ଜମିବାଡି ବିବାଦକୁ କେନ୍ଦ୍ର କରି ବୋମାମାଡ, ୨ ଆହତ ଭୁବନେଶ୍ୱର, ଜାନୁଆରୀ ୧୭(ଖବର ଓଡିଶା): Share story: ଜମିବାଡି କଳହକୁ କେନ୍ଦ୍ର କରି ବୋମାମାଡ । ରାଜଧାନୀ ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ସାରସକଣାରେ ବୋମା ମାଡ ହୋଇଥିବା ଅଭିଯୋଗ ହୋଇଛି । ଜାଗା ବିକ୍ରି ବାବଦ କମିଶନ ଟଙ୍କାକୁ ନେଇ କଳହ ହୋଇଥିଲା । ଫଳରେ ଦୁବୃର୍ତ୍ତମାନେ ବୋମା ଫିଙ୍ଗି ଗଣ୍ଡଗୋଳ କରିଛନ୍ତି । ବୋମାମାଡରେ ଏକ ଟିଣ ଘର ଉଡିଯାଇଛି । ଏହାସହିତ ୨ ଜଣ ଆହତ ମଧ୍ୟ ହୋଇଛନ୍ତି । ସମସ୍ତ ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ସେପଟେ ଖବର ପାଇ ଘଟଣାସ୍ଥଳରେ ବାଲିଅନ୍ତା ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ଫଳରେ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ଖବର ଓଡ଼ିଶା, Reporter, 17/01/2022