ସିଓଲ: ଦକ୍ଷିଣ କୋରିଆରେ ଏକ ବଡ଼ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏଠାରେ ଅବତରଣ କରୁଥିବା ଏକ ବିମାନ ଦୁର୍ଘଟଣାଗ୍ରସ୍ତର ସାମ୍ନା କରିବାରୁ ରିପୋର୍ଟ ଲେଖାଯିବା ବେଳକୁ ୬୨ ଜଣଙ୍କର ମୃତ୍ୟୁ ଘଟିଛି। ଦକ୍ଷିଣ କୋରିଆ ବିମାନ ଦୁର୍ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ଏଥିରେ ଦେଖିବାକୁ ମିଳୁଛି ଯେ ଅବତରଣ ସମୟରେ ବିମାନଟି ହଠାତ୍ ରନୱେରେ ଖସି ପଡ଼ିଥିଲା ଏବଂ ଏହା ବିସ୍ଫୋରଣ ହୋଇଥିଲା।

ଦକ୍ଷିଣ କୋରିଆର ନ୍ୟୁଜ୍ ଏଜେନ୍ସି ଅନୁଯାୟୀ, ବିମାନରେ ୧୮୧ ଜଣ ଯାତ୍ରୀ ଥିଲେ। ସେମାନଙ୍କ ମଧ୍ୟରୁ ୧୭୫ ଜଣ ଯାତ୍ରୀ ଓ ୬ ଜଣ କ୍ରୁ ମେମ୍ବର ଥିଲେ। ଦକ୍ଷିଣ-ପଶ୍ଚିମ ମୁଆନ୍ ସହରର ବିମାନବନ୍ଦରରେ ଏହି ଦୁର୍ଘଟଣା ଘଟିଛି। ଅବତରଣ ସମୟରେ କୋରିଆ ବିମାନଟି ରନୱେରେ ଖସି ବିମାନବନ୍ଦର ବାଡ଼ରେ ଧକ୍କା ଦେଇଥିଲା।

ଦକ୍ଷିଣ କୋରିଆର ଗଣମାଧ୍ୟମ ୬୨ ଜଣ ଯାତ୍ରୀଙ୍କ ମୃତ୍ୟୁକୁ ନିଶ୍ଚିତ କରିଛି। ରିପୋର୍ଟ ଅନୁଯାୟୀ, ଜେଜୁ ଏୟାରର ବିମାନଟି ଥାଇଲାଣ୍ଡରୁ ଫେରୁଥିବା ବେଳେ ମୁଆନ୍ ଅନ୍ତର୍ଜାତୀୟ ବିମାନବନ୍ଦରରେ ଏହି ଘଟଣା ଘଟିଛି। ଦୁର୍ଘଟଣାର ଭିଡିଓରେ ଦେଖିବାକୁ ମିଳୁଛି ଯେ ଅବତରଣ ସମୟରେ ବିମାନଟି ରନୱେ ଉପରେ ଖସି ପଡ଼ିଥିଲା ଏବଂ ଏଥିରେ ତୀବ୍ର ବିସ୍ଫୋରଣ ହୋଇଥିଲା। ଏହାପରେ ଏହା ଏକ ଅଗ୍ନିଗୋଳରେ ପରିଣତ ହୋଇଥିଲା। 

ବିମାନଟି ଏକ ପକ୍ଷୀଙ୍କ ସଂସ୍ପର୍ଶରେ ଆସିବାରୁ ଏହି ଦୁର୍ଘଟଣା ଘଟିଛି। ପକ୍ଷୀକୁ ଧକ୍କା ଦେବା ପରେ ବିମାନର ଲ୍ୟାଣ୍ଡିଂ ଗିଅର ଖରାପ ହୋଇଯାଇଥିଲା, ଯାହା ଫଳରେ ବିମାନଟି ଅବତରଣ ସମୟରେ ଖସି ଯାଇ ବାଡ଼ରେ ପିଟି ହୋଇଯାଇଥିଲା। 

ଏହା ପୂର୍ବରୁ ଡିସେମ୍ବର ୨୫ରେ କାଜାଖସ୍ତାନର ଅକ୍ଟୋଉ ବିମାନବନ୍ଦର ନିକଟରେ ଆଜରବାଇଜାନୀ ଏୟାରଲାଇନ୍ସର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ଆଜରବାଇଜାନ ଏୟାରଲାଇନ୍ସ ଅନୁଯାୟୀ, ବିମାନରେ ୬୨ ଜଣ ଯାତ୍ରୀ ଏବଂ ୫ ଜଣ କ୍ରୁ ମେମ୍ବର ଥିଲେ। ସେଥିମଧ୍ୟରୁ ମାତ୍ର ୨୮ ଜଣଙ୍କୁ ଜୀବିତ ଉଦ୍ଧାର କରାଯାଇଛି। ରୁଷର ଆକାଶମାର୍ଗରେ ବିମାନ ଦୁର୍ଘଟଣା ପାଇଁ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଆଜରବାଇଜାନ ରାଷ୍ଟ୍ରପତି ଇଲହାମ ଅଲିୟେଭଙ୍କୁ କ୍ଷମା ପ୍ରାର୍ଥନା କରିଛନ୍ତି। 

ଅଧିକ ପଢ଼ନ୍ତୁ: ଦକ୍ଷିଣ କୋରିଆ ବିମାନ ଦୁର୍ଘଟଣାରେ ୨୩ ଯାତ୍ରୀ ମୃତ