ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ସୁକମା ଜିଲ୍ଲାରେ ପୋଲିସ ଗୁଳି ବିନିମୟରେ ୨ଜଣ ନକ୍ସଲ ନିହତ ହୋଇଛନ୍ତି । ସୂଚନା ଅନୁସାରେ, ଚିନ୍ତାଗୁମ୍ଫା ଜଙ୍ଗଲରେ ନକ୍ସଲବାଦୀମାନେ ରହିଥିବା ଖବର ମିଳିଥିଲା । ଏହା ପରେ DRG ଓ CRPF ଯବାନମାନେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ସମୟରେ ଯବାନ ଓ ନକ୍ସଲବାଦୀ ମାନଙ୍କ ମଧ୍ୟରେ ମୁହାମୁହିଁ ହୋଇଥିଲା । ପରେ ଏହି ମୁହାମୁହିଁ ଗୁଳିବିନିମୟରେ ପରିଣତ ହୋଇଥିଲା । ପ୍ରାୟ ଦୁଇ ଘଣ୍ଟା ପର୍ଯ୍ୟନ୍ତ ଗୁଳିବିନିମୟ ହୋଇଥିଲା । ଏହି ଗୁଳିବିନିମୟରେ ଯବାନଙ୍କ ଗୁଳିରେ ୨  ନକ୍ସଲବାଦୀ ନିହତ ହୋଇଥିଲେ । ଅନ୍ୟ ନକ୍ସଲବାଦୀମାନେ ଆହତ ହୋଇଥିବା ସୂଚନା ମିଳୁଛି । ନକ୍ସଲଙ୍କ ମୃତଦେହ ସହିତ ବନ୍ଧୁକ ଓ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି ପୋଲିସ ।