ଜେରୁସେଲମ: ଇସ୍ରାଏଲ ହିଜବୁଲ୍ଲା ଉପରେ ବିପର୍ଯ୍ୟୟ ସୃଷ୍ଟି କରୁଛି। ହେଜବୁଲ୍ଲାର ମୁଖ୍ୟ ହାସନ ନସରଲ୍ଲାହଙ୍କୁ ହଟାଇବା ପରେ ଇସ୍ରାଏଲ ମଧ୍ୟ ତାଙ୍କ ସମ୍ଭାବ୍ୟ ଉତ୍ତରାଧିକାରୀ ହାସେମ ସୈଫୁଦ୍ଦିନଙ୍କ ମୃତ୍ୟୁକୁ ନିଶ୍ଚିତ କରିଛି। ଇସ୍ରାଏଲ ସେନା କହିଛି ଯେ ତିନି ସପ୍ତାହ ତଳେ ବୈରୁତରେ ହୋଇଥିବା ଏୟାର ଷ୍ଟ୍ରାଇକରେ ସୈଫୁଦ୍ଦିନ ନିହତ ହୋଇଥିଲା। କିନ୍ତୁ ଇସ୍ରାଏଲର ଏହି ବୟାନ ଉପରେ ହିଜବୁଲ୍ଲା ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହିଁ। 

ନସରଲ୍ଲାଙ୍କ ସମ୍ପର୍କୀୟ ସଫିଦ୍ଦିନଙ୍କୁ ହିଜବୁଲ୍ଲାର ଜିହାଦ କାଉନସିଲ ନିଯୁକ୍ତ କରିଥିଲା। ସେ ହିଜବୁଲ୍ଲାର ଆର୍ଥିକ ଓ ପ୍ରଶାସନିକ ବ୍ୟାପାର ତଦାରଖ କରୁଥିଲେ। ତାଙ୍କୁ ନସରଲ୍ଲାଙ୍କ ଉତ୍ତରାଧିକାରୀ ଭାବେ ଦେଖିବାକୁ ମିଳିଥିଲା। ଏହା ହୋ‍ଇଯାଇଛି। ତେବେ ସେହି ସମୟରେ ତାଙ୍କ ନାମ ପ୍ରକାଶ ପାଇନଥିଲା। 

ଇସ୍ରାଏଲ ପ୍ରତିରକ୍ଷା ମନ୍ତ୍ରୀ ୟୋଆଭ ଗାଲାଣ୍ଟ କହିଛନ୍ତି ଯେ ନିହତ ହିଜବୁଲ୍ଲା ମୁଖ୍ୟ ହାସନ ନସରଲ୍ଲାଙ୍କ ସମ୍ଭାବ୍ୟ ଉତ୍ତରାଧିକାରୀ ହାସେମ୍ ସଫିଦ୍ଦିନଙ୍କୁ ସମ୍ଭବତଃ ହତ୍ୟା କରାଯାଇଛି। ମଧ୍ୟପ୍ରାଚ୍ୟରେ ଉତ୍ତେଜନା ଦ୍ରୁତ ଗତିରେ ବୃଦ୍ଧି ପାଉଛି। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ଆକ୍ରମଣ ଇସ୍ରାଏଲ ଏବଂ ଲେବାନନ ମଧ୍ୟରେ ଚାଲିଥିବା ଉତ୍ତେଜନାକୁ ଆହୁରି ଗଭୀର କରିପାରେ କାରଣ ଦକ୍ଷିଣ ଲେବାନନରେ ଇସ୍ରାଏଲ ଆକ୍ରମଣ ଯୋଗୁଁ ପରିସ୍ଥିତି ପୂର୍ବରୁ ଗମ୍ଭୀର ରହିଛି।

ଇସ୍ରାଏଲ ପ୍ରତିରକ୍ଷା ବାହିନୀ (ଆଇଡିଏଫ) ଦାବି କରିଛି ଯେ ଦକ୍ଷିଣ ଲେବାନନରେ ଚାଲିଥିବା ସ୍ଥଳଅପରେସନରେ ବର୍ତ୍ତମାନ ସୁଦ୍ଧା ୪୦୦ରୁ ଅଧିକ ହିଜବୁଲ୍ଲା ଆତଙ୍କବାଦୀ ନିହତ ହୋଇଛନ୍ତି। ଏହି ଅପରେଟିଭ୍ମାନଙ୍କ ମଧ୍ୟରେ ଅନେକ ଆଞ୍ଚଳିକ କମାଣ୍ଡର ମଧ୍ୟ ଅଛନ୍ତି।

ଅଧିକ ପଢ଼ନ୍ତୁ: ଆମେରିକାର ଅଭିଯୋଗକୁ ଭାରତ ବିରୋଧରେ ଷଡ଼ଯନ୍ତ୍ର କହିଲେ ଓକିଲ