ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ଫିଲ୍ମ 'ଜୱାନ' ର ପ୍ରଶଂସା ଚାରିଆଡେ ଭରପୁର ଚାଲିଛି। ଯେଉଁମାନେ 'ଜୱାନ'  ସିନେମା ‌ଦେଖୁଛନ୍ତି ସିଏ ଫିଲ୍ମର ପ୍ରଶଂସା ନକରି ରହି ପାରୁ ନାହାନ୍ତି। ସମସ୍ତ ସିନେମା ହଲରେ ମଧ୍ୟ 'ଜୱାନ' ଫିଲ୍ମ ଦେଖିବା ପାଇଁ ପ୍ରବଳ ଭିଡ ଦେଖିବାକୁ ମିଳୁଛି। ଏହି ଚଳଚିତ୍ର ଦେଖିବା ପାଇଁ ସମସ୍ତେ ବହୁ ଆଗ୍ରହ ପ୍ରକାଶ କରିଛନ୍ତି।  ସମସ୍ତ ସିନେ କଳାକାର ମଧ୍ୟ  'ଜୱାନ' ସିନେମାର ଖୁବ ପ୍ରଶଂସା କରିଛନ୍ତି । ନିକଟରେ ଜଣେ ବୃଦ୍ଧା ବି 'ଜୱାନ' ‌ଫିଲ୍ମ ଦେଖି ଶାହରୁଖଙ୍କର ଖୁବ ପ୍ରଶଂସା କରିଛନ୍ତି । ଅଭିନେତା ଅଲ୍ଲୁଅର୍ଜୁନ ମଧ୍ୟ ଶାହରୁଖ ଖାନଙ୍କ ଖୁବ ପ୍ରଶଂସା କରିଥିବା ବେଳେ  ଭାରତୀୟ ଜନତା ପାର୍ଟି (ବିଜେପି) ବି ମଧ୍ୟ  'ଜୱାନ' ସିନେମାର ଖୁବ ପ୍ରଶଂସା କରିଛି।

ସୂଚନା ମୁତାବକ , ଏହି କ୍ରମରେ ଅଭିନେତା ଅଲ୍ଲୁଅର୍ଜୁନ ଶାହରୁଖ ଖାନଙ୍କ 'ଜୱାନ' ଫିଲ୍ମ ଦେଖି ଏହାର ସମ୍ପୂର୍ଣ୍ଣ ଷ୍ଟାରକାଷ୍ଟର ଭୁରିଭୁରି ପ୍ରଶଂସା କରିଛନ୍ତି। 'ଜୱାନ'ର ପ୍ରତିଟି ଷ୍ଟାରକାଷ୍ଟଙ୍କୁ ଶୁଭେଚ୍ଛା ଜଣାଇ ଅଲ୍ଲୁ-ଅର୍ଜୁନ ଏକ ପୋଷ୍ଟ ସେୟାର କରିଛନ୍ତି। ଏଥି‌ରେ ଅଭିନେତା ଅଲ୍ଲୁଅର୍ଜୁନ ଲେଖିଛନ୍ତି, ‘ଧମାକା ବ୍ଲକବଷ୍ଟର ପାଇଁ  'ଜୱାନ'ର ସମ୍ପୂର୍ଣ୍ଣ ଟିମକୁ ମୋ ତରଫରୁ ଅନେକ ଅନେକ ଶୁଭେଚ୍ଛା। 'ଜୱାନ'ର ପ୍ରଯୋଜକ, ଟେକନିକାଲ ସଦସ୍ୟ, କ୍ରୁ ଓ ସମ୍ପୂର୍ଣ୍ଣ କାଷ୍ଟଙ୍କୁ ଅନେକ ଶୁଭେଚ୍ଛା ଦେବା ସହ କହିଛନ୍ତି ଶାହରୁଖ ସାର ମୁଁ ଆପଣଙ୍କ ପାଇଁ ଖୁବ ଖୁସି। କାରଣ 'ଜୱାନ'ର ଏଭଳି ସଫଳତା ପାଇଁ ମୁଁ ପ୍ରାର୍ଥନା କରିଥିଲି ଆଉ ମୋର ପ୍ରାର୍ଥନା ଫଳପ୍ରଦ ହୋଇଛି। ଏମିତି ସବୁବେଳେ ଆପଣଙ୍କର ସବୁ ଫିଲ୍ମ ବ୍ଲକବଷ୍ଟର ହେଉ ଏବଂ ଆପଣ ସବୁବେଳେ ଏମିତି ଆଗେଇ ଚାଲନ୍ତୁ। ନିକଟରେ ଶାହରୁଖ ଖାନଙ୍କ 'ଜୱାନ' ଚଳଚ୍ଚିତ୍ରର ଦେଖି ବିଜେପି ଜାତୀୟ ମୁଖପାତ୍ର ଗୌରବ ଭାଟିଆ 'ଜୱାନ' ଫିଲ୍ମର ବହୁ ପ୍ରଶଂସା କରିବା ସହ ଏକ ପୋଷ୍ଟ ସେୟାର କରିଛନ୍ତି ଏବଂ ସେଥିରେ ଲେଖିଛନ୍ତି- ଯବାନ ଚଳଚ୍ଚିତ୍ର ମାଧ୍ୟମରେ କଂଗ୍ରେସର ୧୦ ବର୍ଷର କୁଶାସନର ମୁଖା ଖୋଲିଥିବାରୁ ଆମେ ଶାହରୁଖ ଖାନଙ୍କୁ ଅନେକ ଅନେକ ଧନ୍ୟବାଦ ଦେବା ଉଚିତ। ଏହି ଚଳଚ୍ଚିତ୍ର ଉପରେ ସରକାରର ‘ଶୋଚନୀୟ ରାଜନୈତିକ ଅତୀତ’ର ସ୍ମରଣ କରାଇଦେଉଛି ବୋଲି ଭାଟିଆ ଲେଖିଛନ୍ତି।

ଅଧିକ ପଢନ୍ତୁ ; ହୃଦ୍‌ଘାତରେ ପ୍ରାଣ ହରାଇଲେ ଅଭିନେତା ସତୀନ୍ଦର୍‌