ପାଟନା: ୨୦୨୪ର ବହୁପ୍ରତୀକ୍ଷିତ ଫିଲ୍ମ ‘ପୁଷ୍ପା ୨: ଦ ରୁଲ’ର ଟ୍ରେଲର ରିଲିଜ ହୋଇଛି। ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନା ଅଭିନୀତ ଫିଲ୍ମର ଟ୍ରେଲର ୨ ମିନିଟ୍ ୪୮ ସେକେଣ୍ଡ ରହିଛି। ଫିଲ୍ମର ଟ୍ରେଲର ଛଅଟି ଭାଷା ହିନ୍ଦୀ, ତାମିଲ, ମାଲାୟଲମ, ବଙ୍ଗାଳି, କନ୍ନଡ ଓ ତେଲୁଗୁ ଭାଷାରେ ରିଲିଜ୍ ହୋଇଛି। ଟ୍ରେଲରେ ଆକ୍ସନ, ଡ୍ରାମା ଓ ଦମଦାର ଡାଇଲର ଭରପୂର ରହିଛି। ଟ୍ରେଲରକୁ ସମସ୍ତେ ପ୍ରଶଂସା କରିଛନ୍ତି।  ସାମାଜିକ ଗଣମାଧ୍ୟମରେ ଫିଲ୍ମର ଟ୍ରେଲରକୁ ଖୁବ୍ ପସନ୍ଦ କରାଯାଇଛି। 

ଭାରତୀୟ ସିନେମାରେ ଚର୍ଚ୍ଚିତ ଫିଲ୍ମ ମଧ୍ୟରୁ ଏକ ପୁଷ୍ପା ୨ର ଟ୍ରେଲର ବିହାରର ରାଜଧାନୀ ପାଟନାରେ ରବିବାର ରିଲିଜ ହୋଇଛି। ଟ୍ରେଲର ପାଇଁ ଆୟୋଜିତ କାର୍ଯ୍ୟକ୍ରମରେ ହଜାର ହଜାର ଲୋକଙ୍କ ଭିଡ଼ ଦେଖିବାକୁ ମିଳିଛି।  ଅଲ୍ଲୁ ଅର୍ଜୁନଙ୍କ ଏହି ଫିଲ୍ମକୁ ନେଇ ଲୋକଙ୍କ ମଧ୍ୟରେ କେତେ ଉତ୍ସାହ ରହିଛି ଟ୍ରେଲର ଲଞ୍ଚିଂ କାର୍ଯ୍ୟକ୍ରମରେ ଦେଖିବାକୁ ମିଳିଛି। 

ଆୟୋଜିତ ଟ୍ରେଲର ଲଞ୍ଚିଂ କାର୍ଯ୍ୟକ୍ରମରେ ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନା ସ୍ଵତନ୍ତ୍ର ଅତିଥି ଭାବେ ଯୋଗ ଦେଇଛନ୍ତି। ଉଭୟ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଫିଲ୍ମରେ ଫହଦ ଫାସିଲ ମଧ୍ୟ ଗୁରୁତ୍ଵପୂର୍ଣ୍ଣ ଭୂମିକାରେ ରହିଛନ୍ତି। ପ୍ରଥମ ପାର୍ଟର କାହାଣୀ ଯେଉଁଠୁ ଶେଷ ହୋଇଛି କାହାଣୀ ସେଠାରୁ ଆରମ୍ଭ ହେଉଥିବାର ସଙ୍କେତ ମିଳିଛି। ଟ୍ରେଲରେ ଦମଦାର ଆକ୍ସନ ସହ ଡ୍ରାମା, ସିକ୍ଵେନ୍ସ ସବୁ ଭରପୂର ରହିଛି।

ଫିଲ୍ମ ଡିସେମ୍ବର ୫ରେ ରିଲିଜ୍ ହେବ। ସୁକୁମାର ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଫିଲ୍ମର ନିର୍ମାଣ ମଇଥ୍ରୀ ମୁଭି ପିକଚର୍ସ ସୁକୁମାର ରାଇଟିଂ ସହିତ ମିଶି କରିଛନ୍ତି। ମ୍ୟୁଜିକ ଟି ସିରିଜ୍ ରହିଥିବା ବେଳେ ଡିଷ୍ଟ୍ରିବ୍ୟୁସନର ଦାୟିତ୍ଵ ଏଏ ଫିଲ୍ମର ଅନିଲ ଥଡାନୀ ସମ୍ଭାଳିଛନ୍ତି। ଫିଲ୍ମର ପ୍ରଥମ ପାର୍ଟ ୨୦୨୧ରେ ରିଲିଜ୍ ହୋଇଥିଲା। ପୁଷ୍ପାକୁ ପୁନର୍ବାର ଦର୍ଶକଙ୍କ ସାମ୍ନାକୁ ଆସିବା ପାଇଁ ପୂରା ୩ ବର୍ଷ ସମୟ ଲାଗିଛି।