ନୂଆଦିଲ୍ଲୀ: ପ୍ରାୟ ୧୭୦୦ ପାଇଲଟଙ୍କ ସିମୁଲେଟର ତାଲିମରେ ତ୍ରୁଟି ପାଇଁ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଇଣ୍ଡିଗୋକୁ କାରଣ ଦର୍ଶାଅ ନୋଟିସ ଜାରି କରିଛି। ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ ସିମୁଲେଟର ତାଲିମରେ ଶିକ୍ଷା ଏବଂ ଦକ୍ଷତା ବିକାଶ ପାଇଁ କମ୍ପ୍ୟୁଟର ସାହାଯ୍ୟରେ ବାସ୍ତବ-ବିଶ୍ୱ ପରିସ୍ଥିତି ଏବଂ କାର୍ଯ୍ୟ ପରି ଏକ ପରିବେଶ ଅନଲାଇନରେ ସୃଷ୍ଟି କରାଯାଏ। ମଙ୍ଗଳବାର ସୂତ୍ର ଅନୁଯାୟୀ, ଗତ ମାସରେ ଏୟାରଲାଇନ୍ସରୁ ମିଳିଥିବା ରେକର୍ଡ ଏବଂ ଉତ୍ତର ଯାଞ୍ଚ କରିବା ପରେ କାରଣ ଦର୍ଶାଅ ନୋଟିସ ଜାରି କରାଯାଇଥିଲା।

ଇଣ୍ଡିଗୋ ପକ୍ଷରୁ ତୁରନ୍ତ କୌଣସି ମନ୍ତବ୍ୟ ଦିଆଯାଇ ନାହିଁ। ଡିଜିସିଏ ଜାଣିବାକୁ ପାଇଛି ଯେ, ପ୍ରାୟ ୧୭୦୦ ପାଇଲଟଙ୍କ ପାଇଁ ବର୍ଗ ‘ସି’ କିମ୍ବା ଗୁରୁତ୍ୱପୂର୍ଣ୍ଣ ଏୟାରସ୍ପେସ୍ ତାଲିମ ଅଯୋଗ୍ୟ ସିମୁଲେଟର ସହିତ କରାଯାଇଥିଲା। ଏଥିରେ ପାଇଲଟ୍ ଇନ୍ କମାଣ୍ଡ ଏବଂ ପ୍ରଥମ ଅଧିକାରୀଙ୍କ ତାଲିମ ଅନ୍ତର୍ଭୁକ୍ତ। ନିୟାମକ ଜାଣିପାରିଲା ଯେ ପ୍ରାୟ ୧୭୦୦ ପାଇଲଟ୍ ଯେଉଁ ସିମୁଲେଟରରେ ତାଲିମ ନେଇଥିଲେ ସେଗୁଡ଼ିକ କାଲିକଟ, ଲେହ ଏବଂ କାଠମାଣ୍ଡୁ ଭଳି କିଛି ବିମାନବନ୍ଦରରେ କାର୍ଯ୍ୟ କରିବାକୁ ଯୋଗ୍ୟ ନୁହେଁ।

ଏୟାର ଇଣ୍ଡିଆ ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିବା ଲୋକଙ୍କ ପରିବାର ମଙ୍ଗଳବାର ଅହମ୍ମଦାବାଦର ମେଘାନୀନଗର ଅଞ୍ଚଳରେ ଦୁର୍ଘଟଣା ସ୍ଥଳରେ ମହମବତୀ ଜଳାଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହି ବିମାନ ଦୁର୍ଘଟଣାର ଦୁଇ ମାସ ପୂରଣ ହେବା ପରେ ଏହି ଶ୍ରଦ୍ଧାଞ୍ଜଳି ସଭା ଆୟୋଜନ କରାଯାଇଥିଲା। ଆମେରିକାର ବିମାନ ଚଳାଚଳ ଓକିଲ ମାଇକ୍ ଆଣ୍ଡ୍ରୁଜ୍ ମଧ୍ୟ ଏଥିରେ ଅଂଶଗ୍ରହଣ କରିଥିଲେ। ସେ ମୃତକଙ୍କ ସମ୍ପର୍କୀୟଙ୍କୁ ଭେଟିବା ପାଇଁ ଗୁଜରାଟ ଆସିଛନ୍ତି। ତାଙ୍କର ମିଡିଆ ସଂଯୋଜକ କୁଲଦୀପ ଇସରାନି କହିଛନ୍ତି ଯେ ଆଣ୍ଡ୍ରୁଜ୍ ଏବଂ ବିମାନ ଦୁର୍ଘଟଣାର ଶିକାର ହୋଇଥିବା ପରିବାରର ୨୦ରୁ ୨୫ ଜଣ ସଦସ୍ୟ ପୀଡିତଙ୍କ ସ୍ମୃତିରେ ମହମବତୀ ଜାଳି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

ଅଧିକ ପଢ଼ନ୍ତୁ: ଓକିଲଙ୍କୁ ସମନ କରିବା ନେଇ ସୁପ୍ରିମକୋର୍ଟଙ୍କ କଡ଼ା ମନ୍ତବ୍ୟ