ନଦୀ ପଠାରୁ ମିଳିଲା ମହିଳାଙ୍କ ଖଣ୍ଡବିଖଣ୍ଡିତ ମୃତଦେହ । ଗଳା ଅଧା କଟାହୋଇଥିବା ଅବସ୍ଥାରେ ଉଦ୍ଧାର ହେଲା ମୃତଶରୀର ।

ସୂଚନା ଅନୁସାରେ , ପୁରୀ ସଦର ଥାନା ଅନ୍ତର୍ଗତ ନୂଆଗାଁ ନିକଟସ୍ଥ ନୂଆନଦୀ ପଠାରେ ଏମିତି ଏକ ବିଭତ୍ସ ହତ୍ୟାକାଣ୍ଡ ଦେଖିବାକୁ ମିଳିଛି । ନୂଆନଦୀ ପଠାରୁ ପୋଲିସ ଜଣେ ମହିଳାଙ୍କ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର କରିଛି । ମୃତ ମହିଳାଙ୍କ ଗଳା ଅଧା କଟି ଝୁଲି ରହିଥିଲା ଓ ବାମ ହାତ ଶରୀରରୁ ସଂପୂର୍ଣ୍ଣ ଅଲଗା ହୋଇଯାଇଥିଲା । ମୁହଁ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିବାରୁ ତାଙ୍କ ପରିଚୟ ମିଳିପାରିନାହିଁ । ତାଙ୍କ ବୟସ ପାଖାପାଖି ୩୫ ବର୍ଷ ହେବ ବୋଲି ଅନୁମାନ କରାଯାଉଛି । ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଛେଦ ପାଇଁ ପଠେଇଦେଇଛି । ଆଉ ଏହି ଘଟଣାରେ ଏକ ଅପମୃତ୍ୟୁ ମାମଲା ରୁଜୁ କରିଛି । ତେବେ ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ଏହି ଘଟଣାର ଅଧିକ ତଦନ୍ତ କରୁଛି । ତେବେ କିଏ ଓ କାହିଁକି ମହିଳାଜଣଙ୍କୁ ହତ୍ୟା କଲା ସେ କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି । 

ଆଗକୁ ପଢନ୍ତୁ :-  କୋରାପୁଟରେ ଡବଲ୍ ମର୍ଡର : ଦୁଇ ଯୁବକଙ୍କ ମୃତ୍ୟୁ