କୋରାପୁଟ ଜିଲ୍ଲା କୁନ୍ଦୁଲି ହାଟପଦାରେ ଡବଲ୍ ମର୍ଡର ଘଟିଛି । ଉଭୟ ପକ୍ଷର ଆକ୍ରମଣ ଓ ପ୍ରତି ଆକ୍ରମଣରେ ଦୁଇ ଯୁବକଙ୍କ ମୃତ୍ୟୁ ଘଟିଛି । ମୃତକ ଯୁବକ ଦୁଇ ହେଲେ ଗୋବର୍ଦ୍ଧନ ପାଣ୍ଡକା ଓ ରାଜକୁମାର ରୁଡ଼ି । 

ସୂଚନା ଅନୁଯାୟୀ ଆଜି ସକାଳେ ଗୋବର୍ଦ୍ଧନ କୁନ୍ଦୁଲି ହାଟପଦାରେ ଥିବା ଦୋକାନଙ୍କୁ ଜିନିଷ କିଣିବାକୁ ଯାଇଥିଲେ । ଜିନିଷ କିଣା ନେଇ ଦୋକାନୀ ସହ ଗୋବର୍ଦ୍ଧନଙ୍କର କିଛି କଥାକୁ ନେଇ ପାଟିତୁଣ୍ଡ ହୋଇଥିଲା । ଘଟଣାସ୍ଥଳରେ ରାଜକୁମାର ଓ ତାଙ୍କ ବାପା ଉପସ୍ଥିତ ଥିଲେ। ତେବେ ଦୋକାନୀ ଓ ଗୋବର୍ଦ୍ଧନଙ୍କ ମଧ୍ୟରେ ଝଗଡ଼ା ଉଗ୍ରରୂପ ନେଇଥିଲା ପରେ ଗୋବର୍ଦ୍ଧନଙ୍କୁ ଦୋକାନୀ, ରାଜକୁମାର ଓ ତାଙ୍କ ବାପା ମିଶି ଠେଙ୍ଗା ଓ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ। ଘଟଣାସ୍ଥଳରେ ଗୋବର୍ଦ୍ଧନଙ୍କର ମୃତ୍ୟୁ ଘଟିଥିଲା। ଏହାପରେ ଗୋବର୍ଦ୍ଧନଙ୍କ ପରିବାର ଲୋକେ ଖବର ପାଇ ଘଟଣାସ୍ଥଳରେ ଆସି ପହଞ୍ଚିଥିଲେ। ରାଜକୁମାରଙ୍କୁ ମଧ୍ୟ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ କରିଥିଲେ। ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି ।

ଅଧିକ ପଢନ୍ତୁ ;- ବିଦ୍ୟୁତ ସଂସ୍ପର୍ଶରେ ଆସି ଚାଲିଗଲା ଯୁବକଙ୍କ ଜୀବନ