ପୁଣେ/ରତ୍ନଗିରି: ମହାରାଷ୍ଟ୍ରର ରତ୍ନଗିରି ଜିଲ୍ଲାରେ କିଛି ଦିନ ପୂର୍ବରୁ ଜଣେ ନର୍ସିଂ ଛାତ୍ରୀଙ୍କୁ ନିର୍ମମ ଭାବେ ମାଡ଼ ମାରିବା ଘଟଣାକୁ ନେଇ ଉତ୍ତେଜନା ଥମି ନାହିଁ। ରତ୍ନଗିରିରେ ଜଣେ ଅଟୋ ଚାଳକ ଜଣେ ନର୍ସିଂ ଛାତ୍ରୀଙ୍କୁ ଦୁଷ୍କର୍ମ କରି ରାସ୍ତାରେ ଫିଙ୍ଗି ଦେଇଛି। ଅଚେତ ଛାତ୍ରୀଙ୍କୁ ପୁଲିସ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି। ପୁଲିସ ମେଡିକାଲ ରିପୋର୍ଟକୁ ଅପେକ୍ଷା କରିଛି। ଏ ନେଇ ପୀଡ଼ିତା ଛାତ୍ରୀଙ୍କ ଅଭିଭାବକ ଥାନାରେ ଅଭିଯୋଗ କରିଥିବା ବେଳେ ଏହି ଘଟଣା ସାମ୍ନାକୁ ଆସିବା ପରେ ରତ୍ନଗିରିରେ ଉତ୍ତେଜନା ପ୍ରକାଶ ପାଇଛି। 

ଅଭିଯୋଗ ଅନୁଯାୟୀ, ଛାତ୍ରୀ ଜଣକ ଘରକୁ ଯିବା ପାଇଁ ଏକ ଅଟୋ ରିକ୍ସାରେ ଚଢ଼ିଥିଲେ। ଅଧବାଟରେ ଅଟୋ ଚାଳକ ତାଙ୍କୁ ନିଶାଦ୍ରବ୍ୟ ମିଶାଇ ପାଣି ଦେଇଥିଲା। ଏହାପରେ ତାଙ୍କୁ ଏକ ନିଛାଟିଆ ସ୍ଥାନକୁ ନେଇ ଦୁଷ୍କର୍ମ କରି ଘଟଣାସ୍ଥଳରୁ ଫେରାର ହୋଇଯାଇଥିଲା। ଅଗଷ୍ଟ ୨୬ ତାରିଖ ରାତିରେ ପୀଡ଼ିତାଙ୍କ ପିତାମାତା ଥାନାରେ ଅଭିଯୋଗ କରିବା ପରେ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଅଟୋର ସିସିଟିଭି ଫୁଟେଜ୍ ଆଧାରରେ ପୁଲିସ ଅଭିଯୁକ୍ତଙ୍କୁ ଖୋଜୁଥିବା ବେଳେ ପୀଡ଼ିତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। 

କୋଲକାତା ଘଟଣାକୁ ନେଇ ସାରା ଦେଶରେ ପ୍ରତିବାଦ ଚାଲିଥିବା ବେଳେ ମହାରାଷ୍ଟ୍ରର ବଦଲାପୁର ଘଟଣା ରାଜ୍ୟ ସରକାରଙ୍କୁ ବିରୋଧୀଙ୍କ ଟାର୍ଗେଟରେ ଟାର୍ଗେଟ କରିସାରିଛି । ଏବେ ରତ୍ନଗିରି ଘଟଣା ମହିଳା ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି। 

ଅଧିକ ପଢ଼ନ୍ତୁ: ଦୁର୍ଗରେ ପରିଣତ ହେଲା କୋଲକାତା