ପାଟନା: ବିହାର ରାଜଧାନୀ ପାଟନାର ପାରସା ବଜାର ଥାନା ଅଞ୍ଚଳର ପାଟନା-ଗୟା ଚାରିଥାକିଆ ରାସ୍ତାର ସୁଇଥାରେ ବୁଧବାର ରାତି ପ୍ରାୟ ୧୨ଟା ସମୟରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଦ୍ରୁତଗାମୀ ଟ୍ରକ୍‌ ଧକ୍କା ଦେବାରୁ ଏକ କାରରେ ଯାତ୍ରା କରୁଥିବା ପାଞ୍ଚ ଜଣଙ୍କର ମୃତ୍ୟୁ ହୋଇଛି।

ପୋଲିସର ସୂଚନା ଅନୁଯାୟୀ, ପାଟନା ଅଭିମୁଖେ ଯାଉଥିବା ଏକ କାର ନିୟନ୍ତ୍ରଣ ହରାଇ ପଛରୁ ଆସୁଥିବା ଏକ ଟ୍ରକକୁ ଧକ୍କା ଦେଇଥିଲା। ଧକ୍କା ଏତେ ଜୋରଦାର ଥିଲା ଯେ କାରରେ ଥିବା ସମସ୍ତ ପାଞ୍ଚ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ମୃତକମାନେ ପାଟନାର କୁର୍ଜିର ବାସିନ୍ଦା ବୋଲି ଚିହ୍ନଟ କରାଯାଇଛି। ସେମାନଙ୍କର ବୟସ ୨୦ ରୁ ୨୫ ବର୍ଷ ମଧ୍ୟରେ ହେବ। 

ଘଟଣାର ସୂଚନା ପାଇବା ମାତ୍ରେ ପାରସା ବଜାର ପୋଲିସ ଘଟଣାସ୍ଥଳରେ ପହଞ୍ଚିଥିଲା। କାରଟି ଗୁରୁତର ଭାବରେ କ୍ଷତିଗ୍ରସ୍ତ ହୋଇଥିବାରୁ ପୋଲିସକୁ ମୃତଦେହ ବାହାର କରିବାକୁ ଗ୍ୟାସ କଟର ବ୍ୟବହାର କରିବାକୁ ପଡିଥିଲା। ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଛି ଏବଂ ଘଟଣା ପରେ ଫେରାର୍ ଥିବା ଟ୍ରକ ଡ୍ରାଇଭରକୁ ଖୋଜୁଛି।

ଅଧିକ ପଢ଼ନ୍ତୁ: ପାକିସ୍ତାନୀ କ୍ରିକେଟରଙ୍କ ବିରୁଦ୍ଧରେ ଦୁଷ୍କର୍ମ ଅଭିଯୋଗ