ନୂଆଦିଲ୍ଲୀ: ଯୌନ ନିର୍ଯାତନାର ଶିକାର ହୋଇଥିବା ନାବାଳିକାଙ୍କୁ ମାଗଣା ଡାକ୍ତରଖାନା ସୁବିଧା ନମିଳିବା ନେଇ ଦିଲ୍ଲୀ ହାଇକୋର୍ଟ ଚିନ୍ତା ପ୍ରକଟ କରିଛନ୍ତି। ଜଷ୍ଟିସ୍ ପ୍ରତିଭା ଏମ୍ ସିଂହ ଓ ଜଷ୍ଟିସ୍ ଅମିତ ଶର୍ମାଙ୍କୁ ନେଇ ଗଠିତ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି ଯେ ଯୌନ ନିର୍ଯାତନାର ଶିକାର ହୋଇଥିବା ପୀଡ଼ିତା ଯଦି କୌଣସି ଡାକ୍ତରଖାନା, ଲ୍ୟାବ୍, କ୍ଲିନିକ୍ କିମ୍ବା ନର୍ସିଂହୋମକୁ ଯାଆନ୍ତି, ତେବେ ତାଙ୍କୁ ଫେରାଇ ଦିଆଯାଇ ପାରିବ ନାହିଁ ଏବଂ ମାଗଣାରେ ଅସ୍ତ୍ରୋପଚାର, ପରୀକ୍ଷା ଓ ଅନ୍ୟାନ୍ୟ ସୁବିଧା ଯୋଗାଇ ଦିଆଯିବ।

ଦୁଷ୍କର୍ମ ପୀଡ଼ିତାଙ୍କ ମାମଲାର ଶୁଣାଣି କରି ଅଦାଲତ କହିଛନ୍ତି ଯେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଗାଇଡଲାଇନ ଏବଂ ଭାରତୀୟ ନାଗରିକ ପ୍ରତିରକ୍ଷା କୋଡ୍ -୨୦୨୩ (ବିଏନଏସଏସ)ରେ ଥିବା ବ୍ୟବସ୍ଥା ସତ୍ତ୍ୱେ ଯୌନ ନିର୍ଯାତନାର ପୀଡ଼ିତାମାନେ ମାଗଣା ଚିକିତ୍ସା ପାଇବାରେ ଅସୁବିଧାର ସମ୍ମୁଖୀନ ହେଉଛନ୍ତି।

କୋର୍ଟ କହିଛନ୍ତି ଯେ କେନ୍ଦ୍ର ଏବଂ ଦିଲ୍ଲୀ ସରକାରଙ୍କ ସହିତ କ୍ଲିନିକ୍ ଏବଂ ନର୍ସିଂହୋମ୍ଗୁଡ଼ିକ ମାଗଣା ଚିକିତ୍ସା ସୁବିଧାର ନିୟମ ପାଳନ କରିବା ଆବଶ୍ୟକ। ଯଦି କେହି ଏହି ବ୍ୟବସ୍ଥାକୁ ଉଲ୍ଲଂଘନ କରନ୍ତି ତେବେ ତାଙ୍କୁ ବ୍ୟକ୍ତି ପିଛା ଜରିମାନା କିମ୍ବା ୧୦ ହଜାର ଟଙ୍କା ଜରିମାନା ଦେବାକୁ ପଡ଼ିବ ବୋଲି କୋର୍ଟ ନିର୍ଦ୍ଦିଷ୍ଟ ଆଦେଶ ଜାରି କରିବାକୁ ନିର୍ଦ୍ଦେଶ ଦେଇଛନ୍ତି।

ଅଧିକ ପଢ଼ନ୍ତୁ: ବିମାନ ଦୁର୍ଘଟଣାଗ୍ରସ୍ତ, ୧୦ ଜଣଙ୍କର ମୃତ୍ୟୁ, ୧୨ ଆହତ