ନୂଆଦିଲ୍ଲୀ: ବୈଷୟିକ ଜ୍ଞାନ କୌଶଳରେ ସର୍ବଦା ଗୋଟିଏ ପାଦ ଆଗରେ ରହୁଥିବା ଚାଇନା ପୁଣି ଚର୍ଚ୍ଚାକୁ ଆସିଛି । ଏଣିକି ଚାଇନାରେ କାରରେ ଉଡ଼ି ଉଡ଼ି ଯିବେ ଲୋକେ । ଫ୍ଲାଇଂ ଟ୍ୟାକ୍ସି ବା ଉଡ଼ନ୍ତା କାର ବ୍ୟବସାୟିକ ପ୍ରତିଷ୍ଠାନରେ ବ୍ୟବହାର ପାଇଁ ଚୀନ ଅନୁମତି ପ୍ରଦାନ କରିଛି । ଚୀର ବେସାମରିକ ଅନୁଷ୍ଠାନ ଏହାକୁ ଅନୁମୋଦନ ଦେଇଛି । 

ସାଉଥ୍ ଚାଇନା ମୋନିଂ ପୋଷ୍ଟର ରିପୋର୍ଟ ଅନୁସାରେ, ଚୀନ ସିଭିଲ୍ ଏଭିଏଶନ୍ ଏଡମିନିଷ୍ଟ୍ରେସନ୍ ହୋଲଡିଂ ଏବଂ ହେଫୈଇ ନାମକ ଦୁଇ ଏୟାର ଲାଇନ୍ସ କମ୍ପାନୀକୁ ଫ୍ଳାଇଂ ଟ୍ୟାକ୍ସି ବା ଏୟାର ଟ୍ୟାକ୍ସିକୁ ଅନୁମତି ପ୍ରଦାନ କରିଛି । ବ୍ୟବସାୟିକ ଉଡ଼ାଣ ପାଇଁ ଅନୁମତି ମିଳିଛି । 

ଫ୍ଲାଇଂ ଟ୍ୟାକ୍ସିକୁ ବିଶେଷ ଭାବରେ ନିର୍ମାଣ କରାଯାଇଛି । ଏଥିରେ ଦୁଇ ଜଣ ମାତ୍ର ବସି ପାରିବେ । ଏଥିରେ କେହି ପାଇଲଟ୍ ରହିବେ ନାହିଁ । ରାସ୍ତା ପାର ହେବା, ନଦୀ ଉପରେ ବୁଲିବା, ପର୍ଯ୍ୟଟନ ସ୍ଥଳୀ ବୁଲିବା ଏବଂ ସହର ବୁଲିବାକୁ ସହଜ ହୋଇଯିବ । ବିଶେଷ କରି ଟ୍ରାଫିକ୍ ସମସ୍ୟା ଦୂର କରିବାରେ ଏହି ବିଶେଷ ସାହାୟକ ହେବ । ଯେଉଁମାନେ ଟ୍ରାଫିକରେ ଫସି ରହୁଛନ୍ତି, ସେମାନେ ମାତ୍ର କିଛି ସମୟ ମଧ୍ୟରେ ସମୟ ପୂର୍ବରୁ ଗନ୍ତବ୍ୟ ସ୍ଥଳରେ ପହଁଚି ପାରିବେ । ଏଭଳି ଟ୍ୟାକ୍ସି ନିର୍ମାଣ କରିବାରେ ଚାଇନା ବିଶ୍ୱରେ ପ୍ରଥମ ଦେଶ ହୋଇଛି ।