କେରଳରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ସ୍କୁଲ ବସ ସହ ଧକ୍କା ହେଲା ଅଟୋ । ଆଉ ଚାଲିଯାଇଛି ୫ ଜଣଙ୍କର ଜୀବନ । ସୂଚନା ଅନୁସାରେ, କେରଳର କାସାରାଗୋଡରେ ସ୍କୁଲ ବସ ସହ ଅଟୋ ଧକ୍କା ହେବା ଫଳରେ ୫ ଜଣଙ୍କର ମୃତ୍ୟୁ ହୋଇଛି ।

ଅଧିକ ପଢନ୍ତୁ: ଚଳନ୍ତା କାରରେ ଲାଗିଗଲା ନିଆଁ

ପୋଲିସ ସୂଚନା ଅନୁସାରେ, ସ୍କୁଲ ବସଟି ପିଲାଙ୍କୁ  ସ୍କୁଲରୁ ନେଇ ଘରେ ଛାଡିବା ସମୟରେ ଘଟିଥିଲା ଏଇ ଦୁର୍ଘଟଣା । ଘଟଣାସ୍ଥଳରେ ୪ ଜଣଙ୍କର ମୃତ୍ୟୁ ହୋଇଥିଲା । ଆଉ ଅଟୋ ଡ୍ରାଇଭର ଗୁରୁତର ଆହତ ହୋଇଥିଲେ ତାଙ୍କୁ ମେଡିକାଲ ନେବା ସମୟରେ ତାଙ୍କର ଜୀବନ ଚାଲିଯାଇଥିଲା । ସ୍କୁଲ ବସଟି ଭୁଲ ରାସ୍ତାରେ ଦ୍ରୁତଗତିରେ ଆସୁଥିବା କାରଣରୁ ଏମିତି ଏକ ଦୁର୍ଘଟଣା ଘଟିଲା । ଘଟଣାପରେ ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କୁ ଦୁର୍ଘଟଣା ସମ୍ପର୍କରେ ପଚରାଉଚରା କରିଥିଲା । ଏହି ଦୁର୍ଘଟଣାରେ କେରଳର ମୁଖ୍ୟମନ୍ତ୍ରୀ ଦୁଃଖ ପ୍ରକାଶ କରିବା ସହିତ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ।

ଆଗକୁ ପଢ଼ନ୍ତୁ: ସ୍କୁଲ ବସ ଓ ଟ୍ରକର ଧକ୍କା : ୨ ମୃତ