ଇସଲାମାବାଦ: ଆତଙ୍କବାଦୀ ସଂଗଠନ ‘ଲସ୍କର-ଏ-ତୈବା’ର ସହପ୍ରତିଷ୍ଠାତା ଆମିର ହମଜାଙ୍କୁ ହଠାତ୍ ହସ୍ପିଟାଲରେ ଭର୍ତ୍ତି କରାଯିବା ପରେ ଅନେକ କଳ୍ପନାଜଳ୍ପନା ସୃଷ୍ଟି ହୋଇଛି। ରିପୋର୍ଟ ଅନୁଯାୟୀ ୬୬ ବର୍ଷୀୟ ହମଜା ତାଙ୍କ ଘରେ ଗୁରୁତର ଆହତ ହୋଇଛି। ତାକୁ ଆଇଏସଆଇ ସୁରକ୍ଷାରେ ଲାହୋରର ଏକ ସାମରିକ ହସ୍ପିଟାଲରେ ଭର୍ତ୍ତି କରାଯାଇଛି, ଯେଉଁଠାରେ ତାର ଅବସ୍ଥା ଗୁରୁତର ଥିବା କୁହାଯାଉଛି। ତିନି ଦିନ ପୂର୍ବରୁ ଲସ୍କର-ଏ-ତୈବାର ଜଣେ ହାଇପ୍ରୋଫାଇଲ୍ କାର୍ଯ୍ୟକର୍ତ୍ତା ଏବଂ ଆତଙ୍କବାଦୀଙ୍କୁ ନିଯୁକ୍ତି ଦେବା ପାଇଁ ଦାୟୀ ଅବୁ ସୈଫୁଲ୍ଲାଙ୍କୁ ପାକିସ୍ତାନରେ ଅଜ୍ଞାତ ବନ୍ଧୁକଧାରୀମାନେ ଗୁଳି କରି ହତ୍ୟା କରିଥିଲେ।

ଲସ୍କର ସମର୍ଥକ ଟେଲିଗ୍ରାମ ଚ୍ୟାନେଲଗୁଡ଼ିକରେ ମଙ୍ଗଳବାର ସନ୍ଧ୍ୟାରେ ଆତଙ୍କ ସ୍ପଷ୍ଟ ଭାବରେ ଦେଖାଯାଉଥିଲା। ସଙ୍କଟ ସମୟରେ ସଦସ୍ୟମାନଙ୍କୁ ଦୃଢ଼ ରହିବାକୁ କୁହାଯାଇଥିଲା ଏବଂ ଏହା ଏକ ଦୁର୍ଘଟଣା ଥିଲା ବୋଲି ଗୁରୁତ୍ୱାରୋପ କରାଯାଇଥିଲା। ପାକିସ୍ତାନର ପଞ୍ଜାବ ପ୍ରଦେଶର ଗୁଜରାନୱାଲା ସହରର ବାସିନ୍ଦା ଆମିର ହମଜାଙ୍କ ଉପରେ ଲସ୍କରର ପତ୍ରିକା ସମ୍ପାଦନା କରିବାର ଦାୟିତ୍ୱ ଅଛି। ଅଗଷ୍ଟ ୨୦୧୨ରେ ଆମେରିକା ଦ୍ୱାରା ହମଜାକୁ ବିଶ୍ୱ ଆତଙ୍କବାଦୀ ଘୋଷଣା କରାଯାଇଥିଲା।

ହମଜା ଲସ୍କର ମୁଖ୍ୟ ହାଫିଜ୍ ସଇଦ ଏବଂ ଶୀର୍ଷ କମାଣ୍ଡର ଅବଦୁଲ ରେହମାନ ମକ୍କିଙ୍କ ନିକଟତର ଥିଲା, ଯାହାକୁ ଜାତିସଂଘ ଆତଙ୍କବାଦୀ ଘୋଷଣା କରିଛି। ଆତଙ୍କବାଦୀ ସଂଗଠନର କେନ୍ଦ୍ରୀୟ କମିଟିରେ ହମଜାର ନାମ ଦିଆଯାଇଥିଲା। ଲସ୍କରର ପ୍ରଚାର ପରିଚାଳନା କରିବା ପୂର୍ବରୁ ହମଜା ଜଣେ ସକ୍ରିୟ ଆତଙ୍କବାଦୀ ଥିଲା। ସେ ୨୦୦୦ ଦଶକର ପ୍ରାରମ୍ଭରେ ଭାରତରେ ସକ୍ରିୟ ଥିଲେ। ୨୦୦୫ ମସିହାରେ ବେଙ୍ଗାଲୁରୁର ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ସାଇନ୍ସ ଉପରେ ଆକ୍ରମଣର ଷଡଯନ୍ତ୍ରରେ ହମଜା ଏବଂ ସୈଫୁଲ୍ଲା ସାମିଲ ଥିଲା।

ଅଧିକ ପଢ଼ନ୍ତୁ: ୧୦୦ରୁ ଅଧିକ ହତ୍ୟାକାଣ୍ଡରେ ଜଡିତ ସିରିଆଲ କିଲର ଡାକ୍ତର