ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗାଜା ପାଇଁ ଗଠିତ ‘ଶାନ୍ତି ବୋର୍ଡ’ର ଅଂଶ ହେବାକୁ ଭାରତକୁ ନିମନ୍ତ୍ରଣ କରିଛନ୍ତି। ଇସ୍ରାଏଲ ଏବଂ ହମାସ ମଧ୍ୟରେ ଆମେରିକା ମଧ୍ୟସ୍ଥତାରେ ହୋଇଥିବା ଅସ୍ତ୍ରବିରତି ଚୁକ୍ତିନାମାର ଦ୍ୱିତୀୟ ପର୍ଯ୍ୟାୟର ଏକ ପ୍ରମୁଖ ଅଂଶ ହେଉଛି ଶାନ୍ତି ବୋର୍ଡ। ବୋର୍ଡର ଦାୟିତ୍ୱ ଗାଜାରେ ପୁନଃନିର୍ମାଣ, ଶାସନ, ନିବେଶ ଏବଂ ପୁଞ୍ଜି ସଂଗ୍ରହ ତଦାରଖ କରିବା।

ଏକ ରିପୋର୍ଟ ଅନୁଯାୟୀ ବୋର୍ଡର ଅଧ୍ୟକ୍ଷତା ନିଜେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରିବେ। ପ୍ରାରମ୍ଭରେ ସଂଗଠନ ଗାଜା ବିବାଦ ଉପରେ ଧ୍ୟାନ ଦେବ। କିନ୍ତୁ ପରେ ଅନ୍ୟ ବିଶ୍ୱ ବିବାଦର ସମାଧାନ ପାଇଁ ବିସ୍ତାର କରିବ। ଏହି ସୂଚନା ଏକ ଆମେରିକାର ଚିଠି ଏବଂ ଡ୍ରାଫ୍ଟ ଚାର୍ଟରକୁ ଉଦ୍ଧୃତ କରି ପ୍ରଦାନ କରାଯାଇଛି। ଯଦି ଭାରତ ଏହି ନିମନ୍ତ୍ରଣ ଗ୍ରହଣ କରେ, ଏହା ଅନ୍ୟ ସଦସ୍ୟ ଦେଶମାନଙ୍କ ପରି ତିନି ବର୍ଷ ପାଇଁ ବୋର୍ଡରେ ଯୋଗଦେବ।

ଯଦି କୌଣସି ଦେଶ ତିନି ବର୍ଷରୁ ଅଧିକ ସମୟ ପାଇଁ ବୋର୍ଡରେ ସଦସ୍ୟତା ଜାରି ରଖିବାକୁ ଚାହେଁ, ତେବେ ତାକୁ ୧ ବିଲିୟନ ଡଲାର ଦେବାକୁ ପଡିବ। ବଦଳରେ ସେହି ଦେଶ ବୋର୍ଡରେ ସ୍ଥାୟୀ ସଦସ୍ୟତା ପାଇବ। ଏହି ରାଶି ବୋର୍ଡର କାର୍ଯ୍ୟକଳାପ ଏବଂ କାର୍ଯ୍ୟ ପାଇଁ ପାଣ୍ଠି ଯୋଗାଇବା ପାଇଁ ବ୍ୟବହୃତ ହେବ। ବର୍ତ୍ତମାନ ପ୍ରାରମ୍ଭିକ ତିନି ବର୍ଷର ସଦସ୍ୟତା ପାଇଁ କୌଣସି ଆର୍ଥିକ ଅବଦାନ ଆବଶ୍ୟକ ହେବ ନାହିଁ।

ଏପି ରିପୋର୍ଟ ଅନୁଯାୟୀ, ଟ୍ରମ୍ପଙ୍କ ଅସ୍ତ୍ରବିରତି ପ୍ରସ୍ତାବର ଦ୍ୱିତୀୟ ପର୍ଯ୍ୟାୟ ଅଧୀନରେ ବୋର୍ଡ ସଦସ୍ୟ ଦେଶଗୁଡ଼ିକ ଗାଜାରେ ପରବର୍ତ୍ତୀ ପଦକ୍ଷେପଗୁଡ଼ିକ ତଦାରଖ କରିବେ। ଏହି ପର୍ଯ୍ୟାୟରେ ଅନ୍ତର୍ଭୁକ୍ତ:

• ଗାଜାରେ ଏକ ନୂତନ ପାଲେଷ୍ଟାଇନୀ କମିଟି ଗଠନ
• ଏକ ଅନ୍ତର୍ଜାତୀୟ ସୁରକ୍ଷା ବାହିନୀର ନିୟୋଜିତ
• ହମାସର ନିରସ୍ତ୍ରୀକରଣ
• ଗାଜାର ପୁନଃନିର୍ମାଣ ଏବଂ ପୁନର୍ବାସ
• 'ପ୍ରତିଷ୍ଠାତା ସଦସ୍ୟ' ଭାବରେ ଅନ୍ତର୍ଭୁକ୍ତ ହେବାକୁ ଥିବା ଦେଶଗୁଡ଼ିକ

ଟ୍ରମ୍ଫ ବିଶ୍ୱ ନେତାମାନଙ୍କୁ ପଠାଯାଇଥିବା ଏକ ଚିଠିରେ କୁହାଯାଇଛି ଯେ ଏହି ବୋର୍ଡରେ ଅନ୍ତର୍ଭୁକ୍ତ ଦେଶଗୁଡ଼ିକ ଏହାର ପ୍ରତିଷ୍ଠାତା ସଦସ୍ୟ ହେବେ ଏବଂ ବିଶ୍ୱ ବିବାଦ ସମାଧାନ ପାଇଁ ଏକ ସାହସିକ ଏବଂ ନୂତନ ପଦ୍ଧତି ଆରମ୍ଭ କରିବେ।ଭାରତୀୟ ବଂଶୋଦ୍ଭବ ଅଜୟ ବାଙ୍ଗା, ବର୍ତ୍ତମାନ ବିଶ୍ୱ ବ୍ୟାଙ୍କର ଅଧ୍ୟକ୍ଷଙ୍କୁ ମଧ୍ୟ 'ଶାନ୍ତି ବୋର୍ଡ'ରେ ସାମିଲ କରାଯାଇଛି। ସେ ରାଷ୍ଟ୍ରପତି ଟ୍ରମ୍ପଙ୍କ ଦ୍ୱାରା ଉପସ୍ଥାପିତ ୨୦-ସୂତ୍ରୀ ରୋଡମ୍ୟାପର କେନ୍ଦ୍ରରେ ଥିବା ଟେକ୍ନୋକ୍ରାଟମାନଙ୍କ ମଧ୍ୟରେ ରହିବେ।

ଭାରତରେ ଅବସ୍ଥାପିତ ଆମେରିକୀୟ ରାଷ୍ଟ୍ରଦୂତ ସର୍ଗିଓ ଗୋର୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପଠାଯାଇଥିବା ଏହି ନିମନ୍ତ୍ରଣ ପତ୍ରକୁ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ସେୟାର କରିଛନ୍ତି। ସେ ଲେଖିଛନ୍ତି, ଶାନ୍ତି ବୋର୍ଡରେ ଅଂଶଗ୍ରହଣ କରିବା ପାଇଁ ରାଷ୍ଟ୍ରପତିଙ୍କ ଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ନିମନ୍ତ୍ରଣ ପ୍ରଦାନ କରି ସମ୍ମାନିତ ହେଉଛି। ଏହି ବୋର୍ଡ ଗାଜାରେ ସ୍ଥାୟୀ ଶାନ୍ତି ଆଣିବା ଏବଂ ସ୍ଥିରତା ଏବଂ ସମୃଦ୍ଧି ପାଇଁ ପ୍ରଭାବଶାଳୀ ଶାସନକୁ ସମର୍ଥନ କରିବା ପାଇଁ କାର୍ଯ୍ୟ କରିବ। 

ଅଧିକ ପଢ଼ନ୍ତୁ: ଦ୍ରୁତଗାମୀ ଟ୍ରେନ୍ ମୁହାଁମୁହିଁ ଧକ୍କା: ୨୧ ଜଣଙ୍କର ମୃତ୍ୟୁ, ଅନେକ ଆହତ