ନୂଆଦିଲ୍ଲୀ: ବାଂଲାଦେଶର ଶେଖ ହସିନା ସରକାର ଉଚ୍ଛେଦ ହେବା ପରେ ଭାରତରେ ଅନେକ କମ୍ପାନୀ ଏବଂ ବିଭିନ୍ନ ପ୍ରକାର ବ୍ୟବସାୟ ପ୍ରଭାବିତ ହୋଇଛି। ଫାର୍ମାସ୍ୟୁଟିକାଲ୍ ଏକ୍ସପୋର୍ଟ ଆଣ୍ଡ ମେଡିକାଲ ଟୁରିଜିମ୍ ଉପରେ ମଧ୍ୟ ସମାନ ପ୍ରଭାବ ପଡ଼ିଛି। ଭାରତୀୟ ଫାର୍ମା କଂପାନୀଗୁଡ଼ିକର ଅନେକ ଟଙ୍କା ବାଂଲାଦେଶରେ ଅଟକି ରହିଛି। ଏହି କାରଣରୁ ସେ ବର୍ତ୍ତମାନ ବାଂଲାଦେଶକୁ ଔଷଧ ଓ ଚିକିତ୍ସା ଉପକରଣ ପଠାଇବାକୁ ଚାହୁଁନାହାନ୍ତି। ଏତଦ୍ ବ୍ୟତୀତ ଅନେକ ରୋଗୀ ଏବେ ଚିକିତ୍ସା ପାଇଁ ଭାରତ ଆସିବାକୁ ଚାହୁଁନାହାନ୍ତି। 

ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟର ଫାର୍ମାସ୍ୟୁଟିକାଲ୍ସ ଏକ୍ସପୋର୍ଟ ପ୍ରମୋସନ କାଉନସିଲ ଅଫ୍ ଇଣ୍ଡିଆ (ବିଇଇପିସି) ନ୍ୟୁଜ୍ ୧୮କୁ ସୂଚନା ଦେଇଛି ଯେ ଭାରତୀୟ କଂପାନୀଗୁଡ଼ିକ ବାଂଲାଦେଶରେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ସେମାନଙ୍କ ଦେୟ ବନ୍ଦ ହୋଇଯାଇଛି। ଏଥିସହିତ ସେମାନେ ସେମାନଙ୍କ ସାମଗ୍ରୀ ବିଷୟରେ ସଠିକ୍ ସୂଚନା ପାଉନାହାନ୍ତି। ଏଭଳି ପରିସ୍ଥିତିରେ ସେ ଏହି ପଡ଼ୋଶୀ ଦେଶ ସହ ଏବେ ବାଣିଜ୍ୟ କରିବାକୁ ଚାହୁଁନାହାନ୍ତି। ବାଂଲାଦେଶ ସଙ୍କଟ ଯୋଗୁଁ ମେଡିକାଲ ପର୍ଯ୍ୟଟନ ମଧ୍ୟ ଗୁରୁତର ଭାବେ ପ୍ରଭାବିତ ହୋଇଛି। 

ଫାର୍ମାଏକ୍ସେଲର ମହାନିର୍ଦ୍ଦେଶକ ରାଜା ଭାନୁ କହିଛନ୍ତି ଯେ ବାଂଲାଦେଶରେ ରାଜନୈତିକ ସଙ୍କଟ ଯୋଗୁଁ ଅନେକ ଜିନିଷ ପ୍ରଭାବିତ ହୋଇଛି। ଔଷଧ ରପ୍ତାନି ମଧ୍ୟ ସେଥିମଧ୍ୟରୁ ଅନ୍ୟତମ। ଆମ ର କମ୍ପାନୀଗୁଡିକ ଏହି ସଙ୍କଟ ଦ୍ୱାରା ଚିନ୍ତିତ ଅଛନ୍ତି। ବନ୍ଦରରେ ଅନେକ ସାମଗ୍ରୀ ପଡ଼ି ରହିଛି। ଦେଶର ରାଜନୈତିକ ଓ ଅର୍ଥନୈତିକ ସ୍ଥିତିରେ ସାମାନ୍ୟ ସୁଧାର ଆସୁଛି ବୋଲି ସେ କହିଛନ୍ତି। ତେବେ ଫାର୍ମା ଓ ମେଡିକାଲ ଟୁରିଜିମରେ କେବେ ସମ୍ପୂର୍ଣ୍ଣ ଉନ୍ନତି ଆସିବ ତାହା ଏବେ କହିହେବ ନାହିଁ। ବାଂଲାଦେଶର ସମୁଦାୟ ଆବଶ୍ୟକତାର ୩୦ ପ୍ରତିଶତ ଭାରତରୁ ଔଷଧ ବାହାରୁଛି। କଂପାନିଗୁଡ଼ିକ ବର୍ତ୍ତମାନ ନୂଆ ଅର୍ଡର ନେଉନାହାନ୍ତି।

ଅଧିକ ପଢ଼ନ୍ତୁ: ମେରଠରେ ମୃତ୍ୟୁ ସଂଖ୍ୟା ୧୦କୁ ବୃଦ୍ଧି; ୧୫ ଜଣଙ୍କୁ ଡାକ୍ତରଖାନା ସ୍ଥାନାନ୍ତରିତ