ମୁମ୍ବାଇ: ଅଲୁ ଅର୍ଜୁନଙ୍କ ‘ପୁଷ୍ପା ୨’ ରିଲିଜ୍ ପୂର୍ବରୁ ୯୨୦ କୋଟି ଟଙ୍କା ରୋଜଗାର କରିଛି। ‘ପୁଷ୍ପା ୨’ ହେଉଛି ବହୁ ପ୍ରତୀକ୍ଷିତ ଫିଲ୍ମ । ସେହି ମୁଭି ଟିକୁ ଦେଖିବାକୁ ଲୋକେ ଅପେକ୍ଷା କରିଛନ୍ତି । 

ଯଦିଓ ଏପର୍ଯ୍ୟନ୍ତ କୌଣସି ସରକାରୀ ସୂଚନା ଦିଆଯାଇ ନାହିଁ, ଫିଲ୍ମ ସହ ଜଡିତ ଅନେକ ତଥ୍ୟ ସୋସିଆଲ ମିଡିଆରେ ଛଡା ଯାଉଛି। ତେବେ ୯୨୦ କୋଟି ଟଙ୍କା ରୋଜଗାରରେ ଥିଏଟ୍ରିକାଲ୍ ଅଧିକାର ଠାରୁ ଆରମ୍ଭ କରି OTT ଅଧିକାର ପର୍ଯ୍ୟନ୍ତ ସଂଖ୍ୟା ରହିଛି।

ଅଲୁ ଅର୍ଜୁନଙ୍କ ‘ପୁଷ୍ପା ୨’ ର ଥିଏଟ୍ରିକାଲ୍ ଅଧିକାର ବିଷୟରେ କୁହାଯାଉଛି ଯେ ଏହି ଅଧିକାର ୬୫୦ କୋଟିରେ ବିକ୍ରି ହୋଇଛି। ଇନ୍‌ଷ୍ଟାଗ୍ରାମ୍‌ରେ ଏହା ମଧ୍ୟ ଦାବି କରାଯାଇଛି ଯେ ଫିଲ୍ମ ରିଲିଜ ହେବା ପୂର୍ବରୁ ଏତେ ବ୍ୟବସାୟ କରିବା ଭାରତୀୟ ସିନେମା ପାଇଁ ଏକ ନୂଆ ରେକର୍ଡ। କିଛି ରିପୋର୍ଟରେ ଦର୍ଶାଯାଇଛି ଯେ ନେଟ୍‌ଫ୍ଲିକ୍ସ ୨୭୦ କୋଟି ଟଙ୍କାରେ ଫିଲ୍ମର ଅଧିକାର କିଣିଛି।

ତେବେ ଥିଏଟର ଅଧିକାର ଏବଂ OTT ଅଧିକାରର ମୂଲ୍ୟ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ପ୍ରକାଶ କରାଯାଇ ନାହିଁ। କିନ୍ତୁ ବିଶ୍ୱାସ କରାଯାଏ ଯେ ଏହି ଫିଲ୍ମଟି OTT ଅଧିକାର ଦୃଷ୍ଟିରୁ ଏସ୍‌ଏସ୍‌ ରାଜାମୌଲିଙ୍କ ଫିଲ୍ମ RRR ର ରେକର୍ଡ ଭାଙ୍ଗିଛି। ‘ପୁଷ୍ପା ୨’ ର ନିର୍ଦ୍ଦେଶନା ଦେଇଛନ୍ତି ସୁକୁମାର। ଫିଲ୍ମରେ ଅଲୁ ଅର୍ଜୁନଙ୍କ ବ୍ୟତୀତ ଫାହଦ୍ ଫସିଲ ଏବଂ ରଶ୍ମିକା ମନ୍ଦନା ନଜର ଆସିବେ। ଫିଲ୍ମର ବଜେଟ୍ ପ୍ରାୟ ୫୦୦ କୋଟି ଟଙ୍କା ହେବ ବୋଲି କୁହାଯାଉଛି। ଏହି ଫିଲ୍ମଟି ଡିସେମ୍ବର ୬ରେ ରିଲିଜ ହେବ।