ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ସ୍ଲୋଭାକିଆର ପିଏମ୍ ଫିକୋ ଦୁଇ ଦେଶ ମଧ୍ୟରେ ଥିବା ସମ୍ପର୍କକୁ 'ବ୍ୟାପକ ସହଭାଗିତା' (Comprehensive Partnership) ର ମାନ୍ୟତା ଦେଇଛନ୍ତି। ଏହି ଅବସରରେ ଭାରତ-EU FTA ର ଶୀଘ୍ର କାର୍ଯ୍ୟାନ୍ୱୟନ, AI (ଆର୍ଟିଫିସିଆଲ୍ ଇଣ୍ଟେଲିଜେନ୍ସ) ରେ ମାନବୀୟ ମର୍ଯ୍ୟାଦା ଏବଂ ପ୍ରତିରକ୍ଷା ଶିଳ୍ପରେ ମିଳିତ ଉତ୍ପାଦନ ଉପରେ ସହମତି ପ୍ରକାଶ ପାଇଛି। ଅପରପକ୍ଷରେ, ସ୍ଲୋଭାକିଆ ଭାରତର ଅର୍ଥବ୍ୟବସ୍ଥା ଏବଂ ଜାତିସଂଘ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟତାକୁ ସମର୍ଥନ କରିଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ଲୋଭାକିଆର ବ୍ରାତିସଲାଭାଠାରେ ସ୍ଲୋଭାକ୍ ରିପବ୍ଲିକର ପ୍ରଧାନମନ୍ତ୍ରୀ ରବର୍ଟ ଫିକୋଙ୍କ ସହ ସାକ୍ଷାତ କରି ପ୍ରତିରକ୍ଷା, ଟେକ୍ନୋଲୋଜିଠାରୁ ଆରମ୍ଭ କରି AI ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ସହଯୋଗ ବୃଦ୍ଧି କରିବାକୁ ସହମତ ହୋଇଛନ୍ତି। ପିଏମ୍ ମୋଦୀ ମିଳିତ ପ୍ରେସମିଟ୍କୁ ସମ୍ବୋଧିତ କରି କହିଛନ୍ତି ଯେ, "ମୁଁ ଆନନ୍ଦିତ ଯେ ଏହି ଐତିହାସିକ ଅବସରରେ ଆମେ ଆମର ସମ୍ପର୍କକୁ ବ୍ୟାପକ ସହଭାଗିତାର ମାନ୍ୟତା ଦେବାକୁ ନିଷ୍ପତ୍ତି ନେଇଛୁ। India-EU FTA କୁ ଚୂଡ଼ାନ୍ତ ରୂପ ଦେବାରେ ସ୍ଲୋଭାକିଆଠାରୁ ମିଳିଥିବା ସହଯୋଗ ପାଇଁ ମୁଁ ପ୍ରଧାନମନ୍ତ୍ରୀଙ୍କୁ ବିଶେଷ ଧନ୍ୟବାଦ ଜଣାଉଛି।"

ସେ କହିଛନ୍ତି ଯେ ଆମେ ଏହାକୁ ଯଥାଶୀଘ୍ର ଲାଗୁ କରିବା ପାଇଁ କାର୍ଯ୍ୟ କରିବୁ, ଯଦ୍ୱାରା ଦୁଇ ଦେଶର ଶିଳ୍ପ, ଷ୍ଟାର୍ଟଅପ୍ ଏବଂ ବ୍ୟବସାୟୀମାନେ ଏହାର ସର୍ବାଧିକ ଲାଭ ଉଠାଇ ପାରିବେ।

ପିଏମ୍ ମୋଦୀ କହିଛନ୍ତି, "ମୁଁ ଖୁସି ଯେ ସ୍ଲୋଭାକିଆର ଏକ ବିଶ୍ୱବିଦ୍ୟାଳୟରେ AI ବିଷୟ ଉପରେ 'ଇଣ୍ଡିଆ ଚେୟାର' (India Chair) ପ୍ରତିଷ୍ଠା କରାଯାଉଛି। AI ମାନବଜାତିର ସେବା ଏବଂ ପ୍ରଗତିର ଏକ ସଶକ୍ତ ମାଧ୍ୟମ ହେଉ, ଏହା ହିଁ ଆମର ବଣ୍ଟା ଚିନ୍ତାଧାରା। ଆମେ ବିଶ୍ୱାସ କରୁ ଯେ AI ର ଭବିଷ୍ୟତ କେବଳ ନବୋନ୍ମେଷ (Innovation) ଉପରେ ନୁହେଁ, ବରଂ ବିଶ୍ୱାସ, ଦାୟିତ୍ୱବୋଧ ଏବଂ ମାନବୀୟ ମର୍ଯ୍ୟାଦା ଉପରେ ଆଧାରିତ ହେବା ଉଚିତ।"

ଦୁଇ ଦେଶ ମଧ୍ୟରେ Letter of Intent ସ୍ୱାକ୍ଷରିତ

ସେ କହିଛନ୍ତି ଯେ ଦୁଇ ଦେଶ ମଧ୍ୟରେ ଥିବା ଗଭୀର ସାଂସ୍କୃତିକ ଏବଂ ପାରସ୍ପରିକ ଜନସମ୍ପର୍କ ଆମର ସମ୍ପର୍କକୁ ଏକ ମଜବୁତ ଆଧାର ପ୍ରଦାନ କରୁଛି। ଭାରତର ପ୍ରାଚୀନ ଉପନିଷଦଗୁଡ଼ିକର ସ୍ଲୋଭାକ୍ ଭାଷାରେ ଅନୁବାଦ କରାଯିବା ଆମର ସାଂସ୍କୃତିକ ନିକଟତାର ଏକ ଉତ୍କୃଷ୍ଟ ଉଦାହରଣ।

ପିଏମ୍ ମୋଦୀ କହିଛନ୍ତି ଯେ ସ୍ଲୋଭାକିଆରେ ରହୁଥିବା ଭାରତୀୟ ବଂଶୋଦ୍ଭବମାନେ ଏଠାକାର ଅର୍ଥବ୍ୟବସ୍ଥା ଏବଂ ସମାଜରେ ଗୁରୁତ୍ୱପୂର୍ଣ୍ଣ ଅବଦାନ ଦେଉଛନ୍ତି। ପ୍ରତିରକ୍ଷା ସହଯୋଗ ଆମର ଗଭୀର ପାରସ୍ପରିକ ବିଶ୍ୱାସ ଏବଂ ରଣନୀତିକ ଏକତାର ପ୍ରମାଣ ଅଟେ। ମୁଁ ଆନନ୍ଦିତ ଯେ ଏହି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଆଜି ଆମେ Letter of Intent (ସହମତି ପତ୍ର) ସ୍ୱାକ୍ଷର କରିଛୁ।

ଏହାଦ୍ୱାରା ଯୁଗ୍ମ ବିକାଶ (Joint Development), ମିଳିତ ଉତ୍ପାଦନ (Joint Production) ଏବଂ ପ୍ରତିରକ୍ଷା ଶିଳ୍ପଗୁଡ଼ିକ ମଧ୍ୟରେ ସହଯୋଗକୁ ଏକ ନୂଆ ଗତି ମିଳିବ। ୨୦୧୭ ମସିହାରେ, ସ୍ଲୋଭାକିଆର ପ୍ରଥମ ସାଟେଲାଇଟ୍ ଭାରତ ଲଞ୍ଚ କରିଥିଲା। ଆଜି ଭାରତର ସ୍ପେସ୍ ସେକ୍ଟର (ମହାକାଶ କ୍ଷେତ୍ର) ଅତି ଦ୍ରୁତ ଗତିରେ ନୂତନ ଉଚ୍ଚତାକୁ ଛୁଉଁଛି। ମୁଁ ସ୍ଲୋଭାକ୍ କମ୍ପାନୀଗୁଡ଼ିକୁ ଅଭିବୃଦ୍ଧି ଏବବଂ ବିକାଶର ଏହି ଯାତ୍ରାରେ ସାମିଲ ହେବାକୁ ନିମନ୍ତ୍ରଣ କରୁଛି।

EU FTA, AI ଏବଂ ପ୍ରତିରକ୍ଷା ସହଯୋଗ ଉପରେ ସହମତି

ଏହି ଅବସରରେ ସ୍ଲୋଭାକିଆର ପ୍ରଧାନମନ୍ତ୍ରୀ ରବର୍ଟ ଫିକୋ କହିଛନ୍ତି, "ସ୍ଲୋଭାକ୍ ରିପବ୍ଲିକ୍ ଏବଂ ଭାରତ ହେଉଛନ୍ତି ସେହିଭଳି ଦେଶ ଯେଉଁମାନେ ଅନେକ ସାଧାରଣ ପ୍ରସଙ୍ଗରେ ପରସ୍ପର ସହ ଜଡ଼ିତ। ଆପଣ ହାସଲ କରୁଥିବା ଚମତ୍କାର ସଫଳତା ପାଇଁ ମୁଁ ଭାରତକୁ ଅଭିନନ୍ଦନ ଜଣାଇବାକୁ ଚାହୁଁଛି।"

ସେ କହିଛନ୍ତି ଯେ ବିଶ୍ୱର ସବୁଠାରୁ ଅଧିକ ଜନସଂଖ୍ୟା ବିଶିଷ୍ଟ ଦେଶର ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବା ମୋ ପାଇଁ ଅତ୍ୟନ୍ତ ଗୌରବର ବିଷୟ, କିନ୍ତୁ ଏଥିସହିତ ଏପରି ଏକ ଦେଶ ଯିଏ ବିଶ୍ୱର ପଞ୍ଚମ ବୃହତ୍ତମ ଅର୍ଥବ୍ୟବସ୍ଥା ଏବଂ ଯାହାର ବିଶ୍ୱର ତୃତୀୟ ବୃହତ୍ତମ ଅର୍ଥବ୍ୟବସ୍ଥା ହେବାର ସ୍ୱପ୍ନ ରହିଛି।

ସେ ଆହୁରି ମଧ୍ୟ କହିଛନ୍ତି, "ବିଭିନ୍ନ କ୍ଷେତ୍ରରେ ଆପଣ ହାସଲ କରିଥିବା ସଫଳତା ପାଇଁ ମୁଁ ଆପଣଙ୍କୁ ଅଭିନନ୍ଦନ ଜଣାଉଛି। ଆପଣ ଡିଜିଟାଲାଇଜେସନ ଏବଂ AI ର ବ୍ୟବହାର କ୍ଷେତ୍ରରେ ଆଗରେ ରହିଛନ୍ତି। ଆପଣ ଏତେ ଆଗକୁ ଚାଲିଗଲେଣି ଯେ ବିଶ୍ୱର ବିଭିନ୍ନ ପ୍ରାନ୍ତର ଅନେକ ବିକଶିତ ଦେଶ ଅପେକ୍ଷା ଆପଣଙ୍କ ଗତି ଅଧିକ ଦ୍ରୁତ ଅଟେ। ଆମେ EU (ୟୁରୋପୀୟ ୟୁନିଅନ) ରେ ସଂଘର୍ଷ କରୁଛୁ। ଯଦି ଆମେ ୬-୭% ଅଭିବୃଦ୍ଧି ହାସଲ କରିପାରିବା, ତେବେ EU କ’ଣ କରିପାରିବ?" ସେ କହିଛନ୍ତି ଯେ ଭାରତକୁ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟତା ମିଳିବା ଉଚିତ।