କାର୍ ରେସିଂ ସମୟରେ ଘଟିଲା ଦୁର୍ଘଟଣା । ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ପ୍ରାୟ ୨୦ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଶ୍ରୀଲଙ୍କାର ରାଜଧାନୀ କଲମ୍ବୋରେ ଏକ କାର୍ ରେସିଂର ଆୟୋଜନ କରାଯାଇଥିଲା । ଏହି କାର୍ ରେସିଂ ଦେଖିବା ପାଇଁ ଅନେକ ଦର୍ଶକଙ୍କ ପ୍ରବଳ ଗହଳି ଦେଖିବାକୁ ମିଳିଥିଲା । କାର୍ ରେସିଂ ଦେଖିବା ପାଇଁ ଦର୍ଶକଙ୍କ ମନରେ ଯେତିକି ଆଗ୍ରହ ସେତିକି ଉତ୍ସାହ ରହିଥିଲା । କିନ୍ତୁ ସେହି ସମୟରେ ଘଟିଲା ଅଘଟଣ । ଦ୍ରୁତ ଗତିରେ ଆସୁଥିବା ଏକ ରେସିଂ କାର୍ ଦର୍ଶକଙ୍କ ଉପରକୁ ମାଡିଯାଇଥିଲା । ଏହି ଦୁର୍ଘଟଣାରେ ସ୍ଥାନୀୟ ଅଞ୍ଚଳ ହୋ ହାଲାରେ ଫାଟି ପଡିଥିଲା । ଏହି ଦୁର୍ଘଟଣାରେ ୮ ବର୍ଷର ଶିଶୁ ସମେତ ୭ ଜଣଙ୍କର ମୃତ୍ୟୁ ହେବା ସହିତ ପ୍ରାୟ ୨୦ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ପରେ ଏହି କାର୍ ରେସିଂର ଆୟୋଜନକୁ ବନ୍ଦ କରାଯାଇଥିଲା । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଥିଲା ।
ଆଗକୁ ପଢ଼ନ୍ତୁ : ଜାପାନ ନୌସେନାର ୨ ହେଲିକପ୍ଟର କ୍ରାସ