ମୁୁମ୍ବାଇ : ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଅଭିନୀତ ପୁଷ୍ପା ୨କୁ ନେଇ ଦର୍ଶକଙ୍କ ମଧ୍ୟରେ ନାହିଁ ନ ଥିବା ଉତ୍ସାହ ଦେଖିବାକୁ ମିଳିଛି । ଫିଲ୍ମ ବକ୍ସ ଅଫିସରେ ଧମାଲ କରିବାକୁ ପ୍ରସ୍ତୁତ । ଫିଲ୍ମ ଡିସେମ୍ବର ୫ ତାରିଖ ଗୁରୁବାର ପରଦାକୁ ଆସିବ । ପୁଷ୍ପା ୨ ରିଲିଜ ପୂର୍ବରୁ ବମ୍ପର ବିଜନେସ୍ କରିଛି । ଫିଲ୍ମ ବକ୍ସ ଅଫିସରେ ରେକର୍ଡ ଭାଙ୍ଗିବାକୁ ପ୍ରସ୍ତୁତ ହୋଇ ରହିଛି । ଏବେଠୁ ଫିଲ୍ମ ପ୍ରଥମ ଦିନରେ ୩୦ କୋଟି ଟଙ୍କାର କଲେକ୍ସନ କରି ସାରିଲାଣି । ରିଲିଜ ପୂର୍ବରୁ ଯଦି ଏତେ କାରବାର ତେବେ ରିଲିଜ ଦିନ କେତେ ବିଜନେସ୍ କରିବ ତାହା ଆପଣମାନେ ଆକଳନ କରି ପାରିବେ ।

ସାକନିଲକର ରିପୋର୍ଟ ଅନୁସାରେ ତେଲୁଗୁ ଭର୍ସନ ଏ ପର୍ଯ୍ୟନ୍ତ  ଆଡଭାନ୍ସ ବୁକିଂରେ ୧୦.୨୮ କୋଟି ଟଙ୍କା ଆୟ କରି ସାରିଲାଣି । ହିନ୍ଦୀ ଭର୍ସନରେ ୭.୪୫ କୋଟି, ମାଲାୟଲମ ଭର୍ସନରେ ୨ଡି ସ୍କ୍ରିନିଂରେ ୪୬.୬୯ ଲକ୍ଷ କଲେକ୍ସନ କରି ସାରିଲାଣି । ତେଲେଙ୍ଗାନାରେ ମଧ୍ୟ ଫିଲ୍ମର ଦମଦାର ବ୍ୟବସାୟ ଦେଖିବାକୁ ମିଳିଲାଣି । ଟିକେଟ୍ ସେଲ୍ ୬.୭୬ କୋଟି ହୋଇ ସାରିଛି । କର୍ଣ୍ଣାଟକରେ ୩.୧୫ କୋଟି, ମହାରାଷ୍ଟ୍ରରେ ୨.୬୪ କୋଟି ସହ ସମଗ୍ର ଦେଶରେ ଏହି କଲେକ୍ସନ ୩୦.୮୮ କୋଟି ହୋଇ ସାରିଛି । 

ସୂଚନାଯୋଗ୍ୟ, ପୁଷ୍ପା ୨ର ବଜେଟ୍ ୪୦୦ କୋଟି ରହିଛି । ଯେଉଁଭଳି ଫିଲ୍ମକୁ ନେଇ କ୍ରେଜ ରହିଛି, ତାହା ଦେଖି ଲାଗୁଛି ଫିଲ୍ମ ପ୍ରଥମ ସପ୍ତାହରେ ନିଜର ବଜେଟ୍ ଆଦାୟ କରି ଦେବ । ନିକଟରେ ଫିଲ୍ମର ଟ୍ରେଲର ବିହାରର ରାଜଧାନୀ ପାଟନାରେ ରିଲିଜ ହୋଇଥିଲା । ଏହି କାର୍ଯ୍ୟକ୍ରମରେ ହଜାର ହଜାର ସଂଖ୍ୟାରେ ଦର୍ଶକଙ୍କ ଅଦ୍ଭୁତପୂର୍ବ ଭିଡ ଦେଖିବାକୁ ମିଳିଥିଲା । ଏହି ଇଭେଣ୍ଟରେ ଅଲ୍ଲୁ ଅର୍ଜୁନଙ୍କୁ ଦେଖିବାକୁ ମିଳିଥିଲା ।