ମୁମ୍ବାଇ: ଏସଏସ ରାଜାମୌଲିଙ୍କ ବହୁ ପ୍ରତୀକ୍ଷିତ ଫିଲ୍ମ "ବାରାଣସୀ"ର ପ୍ରଥମ ଲୁକ୍ ରିଲିଜ୍ ହୋଇଛି। ଫିଲ୍ମର ପୋଷ୍ଟର ମଧ୍ୟ ସାମ୍ନାକୁ ଆସିଛି। ଏହି ଫିଲ୍ମକୁ ନେଇ ବହୁତ ଚର୍ଚ୍ଚା ଚାଲିଛି। ଭାରତର ଖ୍ୟାତାନାମା ଫିଲ୍ମ ନିର୍ମାତା ଏସଏସ ରାଜାମୌଲିଙ୍କ ଦ୍ଵାରା ନିର୍ଦ୍ଦେଶିତ। ସିନେ ପ୍ରେମୀ ଏହି ଫିଲ୍ମକୁ ଉତ୍ସାହର ସହିତ ଅପେକ୍ଷା କରିଛନ୍ତି। ବର୍ତ୍ତମାନ, ଫିଲ୍ମର ରିଲିଜ୍ ତାରିଖ ଖବର ଆସିଛି। ରିପୋର୍ଟ ଅନୁସାରେ ଫିଲ୍ମଟି ୨୦୨୭ ଏପ୍ରିଲରେ ମୁକ୍ତିଲାଭ କରିବ। ବାରାଣସୀରେ କିଛି ବିଲବୋର୍ଡ ଲଗାଯାଇଛି, ଯାହା ଏହି ଗୁଜବକୁ ଆହୁରି ପ୍ରୋତ୍ସାହିତ କରୁଛି।

ସିନେ ସମୀକ୍ଷକ ତରଣ ଆଦର୍ଶ ପୋଷ୍ଟ କରିଛନ୍ତି, ଏସଏସ ରାଜାମୌଲିଙ୍କ ବହୁ ପ୍ରତୀକ୍ଷିତ ବଡ଼ ବଜେଟ୍ ଫିଲ୍ମ 'ବାରାଣସୀ' କ'ଣ ୨୦୨୭ ଏପ୍ରିଲ୍ ୭ରେ ମୁକ୍ତିଲାଭ କରିବ?" ମାଷ୍ଟର ଷ୍ଟୋରୀ ଟେଲର ଏସଏସ ରାଜାମୌଲିଙ୍କ ଫିଲ୍ମ 'ବାରାଣସୀ'  ୨୦୨୭ ଏପ୍ରିଲ୍ ୭ରେ ବିଶ୍ଵବ୍ୟାପୀ ମୁକ୍ତିଲାଭ କରିବ ବୋଲି ଅନେକ ଖବର ସାମ୍ନାକୁ ଆସିଛି।

ଫିଲ୍ମ ୨୦୨୭ ଏପ୍ରିଲ ୭ରେ ରିଲିଜ୍ ହେବା ନେଇ ହୋର୍ଡିଂ ବାରାଣସୀରେ ସବୁଠି ଲାଗିଛି, ଯାହା ଏହି ଚର୍ଚ୍ଚାକୁ ଆହୁରି ବଳ ଯୋଗାଇଛି। ଆଜି ରାତିରେ ଆନୁଷ୍ଠାନିକ ଘୋଷଣା କରାଯିବ ବୋଲି ଆଶା କରାଯାଉଛି। ଉଲ୍ଲେଖନୀୟ ଯେ ବାରାଣସୀ ଏକ ବଡ଼ ବଜେଟ୍ ଫିଲ୍ମ। ଏହି ଫିଲ୍ମରେ ମହେଶ ବାବୁ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ତାଙ୍କ ଚରିତ୍ରର ନାମ ରୁଦ୍ର।

ଏବେ ପ୍ରଶ୍ନ ହେଉଛି, ଏସଏସ ରାଜମୌଲି କାହିଁକି ଫିଲ୍ମକୁ ୨୦୨୭ ଏପ୍ରିଲ ୭ରେ ରିଲିଜ୍ କରୁଛନ୍ତି? ୭ ଏପ୍ରିଲ ବୁଧବାର, ଏବଂ ଏହା ଉଗାଦି/ଗୁଡ଼ି ପାଡୱା ପର୍ବ ରହିଛି। ୧୪ ଏପ୍ରିଲ ଆମ୍ବେଦକର ଜୟନ୍ତୀ। ୧୫ ଏପ୍ରିଲ ରାମନବମୀ। ତେଣୁ ଏମିତି ପର୍ବକୁ ଦୃଷ୍ଟିରେ ରଖି ରାଜାମୌଲି ଏପ୍ରିଲ ୭କୁ ଚୟନ କରିଥିବା କୁହାଯାଉଛି। ଏହି ଫିଲ୍ମରେ ମହେଶ ବାବୁ, ପ୍ରିୟଙ୍କା ଚୋପ୍ରା ଏବଂ ପୃଥ୍ଵୀରାଜ ସୁକୁମାରନ ଅଭିନୟ କରିଛନ୍ତି।