ବଲାଙ୍ଗୀର ଜିଲ୍ଲା ଖପ୍ରାଖୋଲ ପୋଲିସକୁ ବଡ଼ ସଫଳତା । ପୋଲିସ ହାତରେ ଧରାପଡ଼ିଲେ ଚୋରି ଗ୍ୟାଙ୍ଗ । ୫ ଜଣ ଅଭିଯୁକ୍ତଙ୍କୁ ଗିରଫ କଲା ଖପ୍ରାଖୋଲ ପୋଲିସ । ଗିରଫ ବେଳେ ୪ ଟି ଟ୍ରାକ୍ଟର ,ଗୋଟିଏ ପିକଅପ ଗାଡି ଓ ୧୦ ଗୋଟି ଗ୍ୟାସ ସିଲିଣ୍ଡର ଜବତ କରିଛି ଖପ୍ରାଖୋଲ ପୋଲିସ । 

ସୂଚନା ଅନୁଯାୟୀ  ଗତ ୨୮ ତାରିଖରେ ଖପ୍ରାଖୋଲ ଥାନା ବୈଜଳସାଗର ଗ୍ରାମ ର ହୃଦାନନ୍ଦ ସାହୁଙ୍କ ଘର ସମ୍ମୁଖରୁ ଦୁର୍ବୁତ୍ତ ମାନେ ଟ୍ରାକ୍ଟର ଚୋରି କରି ନେଇଥିବା  ହୃଦାନନ୍ଦ ଥାନାରେ ଅଭିଯୋଗ କରିଥିଲେ । ଏହାପରେ ଅଭିଯୋଗକୁ ଭିତ୍ତି କରି ଖପ୍ରାଖୋଲ ଥାନା ଅଧିକାରୀଙ୍କ ନେତୃତ୍ୱରେ ଏକ ଟିମ ଗଠନ କରି ତଦନ୍ତ ଆରମ୍ଭ କରିଥିଲେ । ତେବେ ଗୁରୁବାର ଛତିଶଗଡ଼  ରାୟପୁରରୁ ପୋଲିସ ଗୋଟିଏ ଟ୍ରାକ୍ଟର ଜବତ କରିଥିବା ବେଳେ ତିନୋଟି ଟ୍ରାକ୍ଟର ଲାଠୋର ଥାନା ଅନ୍ତର୍ଗତ ମସିଣା ଗାଁ ରୁ ଜବତ କରିଛନ୍ତି । କେବଳ ଟ୍ରାକ୍ଟର ନୁହେଁ ଗୋଟିଏ ପିକଅପ ଗାଡି ଓ ୧୦ ଗୋଟି ଗ୍ୟାସ ସିଲିଣ୍ଡର ଜବତ କରିବା ସମେତ ୫ ଜଣ  ଡକାୟତଙ୍କୁ ପୋଲିସ ଗିରଫ କରିଥିଲେ  । 

ତେବେ ସମସ୍ତ ଅଭିଯୁକ୍ତବକୁ ଗିରଫ ପରେ  କୋର୍ଟ ଚାଲାଣ କରାଯାଇଥିବା ପାଟଣାଗଡ SDPO ଜ୍ୟୋତିର୍ମୟ ଭୁକ୍ତା  ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସମସ୍ତ ଅଭିଯୁକ୍ତ  ବଲାଙ୍ଗିର ଅଂଚଳର  ବୋଲି ଜଣାପଡିଛି । ଅନ୍ୟପଟେ କେବଳ ଏତିକି ଜଣ ଏହି ଚୋରା ଗ୍ୟାଙ୍ଗରେ ସାମିଲ ଅଛନ୍ତି ନା ଏହାର ଚେର ଆଉ କେଉଁ ଆଡକୁ ଲମ୍ବିଛି ତାହାର ତଦନ୍ତ ଚାଲିଛି ।

ବଲାଙ୍ଗୀର ରୁ ଗୁପ୍ତେଶ୍ୱର ପୃଷ୍ଟିଙ୍କ ରିପୋର୍ଟ