ସରସୱା (ସାହାରନପୁର): ଦେଶର ଅନେକ ସ୍ଥାନରେ ରେଳ ଓଲଟିବା ଏବଂ ଦୁର୍ଘଟଣା ପାଇଁ ଷଡ଼ଯନ୍ତ୍ର ଘଟଣାରେ ସାହାରାନପୁରର ନାମ ମଧ୍ୟ ଯୋଡ଼ି ହୋଇଛି। ସରସୱା ଥାନା ଅଞ୍ଚଳର ଶାହାଜାହାନପୁର ରେଳ କ୍ରସିଂ ନିକଟରେ ରେଳ ଧାରଣାରେ ତ୍ରୁଟି ହୋଇଥିବା ଘଟଣା ସାମ୍ନାକୁ ଆସିଛି। ରେଳଧାରଣାର ଅପଲାଇନରେ ୩ଟି ପାଣ୍ଡରୋଲ କ୍ଲିପ୍ ଲାଗିଥିବା ଦେଖିବାକୁ ମିଳିଥିଲା। ଯଦି କୌଣସି ଟ୍ରେନ୍ ଏହି ଟ୍ରାକ୍ ଦେଇ ଗତି କରିଥାନ୍ତା ତେବେ ବଡ଼ଧରଣର ଦୁର୍ଘଟଣା ଘଟିଥାନ୍ତା। ଘଟଣା ସମ୍ପର୍କରେ ସୂଚନା ମିଳିବା ମାତ୍ରେ ଆରପିଏଫ ଘଟଣାର ତଦନ୍ତ କରୁଛି।

ଗୁରୁବାର ସନ୍ଧ୍ୟାରେ ରେଳ କର୍ମଚାରୀମାନେ ସେମାନଙ୍କର ନିୟମିତ ଯାଞ୍ଚ କରୁଥିଲେ। ସରସୱା ଥାନା ଅନ୍ତର୍ଗତ ଶାହାଜାହାନପୁର ଗ୍ରାମରେ ଷ୍ଟେସନ ଅଞ୍ଚଳର ୧୯୯ ନମ୍ବର ପିଲର ନିକଟରେ ଥିବା ରେଳଧାରଣା ଉପରେ ୩ଟି ପାଣ୍ଡରୋଲ କ୍ଲିପ୍ ଖୋଲାଯାଇ ଟ୍ରାକ୍‌ରେ ରଖାଯାଇଥିଲା। ଟ୍ରାକ୍‌ରେ ଥିବା ପାଣ୍ଡରୋଲ କ୍ଲିପ୍ ଦେଖି ରେଳ କର୍ମଚାରୀମାନେ ଘଟଣାକୁ ଗମ୍ଭୀର ବୋଲି ବୁଝିବାକୁ ଅଧିକ ସମୟ ଲାଗିନଥିଲା।

ଏହି ସମୟରେ ଆସୁଥିବା ଏକ ମାଲବାହୀ ଟ୍ରେନକୁ ମଧ୍ୟ ଅଟକାଇ ରେଳ କର୍ମଚାରୀମାନେ ସଙ୍ଗେ ସଙ୍ଗେ ସରସୱା ରେଳ ଷ୍ଟେସନକୁ ଖବର ଦେଇଥିଲେ। ଖବର ପାଇ ଆରପିଏଫ୍ ଓ ଇଞ୍ଜିନିୟରିଂ ବିଭାଗର ଟିମ୍ ଘଟଣାସ୍ଥଳରେ ପହଞ୍ଚି ପାଣ୍ଡରୋଲ କ୍ଲିପ୍‌କୁ ଜବତ କରି ତଦନ୍ତ ଆରମ୍ଭ କରିଛି।

ପାଣ୍ଡ୍ରୋଲ କ୍ଲିପ୍ କୁ ଟ୍ରାକ୍‌ରେ ରଖିବା ଘଟଣା ଉଦ୍ଦେଶ୍ୟମୂଳକ ନା କେହି ଟ୍ରାକ୍‌ରେ ତ୍ରୁଟି କରିଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏ ସଂକ୍ରାନ୍ତରେ ଅମ୍ବାଲା ଡିଭିଜନ ଡିଆରଏମ ମନଦୀପ ସିଂହ କହିଛନ୍ତି ଯେ ସରସୱା ଷ୍ଟେସନର ଶାହାଜାହାନପୁର ଫାଟକ ନିକଟରେ ଥିବା ଟ୍ରାକ୍‌ରୁ ଚାବି ବିଷୟରେ ସୂଚନା ମିଳିବା ପରେ ଟିମ୍କୁ ଘଟଣାସ୍ଥଳକୁ ପଠାଯାଇଛି। 

ଏହି ମାମଲାରେ ଆରପିଏଫ ଅଜ୍ଞାତ ବ୍ୟକ୍ତିଙ୍କ ବିରୋଧରେ ଏଫଆଇଆର ରୁଜୁ କରିବାକୁ ପ୍ରସ୍ତୁତି ଚଳାଇଛି। ଆରପିଏଫ ଷ୍ଟେସନ ପ୍ରଭାରୀ ମୋହିତ ତ୍ୟାଗୀ କହିଛନ୍ତି ଯେ ପାଣ୍ଡରୋଲ କ୍ଲିପ୍ ଜବତ କରାଯାଇଛି। ଘଟଣାର ତଦନ୍ତ ଚାଲିଛି। ଅନ୍ୟପକ୍ଷରେ ବିଳମ୍ବିତ ରାତିରେ ଶାହାଜାହାନପୁର ଫାଣ୍ଡି ଅଧିକାରୀ ଲଳିତ ଚୌହାନ ମଧ୍ୟ ପୁଲିସ ଫୋର୍ସ ସହ ଘଟଣାସ୍ଥଳରେ ପହଞ୍ଚି ଘଟଣା ସମ୍ପର୍କରେ ସୂଚନା ନେଇଥିଲେ।