ଆଜି ବିଶ୍ୱ ଓଜୋନ ଦିବସ । ପ୍ରତିବର୍ଷ ସେପ୍ଟେମ୍ବର 16 ତାରିଖକୁ ବିଶ୍ୱ ଓଜୋନ ଦିବସ ରୂପେ ପାଳନ କରାଯାଏ । ଓଜୋନକୁ ନେଇ ଏକ ସ୍ୱତନ୍ତ୍ର ଦିବସ ପାଳନ କରିବାର ଉଦ୍ଦେଶ୍ୟ କଣ ? ଏ ପ୍ରଶ୍ନ ଟି ସମସ୍ତଙ୍କ ମନକୁ ନିଶ୍ଚୟ ଆସୁଥିବ । ତେବେ କାହିଁକି ଆଜିର ଦିନକୁ ବିଶ୍ୱ ଓଜୋନ ଦିବସର ମାନ୍ୟତା ଦିଆଯାଇଛି । ଆସନ୍ତୁ ଜାଣିବା ... ଆମେ ସମସ୍ତେ ଜାଣିଛୁ , ପୃଥିବୀ ପାଇଁ ସୂର୍ଯ୍ୟାଲୋକ ହେଉଛି ଏକ ଅବଦାନ । ପ୍ରାଣୀ ହୁଅନ୍ତୁ କି ଉଦ୍ଭିଦ ସମସ୍ତଙ୍କ ପାଇଁ ସୂର୍ଯ୍ୟାଲୋକର ଆବଶ୍ୟକତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସୂର୍ଯ୍ୟାଲୋକରୁ ମାନବ ସମାଜ ଭିଟାମିନ-ଡିର ଆବଶ୍ୟକତାକୁ ପୂରଣ କରିଥାଏ । ସେଇଭଳି ଗଛ ଲତା ମଧ୍ୟ ଫୁଲ-ଫଳ ତିଆରି କରିବା ପାଇଁ ସୂର୍ଯ୍ୟାଲୋକର ଆବଶ୍ୟକ କରିଥାନ୍ତି ।
ଅନ୍ୟ ଅର୍ଥରେ କହିବାକୁ ଗଲେ , ଆମେମାନେ ଯେଉଁ ପନିପରିବା ଖାଉଛୁ, ସେସବୁ ପ୍ରସ୍ତୁତ ପାଇଁ ଉଦ୍ଭିଦ ପ୍ରତେକ୍ଷ ଭାବେ ସୂର୍ଯ୍ୟାଲୋକ ଉପରେ ନିର୍ଭର କରିଥାଏ । କିନ୍ତୁ ଏହି ସୂର୍ଯ୍ୟାଲୋକରେ ରହିଛି ବହୁତ କ୍ଷତିକାରକ ଅତିବାଇଗଣୀ ରଶ୍ମି । ଏହି ହାନିକାରକ ଅତିବାଇଗଣୀ ରଶ୍ମୀକୁ ଅଲଟ୍ରାଭାୟୋଲେଟ୍ ରେଡିଏସନ ବୋଲି କୁହାଯାଏ । ଏହି ଓଜୋନସ୍ତର ଅତିବାଇଗଣୀ ରଶ୍ମିକୁ ଶୋଷିନିଏ । ଯାହା ଫଳରେ ଏହା ପୃଥିବୀ ପୃଷ୍ଠକୁ ଆସେ ନାହିଁ । ଏହି ସ୍ତରରେ ଏକ ନୀଳ ଗ୍ୟାସ ରହିଥାଏ । ଯେତେବେଳେ ଅଲଟ୍ରାଭାଓଲେଟ୍ ରେଡିଏସନ ଓଜୋନ୍ ସ୍ତର ଉପରେ ପଡ଼େ, ସେତେବେଳେ ଏହି ଓଜୋନ୍ ଅଣୁଗୁଡ଼ିକ ଭାଙ୍ଗି ଗୋଟିଏ ଅମ୍ଳଜାନ ଅଣୁ ଏବଂ ଏକ ମୁକ୍ତ ଅମ୍ଳଜାନ ପରମାଣୁ ସୃଷ୍ଟି କରିଥାଏ । ଯାହା O3 ବା ଓଜୋନ ସୃଷ୍ଟି କରନ୍ତି । ସରଳ ଭାଷାରେ କହିବାକୁ ଗଲେ , ଅତିବାଇଗଣି ରଶ୍ମିର ଶକ୍ତି ଏହି ସବୁରେ ନଷ୍ଟ ହୁଏ । ଯଦି ଓଜୋନ ସ୍ତର, ସୂର୍ଯ୍ୟକିରଣରୁ ଆସୁଥିବା ଅତିବାଇଗଣୀ ରଶ୍ମୀକୁ ନଷ୍ଟ ନ କରନ୍ତା, ତେବେ ଏହା ପୃଥିବୀରେ ବସବାସ କରୁଥିବା ପ୍ରତ୍ୟେକ ପ୍ରକାର ଜୀବଙ୍କ ପାଇଁ କ୍ଷତିକାରକ ହୁଅନ୍ତା । ଓଜୋନ ଲେୟାର ଆମ ପାଇଁ ଏକ ସୁରକ୍ଷା କବଚ ଭାବେ କାର୍ଯ୍ୟ କରୁଛି । ତେଣୁ ଏହି ସ୍ତରର ସୁରକ୍ଷା ହେଉଛି ଆମର ଦାୟିତ୍ୱ ।
ଏକ ରିପୋର୍ଟ ଅନୁସାରେ , ମାନବ ସମାଜର କୃତ୍ରିମ ଚଳନି ବିଗତ ଅନେକ ଦଶନ୍ଧି ମଧ୍ୟରେ ବାୟୁମଣ୍ଡଳରେ ଗ୍ରୀନ୍ ହାଉସ୍ ଗ୍ୟାସର ନିର୍ଗମନ ଓଜୋନ୍ ସ୍ତରରେ ବହୁତ କ୍ଷତି ଘଟାଉଛି । ଏହାପୂର୍ବରୁ, କେତେକ ପ୍ରକାରର ପ୍ରଦୂଷକ କାରଣରୁ ନିର୍ଗତ ହେଉଥିବା କ୍ଲୋରାଇନ୍ ଏବଂ ବ୍ରୋମାଇନ୍ ପରି ଗ୍ୟାସ୍ ଏହି ସ୍ତରକୁ ବହୁତ କ୍ଷତି ପହଞ୍ଚାଉଥିଲା, କିନ୍ତୁ ବିଶ୍ୱର ବହୁ ଦେଶ କଡା ନିୟମ ପ୍ରଣୟନ କରି ଏପରି ପଦାର୍ଥର ନିର୍ଗମନକୁ ନିୟନ୍ତ୍ରଣ କରିଥିଲେ । ଯେଉଁ ନିୟମଗୁଡିକୁ ଅବଲମ୍ବନ କରାଯାଇ ଓଜୋନ ସ୍ତରକୁ ସୁରକ୍ଷିତ କରାଯାଇଥିଲା, ତାହାକୁ ମଣ୍ଟ୍ରିଆଲ୍ ପ୍ରୋଟୋକଲ୍ ବୋଲି କୁହାଯାଏ । ସେପ୍ଟେମ୍ବର 16, 1987 ରେ, ବିଶ୍ୱର ଦେଶମାନେ ମିଳିତ ହୋଇ ଏହି ପ୍ରୋଟୋକଲ୍ ଗ୍ରହଣ କରିଥିଲେ । ଏହି ପ୍ରୋଟୋକଲ ଆଧାରରେ ଓଜୋନ ସ୍ତରକୁ କ୍ଷତି ପହଞ୍ଚାଉଥିବା ଏପରି କ୍ଷତିକାରକ ପଦାର୍ଥଗୁଡିକର ବ୍ୟବହାରକୁ କଡା ନିଷିଦ୍ଧ କରିଥିଲେ। 2017 ରେ, ଏହି ପ୍ରୋଟୋକଲ୍ କାର୍ଯ୍ୟକାରୀ ହେବାର 30 ବର୍ଷ ପରେ, ଦେଖାଗଲା ଯେ ଓଜୋନ୍ ସ୍ତରର ଛିଦ୍ର ବନ୍ଦ ହୋଇଯାଇଛି ।
ଏହି ପ୍ରଭାବ ଆସନ୍ତା 100 ବର୍ଷ ପର୍ଯ୍ୟନ୍ତ ଚାଲିବ ବୋଲି ଆକଳନ କରାଯାଉଛି । ତେଣୁ ଏଥିପ୍ରତି ପ୍ରତିଟି ବ୍ୟକ୍ତିଙ୍କୁ ଅବଗତ ଓ ସଚେତନ କରାଇବା ଉଦ୍ଦେଶ୍ୟରେ ପ୍ରତିବର୍ଷ ସେପ୍ଟେମ୍ବର 16କୁ ବିଶ୍ୱ ଓଜୋନ ଦିବସ ପାଳନ କରାଯାଉଛି। ପ୍ରତିବର୍ଷ ଏକ ଥିମ୍ ବା ବିଷୟବସ୍ତୁ ଆଧାରରେ ଏହି ଦିବସ ପାଳନ କରାଯାଏ । ଚଳିତ ବର୍ଷ ବିଶ୍ୱ ଓଜୋନ ଦିବସର ବିଷୟବସ୍ତୁ 'ମଣ୍ଟ୍ରିଆଲ୍ ପ୍ରୋଟୋକଲ୍: ଓଜୋନ ସ୍ତରକୁ ଠିକ୍ କରିବା ଏବଂ ଜଳବାୟୁ ପରିବର୍ତ୍ତନକୁ ହ୍ରାସ କରିବା ।
ଆଗକୁ ପଢନ୍ତୁ :- ଅଷ୍ଟ୍ରେଲିଆର ଜଣେ 28 ବର୍ଷୀୟା ମହିଳା ନିଜ ସମ୍ପୂର୍ଣ୍ଣ ଶରୀର ରେ ଟ୍ୟାଟୁ ବା ଚିତାକାଟି ଚର୍ଚ୍ଚା ରେ ଆସିଛନ୍ତି