ଲକ ଡାଉନ ସମୟରେ ଅନଲାଇନରେ ମଦ କଣିବା ଭାରୀ ପଡିଲା ବ୍ୟାଙ୍କ ମ୍ୟାନେଜରଙ୍କୁ, ଆକାଉଣ୍ଟରୁ 19020 ଟଙ୍କା ଗାୟବ କରିଦେଲେ ହ୍ୟାକର
Khabar Odisha:Cyber-crime-in-bhubaneswar
ଭୁବନେଶ୍ୱର, ଏପ୍ରିଲ ୦୨ (ଖବର ଓଡ଼ିଶା):

ଲକ ଡାଉନ ପିରିୟଡ଼ରେ ଅନ ଲାଇନ ବିୟର ମଗାଇବା ଭାରି ପଡିଛି ଜଣେ ବ୍ୟାଙ୍କ ମ୍ୟାନେଜରଙ୍କୁ । ସାଇବର ଠକେଇ କରି ହ୍ୟାକର ମାନେ ତାଙ୍କ ଆକାଉଣ୍ଟରୁ ଗାୟବ କରି ଦେଇଛନ୍ତି 19020 ଟଙ୍କା ।

ଏ ନେଇ ଲୁଟର ଶିକାର ହୋଇଥିବା ବ୍ୟାଙ୍କ ମ୍ୟାନେଜର ସାଇବର ଥାନାରେ ଅଭିଯୋଗ କରିଛନ୍ତି । ଗତ ୨୨ରୁ ଲକ ଡାଉନ ଆରମ୍ଭ ହେବାପରେ ସମସ୍ତ ମଦ ଦୋକାନ ବନ୍ଦ ରହିଥିଲା । ଏହାର ଫାଇଦା ନେଇ ସାଇବର ଅପରାଧୀ ମାନେ ବେଶ ସକ୍ରିୟ ହୋଇପଡିଛନ୍ତି । ବିଭିନ୍ନ ଦାମୀ ବସ୍ତୁକୁ ଶସ୍ତାରେ ଦେଉଥିବା କହି ଲୋକମାନଙ୍କୁ ଚୂନା ଲଗାଉଛନ୍ତି। 

ଲକ ଡାଉନ ଥିବାରୁ ସମ୍ପୃକ୍ତ ବ୍ୟାଙ୍କ ମ୍ୟାନେଜର ଅନ ଲାଇନରେ ମଦ କିଣିବାକୁ ଚାହିଁଥିଲେ। ଭୁବନେଶ୍ୱର କାଦମ୍ବରି ମଦ ଦୋକାନ ହୋମ ଡେଲିଭରି ଦେଉଥିବା ନେଇ ଗୁଗଲରେ ସେ ଜାଣିବାକୁ ପାଇଥିଲେ। ଗୁଗଲରେ ଦେଇଥିବା ଫୋନ ନମ୍ବରରେ ସେ ଯୋଗାଯୋଗ କରିଥିଲେ। ଏହାପରେ ତାଙ୍କ ହ୍ବାଟସ ଆପ ନମ୍ବରକୁ ଏକ ବାରକୋଡ ଆସିଥିଲା । ବାରକୋଡ ସ୍କାନ କରୁ କରୁ ତାଙ୍କ ଆକାଉଣ୍ଟରୁ 19020 ଟଙ୍କା ଗାୟବ ହୋଇଯାଇଥିଲା ।

ଏହା ପରେ ଲୁଟର ଶିକାର ହୋଇଥିବା ଜାଣିବା ପରେ ବ୍ୟାଙ୍କ ମ୍ୟାନେଜର ଜଣକ ସାଇବର ଥାନାରେ ଅଭିଯୋଗ କରିଛନ୍ତି।

  • Tags:

Subscribe

National International State Sports Entertainment