ଗ୍ୟାଙ୍ଗଷ୍ଟର କୁ ଗୁଳିକଲା ନିଜ ଗ୍ୟାଙ୍ଗର ସଦସ୍ୟ । ବେଆଇନ ଜମି ଓ ଟଙ୍କା ର ଭାଗବାଣ୍ଟା ପାଇଁ  ବିବାଦ କରିବାରୁ ଗ୍ୟାଙ୍ଗ ସାଥି କରିଦେଲା ଗୁଳି। 

ସୂଚନା ଅନୁସାରେ ମହାରାଷ୍ଟ୍ର ପୁନେରେ ଗତକାଲି  ଅପରାହ୍ନ ୧.୩୦ ସମୟରେ ଗ୍ୟାଙ୍ଗଷ୍ଟର ଶରଦ ମୋହୋଲକୁ ତା ଘର ବାହାରେ ଅତି ନିକଟରୁ ଗୁଳିକରି ହତ୍ୟା କରାଯାଇଛି । ଗୋଟିଏ ଗୁଳି ତା ଛାତିରେ ଏବଂ ଦୁଇଟି ଗୁଳି ତା ଡାହାଣ କାନ୍ଧରେ ବାଜିଥିଲା । ଚିକତ୍ସାଧୀନ ଅବସ୍ଥାରେ ଡାକ୍ତର ତାକୁ ମୃତ ଘୋଷଣା କରିଥିଲେ। ପୋଲିସ ଘଟଣାଟି ର ଛାନ୍ ଭିନ୍ କରି ଚମ୍ପଟ ମାରୁଥିବା ୮ ଅଭିଯୁକ୍ତ ଙ୍କୁ  ବାଙ୍ଗାଲୋର ପୁନେ ହାଇୱେ  କାକିଭ ଓ ଶୀରବଲ ମଧ୍ୟରେ ଧରିଥିଲା । ସେମାନଙ୍କ ନିକଟରୁ ୩ଟି ଦେଶୀ ବନ୍ଧୁକ, ପାଞ୍ଚଟି ଜୀବନ୍ତ ଗୁଳି ଏବଂ ଦୁଇଟି କାର ଜବତ କରିଥିବା ଏସିପି  ରାମନାଥ ପୋକ୍ଲେ କହିଛନ୍ତି ।

 ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ ଏହା ଏକ ଗ୍ୟାଙ୍ଗ ୱାର ନୁହେଁ କାରଣ ମୋହଲଙ୍କୁ ତାଙ୍କ ସହଯୋଗୀମାନେ ହତ୍ୟା କରିଥିଲେ। ମହାରାଷ୍ଟ୍ର ପୋଲିସ ଏଭଳି କୁଖ୍ୟାତ ଗ୍ୟାଙ୍ଗଷ୍ଟରଙ୍କ  ସହ ମୁକାବିଲା କରିବା  ଜାଣନ୍ତି, ତେଣୁ ଗ୍ୟାଙ୍ଗ ଯୁଦ୍ଧରେ ଜଡିତ ହେବାକୁ କେହି ସାହସ କରନ୍ତି  ନାହିଁ। ଘଟଣାର ଅଧିକ ତଦନ୍ତ ପାଇଁ ପୋଲିସର ୯ ଜଣିଆ ଟିମ୍ ଗଠନ କରାଯାଇଛି ।

ଅଧିକ ପଢନ୍ତୁ : ଖସିବାର ନାଁ ନେଉନାହିଁ ପରିବା ଦର