ବାରାଣସୀ: ଆଲୋକର ପର୍ବ କାର୍ତ୍ତିକ ପୂର୍ଣ୍ଣିମା କାଶୀରେ ଖୁବ ଧୁମଧାମରେ ପାଳନ କରାଯାଏ। ଗତ ୪ ଦଶନ୍ଧି ମଧ୍ୟରେ ଏହି ପରମ୍ପରା ଏକ ଲୋକପର୍ବ ଓ ପର୍ବର ରୂପ ନେଇ ବର୍ଷକୁ ବର୍ଷ ବୃଦ୍ଧି ପାଇବାରେ ଲାଗିଛି। ଏଥର ଦେବ ଦୀପାବଳିରେ ବାରଣାସୀରେ ମୋଟ ୨୧ ଲକ୍ଷ ଦୀପ ପ୍ରଜ୍ୱଳନ କରାଯିବ। ଏହା ସହିତ ଏହି ମୁହୂର୍ତ୍ତକୁ ଦେଖିବା ପାଇଁ ଦେଶ ବିଦେଶରୁ ଲକ୍ଷ ଲକ୍ଷ ପର୍ଯ୍ୟଟକ ଓ ଶ୍ରଦ୍ଧାଳୁ କାଶୀକୁ ଆସିଛନ୍ତି। ଉପରାଷ୍ଟ୍ରପତି ଜଗଦୀପ ଧନଖଡ଼ ମଧ୍ୟ ଦେବ ଦୀପାବଳିରେ ଉପସ୍ଥିତ ରହି ନମୋ ଘାଟକୁ ଉଦ୍‌ଘାଟନ କରିବେ।  

ବାରାଣସୀ ଡିଭିଜନାଲ କମିଶନର କୌଶଲରାଜ ଶର୍ମା ଏକ ସ୍ୱତନ୍ତ୍ର କଥାବାର୍ତ୍ତାରେ କହିଛନ୍ତି ଯେ ଦେବ ଦୀପାବଳି ଏକ ବିଶ୍ୱ ପ୍ରସିଦ୍ଧ ପର୍ବରେ ପରିଣତ ହୋଇଛି। ୨୦୨୦ରେ ପିଏ ମୋଦୀ ନିଜର ଉପସ୍ଥିତି ଜାହିର କରିବା ପରଠାରୁ ୪ ବର୍ଷ ମଧ୍ୟରେ ଦେବ ଦୀପାବଳି ବହୁଗୁଣିତ ହୋଇଛି। ଏହାର ପରିଣାମ ହେଉଛି ଦେଶୀ ଓ ବିଦେଶୀ ପର୍ଯ୍ୟଟକମାନେ ମାସ ମାସ ଆଗରୁ ଏହି ପର୍ବ ଦେଖିବା ପାଇଁ ବୁକିଂ କରିଥାନ୍ତି। କାଶୀର ଗଙ୍ଗା ଘାଟରେ ଦୀପ ପ୍ରଜ୍ୱଳନ କରାଯାଏ ଏବଂ ଆଲୋକର ନଗରୀ କାଶୀର ଧାରଣାକୁ ଦର୍ଶାଯାଇଥାଏ ।  

ସେ ଆହୁରି ମଧ୍ୟ କହିଛନ୍ତି, ଆଜି ଦେବ ଦୀପାବଳି ଆକର୍ଷଣର କେନ୍ଦ୍ରବିନ୍ଦୁ ହେବ। ଦେବ ଦୀପାବଳି ଦିନ ୮୪ଟି ଘାଟ ତାଲିକାରେ ନମୋ ଘାଟ ମଧ୍ୟ ସାମିଲ ହେବାକୁ ଯାଉଛି। ଉପରାଷ୍ଟ୍ରପତି ଜଗଦୀପ ଧନଖଡ଼ ଏହାକୁ ଉଦ୍‌ଘାଟନ କରିବେ। ଏହାବ୍ୟତୀତ ଉତ୍ତରପ୍ରଦେଶ ରାଜ୍ୟପାଳ ଆନନ୍ଦୀବେନ ପଟେଲ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ପେଟ୍ରୋଲିୟମ ମନ୍ତ୍ରୀ ହରଦୀପ ପୁରୀ ମଧ୍ୟ ଏହି ଅବସରରେ ଉପସ୍ଥିତ ରହିବେ। 

ଅଧିକ ପଢ଼ନ୍ତୁ: ଆଜି ଗୁରୁ ନାନକ ଦେବଙ୍କ ୫୫୫ତମ ଜୟନ୍ତୀ