ମୁମ୍ବାଇ: ବଲିଉଡ ଅଭିନେତା ଆୟୁଷ୍ମାନ ଖୁରାନାଙ୍କ ପତ୍ନୀ ତଥା ଲେଖିକା ଓ ନିର୍ଦ୍ଦେଶିକା ତାହିରା କଶ୍ଚପ୍ୟଙ୍କୁ ପୁଣି ଥରେ କ୍ୟାନସର । ବର୍ଷ ବର୍ଷ ଧରି ସ୍ତନ୍ୟ କକର୍ଟର ଶିକାର ହୋଇ ଅନେକ କଷ୍ଟ ସହ ରୋଗରୁ ଭଲ ହୋଇଥିଲେ ତାହିରା । ୨୦୧୮ ମସିହାରେ ସେ ଏଥିରେ ଆରୋଗ୍ୟ ଲାଭ କରିଥିବା ଫ୍ୟାନ୍ସଙ୍କୁ ଜଣାଇଥିଲେ । 

ତେବେ ଦୀର୍ଘ ୭ ବର୍ଷ ପରେ ଏବେ ପୁଣି ସେ କକର୍ଟରେ ପୀଡ଼ିତ ହୋଇଛନ୍ତି । ଏନେଇ ସୋସିଆଲ ମିଡ଼ିଆରେ ପୋଷ୍ଟ କରି ସେ ଲେଖିଛନ୍ତି, ‘୭ବର୍ଷ ଧରି ନିୟମିତ ଚେକଅପ୍ ପରେ ମୁଁ ଏବେ ପୁଣି ଥରେ ସ୍ତନ୍ୟ କକର୍ଟରେ ଆକ୍ରାନ୍ତ ହୋଇଛି । ମୁଁ ଏହାକୁ ଏକ ଭିନ୍ନ ଦୃଷ୍ଟିକୋଣୁ ଦେଖିବାକୁ ଚାହେଁ, ଏବଂ ସମସ୍ତଙ୍କୁ ଏଇ ପରାମର୍ଶ ଦେବି ଯେ, ମଝିରେ ମଝିରେ ମେମୋଗ୍ରାମ(ଟେଷ୍ଟ) କରାଇନିଅନ୍ତୁ । ଏହା ମୋର ଦ୍ୱିତୀୟ ରାଉଣ୍ଡ, ତଥାପି ସାହସର ସହ ମୁକାବିଲା କରିବାକୁ ମୁଁ ପ୍ରସ୍ତୁତ’ ବୋଲି ସେ ନିଜ ଇନଷ୍ଟ୍ରାରେ ପୋଷ୍ଟ କରିଛନ୍ତି ।  

ତାହିରଙ୍କୁ ୨୦୧୮ ମସିହାରେ ସ୍ତନ କର୍କଟ ରୋଗରୁ ଭଲ ହୋଇଥିଲେ। ସୁସ୍ଥ ହେବା ପରେ ତାହିର ଏହା ବିଷୟରେ ସଚେତନତା ପ୍ରସାର କରିଥିଲେ ଏବଂ ତାଙ୍କ ଯାତ୍ରା ବିଷୟରେ ଖୋଲାଖୋଲି କହିଥିଲେ। ସେ ସ୍ତନ କର୍କଟ ରୋଗର ଚିହ୍ନ ମଧ୍ୟ ଦେଖାଇଥିଲେ। ତାହିରା ବିଶ୍ୱ କର୍କଟ ଦିବସରେ ତାଙ୍କର କେଶହୀନ ଫଟୋ ସେୟାର କରିଥିଲେ ଏବଂ ଏକ ବାର୍ତ୍ତା ଲେଖିଥିଲେ। ସେ ତାଙ୍କ ଚିକିତ୍ସା ସମୟର ମୁହୂର୍ତ୍ତଗୁଡ଼ିକୁ ମଧ୍ୟ ପ୍ରଶଂସକଙ୍କ ସହ ସେୟାର କରିଥିଲେ ।

 

 

 

 

View this post on Instagram

 

 

 

 

 

 

 

 

 

 

 

A post shared by tahirakashyapkhurrana (@tahirakashyap)