍ଟାଲରେ ସରଳ, ସହଜ ପୂରଣ ଯୋଗ୍ୟ, ଡାଟା ଏଣ୍ଟ୍ରି ଫର୍ମ ଜରିଆରେ ନିୟମିତ ଭାବେ ସେମାନଙ୍କର ପ୍ରମୁଖ ତଥ୍ୟ ଓ ସୂଚନାଗୁଡ଼ିକ ସ୍ୱେଚ୍ଛାକୃତ ଭାବେ ଦାଖଲ କରିପାରିବେ। ଆଇନା ଡ୍ୟାସବୋର୍ଡର ୩ଟି ପ୍ରାଥମିକ ଉଦ୍ଦେଶ୍ୟ ହେଉଛି ଯଥା -(୧) ଅନ୍ୟ ସହରଗୁଡ଼ିକ ତୁଳନାରେ ସେମାନେ କିପରି ପ୍ରଦର୍ଶନ କରୁଛନ୍ତି ତାହା ଦେଖିବାରେ ସାହାଯ୍ୟ କରିବା। (୨) ଉନ୍ନତିର ସମ୍ଭାବନା ଏବଂ କ୍ଷେତ୍ରକୁ ସୂଚାଇ ସେମାନଙ୍କୁ ପ୍ରେରଣା ଦେବା। (୩) ଅଗ୍ରଣୀମାନଙ୍କ ସହିତ ଶିଖିବା ଏବଂ ଜଡିତ ହେବାର ସୁଯୋଗ ପ୍ରଦାନ କରିବା। ୟୁଏଲବିଗୁଡ଼ିକର ମାନ୍ୟତା ନଥିଲେ ମଧ୍ୟ, ଆଇନା ଡ୍ୟାସବୋର୍ଡ ସମାନ ସ୍ଥିତିରେ ଥିବା ସହରଗୁଡ଼ିକୁ ତୁଳନା କରିବା ଏବଂ ସହରଗୁଡିକ ମଧ୍ୟରେ ସହକର୍ମୀ ଶିକ୍ଷାକୁ ପ୍ରୋତ୍ସାହିତ କରିବା ପାଇଁ ଏକ ଉପକରଣ ଭାବରେ କାର୍ଯ୍ୟ କରିବ ।

ଡ୍ୟାସବୋର୍ଡର ପାଞ୍ଚଟି ବ୍ୟାପକ ସ୍ତମ୍ଭ ଯଥା: (୧) ରାଜନୈତିକ ଓ ପ୍ରଶାସନିକ ଢାଞ୍ଚା, (୨) ଅର୍ଥ, (୩) ଯୋଜନା, (୪) ନାଗରିକ କେନ୍ଦ୍ରୀତ ଶାସନ ଏବଂ (୫) ମୌଳିକ ସେବା ପ୍ରଦାନ ଆଦିର ସୂଚକାଙ୍କ ଆଧାରରେ ୟୁଏଲବିଗୁଡ଼ିକ ଦ୍ୱାରା ଦାଖଲ କରାଯାଇଥିବା ତଥ୍ୟ ଉପସ୍ଥାପନ କରିବ। ୟୁଏଲବିମାନେ ଡ୍ୟାସବୋର୍ଡର ପୋର୍ଟାଲରେ ଲଗ୍ ଇନ୍ କରି ଅଡିଟ୍ ହୋଇଥିବା ଏକାଉଣ୍ଟ ଏବଂ ସ୍ୱେଚ୍ଛାକୃତ ଭାବେ ରିପୋର୍ଟ ହୋଇଥିବା ପ୍ରଦର୍ଶନ ମେଟ୍ରିକ୍ସ ସମେତ ସେମାନଙ୍କର ତଥ୍ୟ ଦାଖଲ କରିବେ। ଆବଶ୍ୟକତା ଅନୁଯାୟୀ ପୋର୍ଟାଲରେ ଯେକୌଣସି ସମୟରେ ୟୁଏଲବିମାନେ ସେମାନଙ୍କ ଦ୍ୱାରା ପ୍ରଦାନ କରାଯାଇଥିବା ସୂଚନା ଅପଡେଟ୍ କରିବାକୁ ସ୍ୱାଧୀନ ହେବେ।ୟୁଏଲବି ସମ୍ବନ୍ଧୀୟ ଡାଟା ପାଇଁ ଏକ ସ୍ଥାୟୀ ପ୍ଲାଟଫର୍ମ ଭାବରେ ଡ୍ୟାସବୋର୍ଡକୁ ପରିକଳ୍ପନା କରାଯାଇଛି, ଯାହା ନିୟମିତ ଭାବରେ ଅପଡେଟ୍ କରାଯିବ। 

‘ସହରଗୁଡ଼ିକ ପାଇଁ ଆଇନା ଡ୍ୟାସବୋର୍ଡ'ର ମୁଖ୍ୟ ଲକ୍ଷ୍ୟ ହେଉଛି ସହରାଞ୍ଚଳ ସ୍ଥାନୀୟ ସଂସ୍ଥାଗୁଡ଼ିକର ପ୍ରମୁଖ କାର୍ଯ୍ୟଦକ୍ଷତା ମେଟ୍ରିକ୍ସର ଏକ ଦୃଢ଼ ଡାଟାବେସ୍ ପ୍ରସ୍ତୁତ କରିବା। ଯାହାକୁ ସମସ୍ତ ଅଂଶୀଦାରମାନେ ଆକସେସ୍ କରିପାରିବେ ଏବଂ ପରବର୍ତ୍ତୀ ସମୟରେ ଏହା ଜନବହୁଳ ହେବା ପରେ ସର୍ବସାଧାରଣଙ୍କ ଦେଖିବା ପାଇଁ ଖୋଲାଯିବ। ମନ୍ତ୍ରଣାଳୟ ଡିଜିଟାଲ ଇଣ୍ଡିଆ କର୍ପୋରେସନ୍ ଜରିଆରେ ଆବଶ୍ୟକତା ଭିତ୍ତିରେ ତଥ୍ୟ ଦାଖଲ ପ୍ରକ୍ରିୟାରେ ୟୁଏଲବି/ରାଜ୍ୟଗୁଡ଼ିକୁ ହ୍ୟାଣ୍ଡହୋଲ୍ଡିଂ ସହାୟତା ପ୍ରଦାନ କରିବ। ଏହିସବୁ ସୁବିଧା ସହରାଞ୍ଚଳରେ ଉପଲବ୍ଧ ହେବା ପାଇଁ ସୋମବାର ଏହାର ଉନ୍ମୋଚନ ହୋଇଛି।

ଅଧିକ ପଢନ୍ତୁ ; ଟ୍ରକକୁ ପିଟିଲା କାର : ୬ ମୃତ